|
#1006
28-09-2010, 01:29 AM
|
||||
|
||||
رد: أدب الرحلات
|
|
#1007
28-09-2010, 02:35 AM
|
||||
|
||||
|
رد: أدب الرحلات
خطفونى وباين فى عينيهم
وعندى زبون فى ابو قير ومشواره لوحده جوه اسكندرية مشوار طويل سفر تانى وكان عنده عادة سيئة يشترى بضاعة بمبلغ كبير لايقل عن 15 الف جنيه بأى حال من الأحوال ثم يعمل مرتجع ب5000 ثم يشترى ب10 الاف ثم يعمل مرتجع ب 12 الف وهكذا يعنى نفضل نبيع فى الطلبية مدى الحياة بلا فلوس وفى يوم طلب طلبية بحوالى 20 الف انا / بس دى كاش اشمعنى علشان اعمل لك خصم كويس كام يعنى 10% خليهم 15 % لا طب هاتها ووديتها واخدت فلوسها ومشيت وانا عارف ايه اللى هيحصل وفعلا وقبل ان اركب القطار عائدا فى اخر اليوم من اسكندرية جرس الموبايل رن ولم أرد و....رن تانى ولم ارد وتالت وعاشر وبعد ان ركبت القطار وجدت الموبايل يرن عملت نفسى نايم انا / مين معايا ايه اللى مين انا فلان اهلا معلش كنت نايم انت فين فى القطار فين بالظبط بغيظ وفى بالى / يعنى لو موصلتش دمنهور هترجعنى ؟؟؟ وقلت له / قبل شبرا بشوية يااااااه ده انت وصلت الحمد لله حمدا لله على السلامة الله يسلمك .... خير كنت عايز ارجع شوية حاجات وتجيب معاك غيرهم عينى ...... قول عايز ايه هات.....وهات........وهات. .....وهات حاجة تانى ؟؟؟؟ اشكرك وقفلت السكة وقطعت الورقة ورميتها فى الزبالة (شبكة صغيرة فى خلفية الكرسى الذى امامى) وبعد اسبوع لم اذهب اليه وفات اسبوع تانى وتالت ورابع وهو يطاردنى على المحمول ولامجيب وفى يوم اتصل بى زبون وطلب طلبية عينى ....حاجة تانى لأ وعند تسليم الطلبية وجدت صاحبنا الاول امامى اتاريها خطة لاصطيادى وطيخ.... طاخ.... طوخ (دى غير مركز طوخ) واكلت علقة محترمة اشترك فيها الزبون اللى طلب الطلبية التانية وحدفونى جوه عربية ملاكى وكان هناك شخص ضخم نام فوقى حتى ابو قير وكدت ان اموت مختنقا من ركنته على جسمى ووصلنا ابو قير ودخلت ورمونى على السلم من داخل احد البيوت ووجدت الزبونين امامى الاول (اللى دايما يشترى ويرجع ) / انت عايز تنصب عليا ده لسه متخلقش اللى ينصب عليا الثانى / تصور دايما كنت بحترمك لكن مكنتش فاكرك نصاب الاول / دى مناظر بس لكن ده نصاب دولى وتمالكت قواى فالعلقة كانت شرسة والهجوم كان رهيبا وجلست على الأرض وتحدثت انا / طيب انا نصاب ليه ؟؟؟؟ الاول / نصبت عليا انا / فى ايه ؟؟ دبستنى فى بضاعة بايظة ايه البايظ سكت وكررتها وسكت ووجهت كلامى للثانى الذى ساعده فى القبض عليا وعاونه فى ضربى الاستاذ متعود يشترى بضاعة مثلا ب10 ويرجع ب5 ثم يشترى بضاعة ب7 ويرجع ب10 والناتج انى رايح جاى كل اسبوع بلا مقابل بجيب بضاعة وبرجع ببضاعة فجيت فى اخر مرة طلب منى بضاعة قلت له كاش لانى عارف عادته السيئة فقال ماشى وجبتها وركننى جنبه اكتر من 3 ساعات وهو يفرز ويراجع ويحسب ويضرب ويجمع وتحملته لان ده حقه واخيرا بعد 3 ساعات كاملة اعطانى الفلوس ونظرت الى الاول وسـأ لته / حصل بتردد / أه حصل بعد كده وكعادته اتصل بيا على المحمول وعايز يرجع بضاعة وبدل م ارفض وازعله قلت له حاضر وطنشت ووجهت كلامى للثانى متسائلا / لو انت مكانى تعمل اييـيـيه؟؟؟ وسأ ل الثانى الأول / الكلام ده صح ؟؟؟؟؟ بصوت ضعيف / أه ووجدت الثانى وطى راسه فى الأرض خجلا وقا ل للاول / هات 5000 جنيه ليه تعويض للراجل ده على ظلمنا ليه ده اولا وثانيا لاننا دغدغناه ده مش قادر يقوم من على الارض وثالثا ابعت هات له اكل محترم قلت له / انا مش عايز حاجة انا عايز امشى قال / لا والله العظيم م تمشى وكل اللى قلته هيتنفذ وفعلا دفع 5000 جنيه بعد مناقشات طويلة وجاب اكل محترم ديليفرى واعطوه ليا وقال الثانى/ عايز تاكل هنا ماشى مش عايز لازم تاخده يااخواننا انا مش عايز حاجة الثانى / والله العظيم لايمكن وللحق باس على راسى وقال / ارجوك تسامحنى انا مكنتش فاهم كده ووصلونى لحد محطة سيدى جابر وقطعولى تذكرة وحملونى لانى مكنتش قادر امشى وركبونى داخل القطار وبعد ان اطمأن الثانى عليا نزل من القطار ونمت حتى القاهرة ولم احس بنفسى الا فى القاهرة ووصلت البيت منهكا متعبا مكسرا ونمت حتى اليوم التالى ولم استيقظ الا ليلا اكلت وصليت ونمت حتى اليوم الذى يليه وام عمر حست انى فى حاجة وسألتنى فحكيتلها فضحكت وقالت بهزار / ياسيدى اهى علقة ب5000 جنيه واكلة محترمة هناكل فيها يومين ههههههههههههههههههه شوف يااخى تفكير الستات التعديل الأخير تم بواسطة خالدخليفة ; 28-09-2010 الساعة 02:52 AM
|
|
#1008
28-09-2010, 03:22 AM
|
||||
|
||||
رد: أدب الرحلات
دا مش حتيجي ولا حاجه جنب اللي بتحكيه بس ححكيلك موقف بسيط لا يرقي اي موقفك لكن الي حد ما نفس الظروف ايام ما كنت في شركه الادويه و الوقت دا كنت ماسك في طنطا شارع الجلاء و قحافه المهم كان فيه صيدلي بلاك ليست و الشركه مش بتتعامل معاه و المندوب اللي قبلي كان عامل له طلبيه آجل مش نقدي و كالعاده ضرب الشيك و دا كيف عنده انه يضرب شيكات و فيه ناس كتير بالطريقه دي(تحس انهم و هما صغيرين راضعين لبن مغشوش) المهم كل ما اروح له يقول مافيش فلوس و تعالي بالليل و اروح بالليل اقعد استناه ما يجيش لدرجه اني كنت اخلص شغلي في طنطا الساعه خمسه و يكون ورايا شغل في المحله ارجع المحله اخلص الشغل و اروح تاني علي طنطا الساعه 10 بالليل اقعد في الصيدليه لحد ما تقفل و هو ما يجيش برضه .. في الحله دي كان المدير بتاعنا قال علي فكره ظريفه جدا و كانت دايما بتنفع و دي كانت اول مره اجربها و هو اني اروح للعميل الصيدليه في الوقت اللي بتيبقي فيه عيادات مفتوحه و المرضي رايحين جايين علي الصيدليه و اتكلم معاه بالراحه الاول و لو ما فيش فلوس ابدأ اعلي في صوتي و اعمل له فضيحه.. و طبعا اخوكم ما يتوصاش  انا صوتي عالي بطبيعتي و روحت للصيدلي في الميعاد اللي حدده مره الساعه اربعه العصر و انا مش طايق لان دي يمكن خامس مره اروح علشان شيك ب 500 جنيه !!!!!