|
#1021
28-09-2010, 03:05 PM
|
||||
|
||||
رد: أدب الرحلات
الفتنة الطائفيـة
واخونا حازم خضر فكرنى بواد نصاب كان اسمه وحيد وفاتح فى الشرابية وكان هذا الكلام سنة 1998 وكانت احداث مسجد آدم بعين شمس كانت مسيطرة على الاحداث فى البلد وكانت منطقة احمد عصمت بعين شمس الدخول اليها مغامرة والخروج منها مغامرة وكانت هناك احداث فتنة طائفية بين المسلمين والاقباط كثيرة فى هذه الايام من عين شمس للمنيا لاسيوط لسوهاج وانا كنت مدى تعليمات ممنوع البيع فى الشرابية لانها منطقة بلاك ليست عند كل الشركات ماعدا واحد اسمه على م اعتقد ميخائيل او جرجس مش فاكر سمعته حلوة وراجل محترم وكنا بنتنافس علشان نبيع له وكنت بروح له بنـفـسى وفى يوم جات لى طلبية فى الشرابية من المندوب ومدير البيع موافق عليها ولكن كان مطلوب موافقتى على المنطقة دى بالذات ورفضت طبعا ولكن مدير البيع قال / الطلبية دى على مسئوليتى واى خسارة فيها اخصمها من مرتبى وانا لا احب مسألة الخصم اومال الموظف بيشتغل ليه؟؟؟ مش علشان نخصم منه طبعا لكنها كانت ضرورية لمواجهة الموظفين الكسلية والبلطجية(يعنى اللى مبيشتغلوش مش الفتوات ) وذهبت الطلبية الى وحيد وكانت بحوالى 12 الف جنيه ويوم ورا يوم واسبوع ورا اسبوع ولا ...حس ولا....خبر ولما سالت مدير البيع / هيا الطلبية دى راحت كده والا ايه فقال / هو بس عنده ظروف لكن هو وعدنى هيتصرف خلا ل الاسبوع ده وانا شميت ريحة تغطية من مدير البيع على موقف وحيد ونزلت الشرابية ولكن ذهبت الى ميخائيل ازيك يااستاذ ميخائيل اهلا ياباشا واثناء شربنا للشاى سويا لمحت عنده بعض انواع بضاعتنا وقلت له / تصدق عيب تجيب من بره قال / انا معرفش انها بتاعتكو طيب دى بكام واشار الى نوع من انواع العطور فقلت له دى جملة ليك انت ب60 جنيه (كنا بنبيعها ب65 جنيه) انا جبتها ب45 جنيه مش ممكن دى علينا ب58 جنيه ضحك وقال / انا عارف جبتها منين من وحيد انا باندهاش / وحيد ؟؟؟؟؟؟ ده واخدها مني ب63 جنيه بحزن واستياء / هو وحيد كده بيحرق البضاعة بتاعة الناس ومش عارف بيودى الفلوس فين وكنت بقابله فى الكنيسة يوم الاحد واكلمه وكان بيطلع لى بحجج كتير وكلمت ابونا هناك يكلمه علشان هو كده بيسيىء لينا كأقباط وكان بينكر الكلام ده باندهاش / هو وحيد ده قبطى قريبك ؟؟؟ اه للاسف وخلصت الشاى وعملت معاه الطلبية ومشيت وطول السكة بفكر اعمل فى ده ايه ؟؟؟؟ وجائتنى فكرة نميسة وان كان فيها نوع من المخاطرة وبعدها بيومين سأ لت مدير البيع / اخبار وحيد ايه بتردد / مفروض يدفع فلوس النهاردة هتروح له امتى بالليل على 8 طب اتصل بيا قبلها خير كلمنى بس ماشى وفعلا 7 ونص كلمنى / انا رايح لو حيد دلوقت طب تعالى لى المكتب خير عايزك و...جه المكتب ودخل وفتح فمه على الآااااااخر لانه رأى منظرا غريبا شافنى لابس جلابية بيضا وطاقية وطبعا دقنى كانت ضخمة ايامها ومعروف عنى انى كنت دائما ما ألبس بدل (جمع بدلة ) وكرافتات ولم يرانى احد بهذا المنظر ابداااااا تمالك نفسه وسأ لنى / خير ياباشا انا هاجى معاك بتردد / خليك وانا هخلص معاه بحزم / انا جاى معاك ولم يملك الا الموافقة وكان معى سيارة ملاكى وسائق وناديت على السائق / يالا يااشرف على فين العزم ياباشا الشرابيه وركبنا ومدير البيع فاقد النطق لان منظرى ده وفى هذه الايام وفى الشرابية يجعلك تشم ريحة مصيبة ووصلنا الشرابية ووقفنا امام المحل وعرفنى بوحيد / الحاج خالد احد اصحاب الشركة وحيد بابتسامة صفراء ولديه احساس بمصيبة / اهلا ياحاج اهلا يااستاذ وحيد كل هذا وعينى تدور فى جميع انحاء المحل ولم اجد شيئا من بضاعتنا مدير البيع / عايزين الفلوس وحيد / بلاش النهاردة خليها بكرة انا / ليه اصل حصل ..... وقاطعته / بعد اذن حضرتك عايزين أما الفلوس او البضاعة لأن الطلبية طولت كده واحنا بنرحب بمرتجع ومش زعلانين منه علشان نخف من عليك طيب سيبنى لبكرة اسف مش هقدر وفوجئت بصوت وحيد احتدت نبرته و زعق / هو ايه ؟؟؟؟ هو شغل حلق حوش ده يوم اللى بطلبه مطلبتش كتير وبعد مناقشة ليست بالقصيرة القيت قنبلتى فى وجه الجميع وقلت / شوف ياعم وحيد انا لو م اخدتش فلوسى كلها دلوقت هجيب الاخوة اعضاء الجماعة من عين شمس ونكسر المحل بعد م ناخد بحقنا بضاعة ووجدت الذهول فى عينى مدير البيع ووحيد ولاحظت نظرات الاثنين الى لحيتى الكثيفة وجلابيتى وطاقيتى وأيقن الاثنين ان هناك مصيبة مدبرة اصلا ووجدت وحيد قد خفت صوته وجاء بعض الجيران على الجملة وارسل الى منزله واقترض من بعض اصدقائه وفى خلال نص ساعة تم جمع 10 الاف جنيه من 12 الف اخدت بهم كريمات وشامبوهات ولعب اطفال ومشينا بعد مدة لاتقل عن ساعة كلها كانت عصيبة والوحيد الذى كان من داخله هادئا كان انا ونحن داخل السيارة وجدت مدير البيع لازال مندهشا واشرف السائق يقود السيارة بالعافية ولتهدئة الموقف قلت / تعالو نقعد على اى قهوة وقعدنا على قهوة هناك بشارع الشركات بجوار قسم شرطة الشرابية وجلسنا على القهوة ولازال الاثنين مندهشين كان يمكن ان نبيت ليلتنا فى أمن الدولة ولانخرج ابدا وفى ظل حالة الغليان فى البلد وقتها وانا انفجرت فى الضحك ههههههههههههههههههههههههه ههههههههههههههههه وسأ لونى / انت فعلا كنت متفق مع الجماعة الاسلامية لو الواد ده مدفعش هتكسرو المحل انا / ولا اعرف حد منهم ولاشفتهم ولا كان فى اى حاجة باندهاش /ازاى ده انت قلت هنجيب الاخوة اعضاء الجماعة ونكسر المحل انا / قلت لكن منفذتـش مدير البيع / منفذتـش لان الموضوع اتحل لكن بفرض انه عاندك ورفض كنت هتعمل ايه ؟؟؟ انا / مش عارف وانفجرنا جميعا فى الضحك ههههههههههههههههههههههههه هههههههههههههههههه التعديل الأخير تم بواسطة خالدخليفة ; 28-09-2010 الساعة 03:14 PM 
|
|
#1022
28-09-2010, 03:38 PM
|
|||
|
|||
رد: أدب الرحلات
يخربيت دماغك يا عم خالد بس فعلا انا شايف انك لو مكنتش عملت كدا مكنتش خدت قرش ابيض
|
|
#1023
28-09-2010, 04:53 PM
|
|||
|
|||
رد: أدب الرحلات
 مش عشان الحاج سعيد الى زرع الارض البور ...لكن نسبه للملك سعيد وهى اسمها بالعربى كان الفرما ايامها واتسمت بورسعيد للاسف من معناها بالانجليزى Portsaid  وزيها بورفؤاد وبورتوفيق فى السويس --------------------------------------- قصه جميله وياريت تزور بورسعيد اليومين دول البلد اتغيرت كتير وعلى فكره مطعم البرج الوقت ليه فرع فى دبى 
|
|
#1024
28-09-2010, 05:39 PM
|
||||
|
||||
|
رد: أدب الرحلات
ماشى ياعم كوكو وانا سعيد بيك وبمشاركتك الاولى هنا وارجو متكونش الاخيرة وانا معترف بخطئى نزولا على رغبة واجماع الاعضاء فى موضوع تسمية بورسعيد ده
لكن ده كلام كنت قريته زمان وده اللى قلته ساعتها والاعتراف بالحق فضيلة وفعلا نفسى اروح ازور بورسعيد لان بقى لى فترة منزلتهاش اكتر من5 سنوات بس هراجع جدول الدورى العام اولا لان يوم مبارايات المصرى مع الاهلى او الاسماعيلى بيبقى يوم طوييييييل ومرة كنت فى الاسماعيلية مش بورسعيد والاسماعيلى كسب المصرى يومها 4 / صفر تقريبا المهم انى فاكر ال 4 دول وساعتها جمهور المصرى عمل عمايل عجيبة فى الاسماعيلية وانا شخصيا استخبيت جوه عمارة لحد الامور م هديت هههههههه التعديل الأخير تم بواسطة خالدخليفة ; 28-09-2010 الساعة 05:44 PM
|
|
#1025
28-09-2010, 06:50 PM
|
||||
|
||||
رد: أدب الرحلات
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
 |
|
|
