مشاكل رينو لوجان واسعار قطع الغيار

[سيف الدين ابراهيم]

المشاركة الأصلية كتبت بواسطة booooy انا اتخنقت بصراحة مفيش تجديد ومفيش حد بيقارن بحيادية الا نادرا بقيت كل ما ادخل المنتدى عارف هشوف ايه الاستاذ اسد الله بيناصر عربيته اللوجان حتى ضد الاكسنت بدون ذكر اسباب والاستاذ صلاح بيناصر عربيته الساجا الحمرا اللى بتمشى فى الصحرا ومتقولش لا انتوا يا جماعه اصحاب عربيات فيه غيركوا زيي مثلا مش عنده عربية وداخل عشان يستفيد ويتعلم ازاى اقارن بين العربيات انما بالشكل ده محدش هيفيد ولا حد هيستفيد ارجو ان طريقة تفكيرنا تتغير شوية عن كده

اخي المحترم ...... بمنتهي البساطة وانا مالك لسيارة لوجان اري ان عفريت الفئة والحصان الاسود هو الf3 وبعدين الفرنا وبعدين الانوس وبعدين اللوجان وبعدين البروتون وبعدين الاسبرانزا ......ليه بمنتهي المنطقية f3 حققت عامل الاتساع والكماليات والعلو عن الارض ورخص قطع الغيار وقوة الموتور الياباني وطبعا وكيلها زفت وسعر اعادة بيعها زفت لحد الان ....الفرنا موتور وعفشة وقطع غيار رخيصة وسعر اعادة بيع ممتاز....الانوس بتاعت منصور دي تقل عنها ف العفشة والموتوروالتكييف ويرفع من رصيدها قطع غيارها وسعر اعادة البيع الفوق ممتاز ....اللوجان من وجهة نظري اتساع وشيء من عوامل الامان وعفشة ناعمة طبعا قطع غيار زفت وغالية وكلها بولندي وتركي دي الاصلية علي فكرة وموتور وحش وتكييف عادي وتوكيل زفت وسعر مجهول للاعادة....البروتون فيها موتور فقط توكيل وعفشة وقطع غيار غالية جدا جدا وصالون ضيق.....الخيار الاخير العملاق الهش للاسبرانزا ضعيفة جدا سواءا في الموتور او العفشة التي لها مشاكل غريبة اعطال الزارير ف الصالون متكررة وكيلها معقول وواسعة فقط قطع غيارها غالية بس اقل من اللوجان واعادة بيعها زبالة وياريت اكون وفيت واوجزت وعلي فكرة انا تقريبا جربت الست عربيات دول ولله الحمد

[abou_mariam]

المشاركة الأصلية كتبت بواسطة flashfox بسم الله الرحمن الرحيم احنا اتكلمنا عن الاوبشن بتاع اللوجان وشكلها و قيمناها حسب اراء الناس نيجي دلوقتي للعيوب اللي الناس بتقول عليها اولا: الكلاكس بتاعها صوته مزعج جدا و كنت مشفق على الناس اللي قدامي لما كنت بضربوا تحس انو بيزعق ثانيا:صوت الموتور عالي نسبيا لكن مش دبابة يعني عادي ثالثا:في حرارة بسيطة تحت رجل السواق و ظبطتها باني خليت التكيف يطلع من الهوايات بتاعت الرجلين و الهويات العادية لحين معرفة حل ليها رابعا:لمبة المارشردير البعض هايفتكر ان في واحدة بايظة ولا حاجة العربية بها لمبة مارش واحدة والتانية بتبقي لمبة شابورة خامسا: في مشكلة كبيرة شوية ان في واحد فانوسه اتكسر وراح التوكيل وملاقهوش !! و قالولوا انه مش متوفرptmnlo123per155 وطبعا الراجل مكنش مصدق ان عربية زي دي بدات تنتشر في مصر في فئة سعرية مثل الانوس والفيرنا و ملهاش قطع غيار و طبعا مقدرش يمسك اعصابه ptmnlo123per111 وربنا يسهل قالوا ان هو هايتابعهم وربنا يسهل سادسا: البعض بيشتكي من عضة في الفتيس ودة غالبا بيبقي من انهم متعودين علي عربيات تانية لان اللوجان مينفعش تنقل من غير ما تدوس الدبرياج للاخر لان في بعض العربيات نقطة الفصل عند نص الدبرياج كدة نيجي دلوقتي لاسعار قطع الغيار المعتمدة طقم شمعات احتراق بوجيهات 88 فلتر هواء محرك 60 لتر بنزين محرك 60 فلتر زيت محرك 30 سير دينامو 90 طقم سير كاتينة 295 طقم تيل فرامل امامى 225 مساعد امامى 385 مساعد خلفى 390 رفرف امامى 679 فانوس امامى 495 فانوس خلفى 225 السعر لايشمل ضريبة المبيعات ضمان 12 شهر على قطع الغيار المباعة <!-- google_ad_section_end --> و دي اسعار قطع الغيار وقارنوا انتوا و اديني قولتلكوا مميزات و عيوب العربية دي و انتوا قارنوا بس انا عن نفسي شايف انها عربية حلوة ومقتنع بيها وهي احسن من اللانوس والفيرنا والافيو مع احترامنا للعربيات دي طبعا بس العربيات دي الهاف اوبشن منها سعره اغلي من اللوجان الفول اوبشن و ياريت اللي عنده حاجة تانية يشاركنا بيها وياريت نشوف رودودكو الغالية تنور موضوعيptmnlo123per122

فلتر زيت محرك 30
فانوس امامى 495
السعر الصحيح الفلتر 45
الفانوس الامامى 650 عن تجربة ( أشترتهم من التوكيل )

[ابومالك فايد]

انا شايف ان اللوجان عربيه ممتازة من غير نزاع لكن للاسف مشاكل قطع الغيار افقد السيارة التربع علي قمة السيارات المنتشرة في مصر

[محمد اشرف]

ليههههههههههههههه:pod_of_ gold: الاسعار غالييييييييييا

[aymanay32]

http://tabib.kalamfikalam.com/t4990-topic
اصل الموضوع