و دخلت الصيدليه و انا مغير شكلي تماما (كنت بدخل و انا لابس كرافته اليوم دا رايح و انا كاجوال و لو بقول له يا دكتور قولتله يا استاذ )و دا علي فكره في اساسيات رجل البيع انه يقدر يحسس اللي قدامه ان الشخص اللي قدامه دا مختلف و فيه حاجه غريبه. المهم قولتله مساء الخير يا استاذ بص ليا و قالي اهلا و سهلا قولتله :فلوس الشيك بعد اذنك.. قالي : مافيش فلوس قولتله:ازاي يعني مافيش فلوس(و نبره صوتي بدأت تعلي) قالي:هو كده انت حتحقق معايا ولا ايه انا بقي و بصوت عالي و الزباين ماليه الصيدليه: مش معقول كده يا استاذ مش عاوز تدفع فلوسنا ليه (و بدأت ارجع بضهري شويه ناحيه الباب علشان لو حصل حاجه و اتهجم عليا و ضربته يبقي مش داخل المحل بتاعه و يحصل ليا مشكله لو الموضوع كبر) و لقيته بيقولي بزعيق:فيه ايه يابني انت اتجننت ولا ايه و قمت انا فاتح علي الرابع و صوتي عالي قوي:هو مش الفلوس دي اخدت بيها بضاعه مش عاوز تديني فلوسي ليه و هو انا حتحايل عليك دا بالشيك دا اوديه القسم و هما يتصرفوا انا فلوسي ما تروحش عليا جري ايه يا استاذ دي فلوس ناس حرام عليك تاكل فلوسنا (و قعدت كل كلمه اللي اقولها اعيدها و اللي اعيدها ازيدها ) و قد كان و اللي عاوزه حصل الناس كلها سمعت و بقت فضيحه لقيته سحب ناعم و قالي و هو انت بتفهم الهزار غلط ليه ما انت مش معاك الشيك قولتله :الشيك معايا اهو و خليته يشوفه في ايدي. قالي : طيب خد فلوس الشيك اهي واخدت فلوس الشيك و روحت الشركه في نفس اليوم قبل الخزنه ما تقفل احط الفلوس علشان استفيد بال 100 جنيه المكافأه الشهريه لما بصفي المرتد بتاعي كل شهر. و حكيت للمدير بتاعي علي اللي حصل و قالي احمد ربنا انك وصلت لان المنطقه اللي فيها الصيدليه دي كلها مقابر زي ما انت شايف و كل الشمامين بيضربوا حقن و اقراص من عنده لو كان سلط عليك حد كان زمانه جاب بطنك بمطواه!! و قالي ما تروحش الصيدليه دي تاني خااالص قولتله اوك يا فندم و انا بكره مش حاجي الشغل و حشتغل المحله بكره و حطلع من بدري مش ححضر اجتماع بكره. المهم ما روحتش الشركه اليوم التالي و بعدها روحت في ميعادي و لقيت المدير و المندوبين و الموزعين واققفين و بيقولوا كويس انك ما جتش امبارح ليه يا جماعه؟؟ قالولي الدكتور بتاع صيدليه ..... جه و جايب معاه عربيه اسعاف علشان يضربك وسط الناس وياخدك في عربيه الاسعاف !!!!!!!!!! قولت يا نهاااااااااار يعني كنت حروح ضحيه الشركه قالولي جاي و الشر في عنيه و معاه اتنين واقفين تحت و عربيه الاسعاف واقفه . و حمدت ربنا علي اللي حصل و اني ما جتش الشغل و لكن دمي بيغلي و مش عارف اعمل فيه ايه و نفس الوقت بقيت بخاف اركن عربيتي تحت الشركه علشان ما يجيش يعتدي عليا خصوصا ان من