جمعة الغضب - تغطية لاحداث الثورة من 24 يناير 2011

[omarken]

انا جيت يارجاااااله
عايز حاجة تشغل الفيس بوك لأنو متوقف عندى 100%

[MIDO-SPICY]

ماتنساش يا محمد يا على توزع ابو نورا معانا ولا علشان هو مؤسس المنتدى يحط اخبار من كل حته براحته ؟؟
وبعدين احنا لسه بنادى بالديموقراطيه ولا اندهله بتوع مظاهرات التحرير؟
:craz yW14:

[MIDO-SPICY]

المشاركة الأصلية كتبت بواسطة omarken انا جيت يارجاااااله عايز حاجة تشغل الفيس بوك لأنو متوقف عندى 100%

اوعى تقول انك كنت فى الظاهرات زى امبارح؟

[MIDO-SPICY]

11:04 قوات الأمن أمام نقطة شرطة الطلبية تطلق قنابل مسيلة للدموع على الأهالي لتفريقهم.
11:03 أسفر الاجتماع الذي دعى إليه خالد الصاوي للتضامن مع المتظاهرين في الانتفاضة التي تشهدها مصر حاليا عن إعلان العشرات من الفنانيين عن مشاركتهم في مظاهرات يوم جمعة الغضب ومن الفنانيين الذين وقعوا على البيان الذي أعلنوا فيه مشاركتهم بالمظاهرات هم: منى زكي وخالد يوسف ونهى العمروسي وخالد الصاوي وأحمد رشوان ومحمد أبو سيف وفتحي عبد الوهاب وصفاء الطوخي وأحمد فؤاد سليم ووائل حمدي وبلال فضل وعماد البهات ومحمد فريد ونادين شمس ومريم ناعوم وأحمد عيد، فيما أكد المخرج السينمائي شريف عرفه مشاركته في المظاهرة وكذا الفنان عمرو واكد رغم عدم حضورهم الاجتماع.
نقلا عن موقع الدستور الاصلى

[sad-bird]

عمرو مصطفي شبكة رصد لغايه لما يقوم يكمل مذاكرة
قبل ما تقوم يا عمرو تعرف احمد علاء علشان يكمل بدالك

عم احمد اكرر عم احمد عليك الاخبار من الدستور

العبد لله هجيب اليوم السابع


لو فيه اقتراحات تاني لمواقع تاني كويسة نعرفها واللي يقول عليها يا ريت يقدر يقعد ينقلنا منها



مع مراعاة الاتي

1. الالتزام بقوانين المنتدي ( ابو نورا هيحطها تاني دلوقتي )
2. عند النقل تذكر المصدر والاسم والرابط بتاعه ( حفاظا على حقوق الملكية الفكرية اولا وثانيا اخلاء مسئوليتك عن الكلام اللي بتنقله )
3. لو حد هقوم يبلغ الموجودين علشان حد يسد مكانه قبل ما يقوم ( ان شاء الله مش هنطول يعني ساعتين تقريبا لان اخر الاخبار العاجلة بتكون على 1 او 2 بالكثير )

4 برجاء من الاخوة القراء في صمت الدخول لتشجيع المراسلين والاحساس باننا لسنا وحدنا في الموقع ( علشان لما نتمسك نتمسك كلنا وانا اول واحد هقر على ابو نورا ههههههههه)

جزاكم الله خير