زيت فيسكو والماتور

[tham1010]

المشاركة الأصلية كتبت بواسطة Hisham.Elgazzar ليه بتكسر وبتفسخ الموتور مع انك عرفت السر مش احنا بنقول من خمسين سنة نحط دلفاك ام اكس 3 مع كانز أبرو وننساه 5000 فى الشتا و 4000 فى الصيف الفيسكو هيدمرلك الموتور

هو أيه الدلفك دة هو فى زيت اسمة ديلفك ام اكس 3

طيب ممكن اسيب الزيت دة شوية لو من النوع اللى اقصى سرعة عندى 60 كيلوا فى الساعة والمتوسط 40 كيلوا يعنى إستهلاك ضعيف ومشوار واحد كل جمعة.. ايه رايك؟؟ الماتور يستحمل دة.

[Mohamed Elhasafy]

سبب الصوت هو عدم ملائمة درجة لزوجة الزيت للموتور و السبب إما إختيار درجة لزوجة غير مناسبة أو عدم مطابقة درجة اللزوجة الفعلية للدرجة المكتوبة على الزيت و ده بيبقى بسبب إنخفاض تقنية التصنيع و عدم وجود معايير رقابة صارمة
و بالنسبة لحالة حضرتك فطالما إخترت زيت 5000 فأكيد ده زيت معدنى و درجة لزوجة مناسبة (غالباً 20W-50) فلا يتبقى إلا السبب الأخير و هو عدم جودة التصنيع ... وقد قابلتنى حالة مشابهة فى سيارتى
و الحل الأن إما أن تتعايش مع الوضع و تكمل فترة الزيت فى سواقه هادئة خصوصاً أن الصيف أوشك على الإنتهاء أو تجرب إضافة نصف عبوة ليكوى مولى إضافة زيت MOS2 وتزود النصف الباقى على عند تغيير الزيت القادم
أما لو الزيت أقترب من موعد تغييره (5000 كيلو أو 3 شهور) فغيره فوراً بتوتال كوارتز 5000 أو شل الأصفر 5000 ... و توتال جربته بنفسى أما شل فسمعته كويسة
و بخصوص كانز الأبرو فهو فى الغالب (زيت شنبر) و ده بيناسب المواتير المفوتة (اللى بتدخن) و لو أضفته بإستمرار لموتور سليم فلن تستفيد إلا توسيع خلوص البساتم مما يتسبب فى تفويت الموتور ... فبلاش تفوت موتورك بإيدك
و إضافته لن تحسن أداء الزيت و لن يختفى الصوت و ده عن خبرة معاناة 10000 كيلو مع زيت منخفض الجودة ... بل بالعكس فالموتور وهو بارد بيحتاج زيت خفيف علشان يوصل بسرعة لجميع الأجزاء و دى بيتبقى أكتر مرحلة بيحصل فيها تأكل للموتور .. فوجود زيت الشنبر اللى بيبقى لزوجته مهولة وهو بارد بيعيق عملية التزييت عند بداية الدوارة و الطبيعى إنه يتحط للموتور اللى قرب يعمل عمرة لأنه الدنيا بتبقى كده كده ضايعة
لو فى أى إستفسار تانى أنا فى الخدمة

[Mohamed Elhasafy]

المقصود هو زيت موبيل دلفاك

[darsh1511]

غيرة علشان ميعملش مشاكل و حط زيت شل الاصفر و دة بيقعد 5 الاف او شل الاحمر ودة بيقعد 3 الاف و دة الى انا مغيرة و مفيش صوت من المتور خالص و فى توكيل غبور هونداى فى قليوب شغالين بشل على طول فى المتركس و كل الهونداى

[tham1010]

المشاركة الأصلية كتبت بواسطة Mohamed Elhasafy سبب الصوت هو عدم ملائمة درجة لزوجة الزيت للموتور و السبب إما إختيار درجة لزوجة غير مناسبة أو عدم مطابقة درجة اللزوجة الفعلية للدرجة المكتوبة على الزيت و ده بيبقى بسبب إنخفاض تقنية التصنيع و عدم وجود معايير رقابة صارمة و بالنسبة لحالة حضرتك فطالما إخترت زيت 5000 فأكيد ده زيت معدنى و درجة لزوجة مناسبة (غالباً 20W-50) فلا يتبقى إلا السبب الأخير و هو عدم جودة التصنيع ... وقد قابلتنى حالة مشابهة فى سيارتى و الحل الأن إما أن تتعايش مع الوضع و تكمل فترة الزيت فى سواقه هادئة خصوصاً أن الصيف أوشك على الإنتهاء أو تجرب إضافة نصف عبوة ليكوى مولى إضافة زيت MOS2 وتزود النصف الباقى على عند تغيير الزيت القادم أما لو الزيت أقترب من موعد تغييره (5000 كيلو أو 3 شهور) فغيره فوراً بتوتال كوارتز 5000 أو شل الأصفر 5000 ... و توتال جربته بنفسى أما شل فسمعته كويسة و بخصوص كانز الأبرو فهو فى الغالب (زيت شنبر) و ده بيناسب المواتير المفوتة (اللى بتدخن) و لو أضفته بإستمرار لموتور سليم فلن تستفيد إلا توسيع خلوص البساتم مما يتسبب فى تفويت الموتور ... فبلاش تفوت موتورك بإيدك و إضافته لن تحسن أداء الزيت و لن يختفى الصوت و ده عن خبرة معاناة 10000 كيلو مع زيت منخفض الجودة ... بل بالعكس فالموتور وهو بارد بيحتاج زيت خفيف علشان يوصل بسرعة لجميع الأجزاء و دى بيتبقى أكتر مرحلة بيحصل فيها تأكل للموتور .. فوجود زيت الشنبر اللى بيبقى لزوجته مهولة وهو بارد بيعيق عملية التزييت عند بداية الدوارة و الطبيعى إنه يتحط للموتور اللى قرب يعمل عمرة لأنه الدنيا بتبقى كده كده ضايعة لو فى أى إستفسار تانى أنا فى الخدمة

أشكرك وبشدة على الإجابة الوافية.. بارك الله فيك