كلام المدير و الزملاء حسيت انهم رجاله قوي و لو حصل ليا حاجه مش حيقفوا معايا!!! جه في بالي اقدم فيه بلاغ و اوصي عليه حد من زمايلي بس قولت مش حيعملوا له حاجه و قولت لوالدي علي حصل(كان وقتها مدير عام بوزاره القوي العامله و مرشح لوكيل وزاره) قولتله حصل كذا و كذا و يا ريت توصي عليه مكتب طنطا يقرفوه شويه و قد كان ارسل اليه مفتش من مكتب العمل و الامن الصناعي عمل له مخالفات في حدود 2000 جنيه علشان طفايه الحريق و عدم وجود ورقه بمواعيد العمل و فتح الصيدليه بغير مواعيد العمل الموجوده بالورقه(اللي هيا مش موجوده اصلا ) و العمال الغير مؤمن عليهم و حسيت اني كده الي حد ما اخدت حقي بس كل ما افتكر الموقف دا ابقي مش علي بعضي من اللي كان حيحصل ليا لولا ستر ربنا
__________________
حـازم خـضـر
|
|
#1009
28-09-2010, 09:33 AM
|
||||
|
||||
|
اخيرااااااااااااااااااااا اااااااااااااا
بعد عناااااااء النت وصل اغيب يومين ولا حد يسأل ولا يعبر كده اخصصصصصصصصصصصصص على كده وكمان ارجع الاقي الموقع كان عليه مؤامرة الحمد لله انها عدت علي خير وحشتني ياعم خالد لو اني زعلان منك ووحشوني اساتذه المراجيح الاحمدين سايبن كده الدنيا هاديه وساكته ولا حس ولا خبر اصبروا عليا بس لما اسخن واجيب اللي فات كله انا سايبكم صفحة 198 ارجع الاقيها 208 وانا اصلا كنت لسه مخلصتش اللي قبل 198 ربنا يكون في عونك يا استاذ حازم هتشيل كتير النهاردة هههههههههههههههههههههههه   
أما صعيدي صيني صحيح الصعيدي Trade Mark 1. الجلابية الواسعه الللي ديلها تلاته متر تحس انه بيعمل سباق خيل في السجاف بتاعها 2. العمة ( العمامة ) وزنها يبان انه 10 كيلو فوق راسه لكن هيا هشة علشان التهوية والحر والعرق ( بتنصبوا علينا يا صعايدة ) 3. الصديري والسيالة ( ودول اهم عنده من الجلابية والعمة ) 4. البلغة أعزكم الله ولازم تكون ام بوز مترين قدامها ولازم تلاقيها مثنية من عند مشط الرجل والاهم بقى انها طولها مترين ولاااااااااااااااااازم تلاقي كعب رجله طالع منها برة يا راجل حرام علييييييييييك رايح تحرق دم الناس دي على الفطار كده طيب يجولوا عليك ايه دلوكيتي جاي تتمجلز علينا يا ولد العم وجايب اجراص دوا تاكلها يا واكل ناسك يا ابو خالو يا ابو خالو موافج نروحوا نشيلوا الدودة بجرشين 
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة احمد بدر1978 ; 18-12-2010 الساعة 10:04 PM
|
|
#1010
28-09-2010, 09:48 AM
|
||||
|
||||
رد: أدب الرحلات
هههههههههههههههههه تصدق والله وانا بقرأ العلقة فوق وال 5000 بتوعها قلت نفس الكلام بتاع ام عمر الواحد ياخدله علقه كل شهر ويروح ينام عليها ههههههههههههههههههههههههه هههههههه حمد الله على السلامة يا ابو عمر كل علقة وانت طيب
__________________
ولا نقول إلا ما يرضي ربنا إنا لله و إنا إليه راجعون
|
 |
|
|
