باركوا لي يا جماعة اشتريت اول عربية في حياتي (جوليييييييت) ومحتاج نصائح

[eng/walaaeldeen]

المشاركة الأصلية كتبت بواسطة amirhashim أن الحمد لله اشتريت دايو جوليت 1 وعاوز اضبط كام حاجة كده وعاوز اعرف يتعملوا فين وبكام وإزاي وجزاكم الله كل خير وبيعد عنكم شر الحسدددد اللي بهدلني في اول يومين!!!! 1-طقم السرفيس بكام! البوجيهات في حدود 55 جنيه سير الكاتينه الأصلي في حدود 140 والألماني 60 والبلية في حدود 70 وسير الدينامو في حدود 45 جنيه 2-مؤشر البنزين مش شغال! (أصلحه فين وياتري ايه السبب؟ ) غالبا العوامه اكشف علي السلك اولا 3-عاوز اضبط الزوايا و ارصص (اطمئنان عشان الجنوط جديدة) (هيبقي بكام!) في حدود 30 الي 40 جنيه 4-مؤشر السرعة ساعات بيعلق! 3-الزجاج الكهرباء الخلفي فصل وزرايره اللي ورا مكسورين! (أجيب الزراير منين وبكام ولا هغير حاجة) 5-هربط العفشة وهغيير المساعدين للمونرو هيبقي بكام! 6-الباب الخلفي اليمين مش بيفتح من جوه! (اقلق ولا ولأ) في زرار الباب من الداخل بتاع الأمان للأطفال ممكن يكون مقفول افتح الباب وحرك الزرار وجرب لو مافتحش ابق اكشف علي الأكره والسلك الواصل 7-احط زيت ايه للموتور! وكام 3000 ولا 5000 ولا 10000 كم! زيت التعاون sl كويس وفي حدود 97 جنيه والفلتر 25 تقريبا 8-البوجيهات ال سبليت فاير بسلوكها بكام! 09-تيل الفرامل الحلو ايه! الجولدي كويس 10-احسن نوع كاسيت وبازوكا و amplifier ايه وبكام عشان الحلو يكمل! 11-ساعات العربية صوتها بيعلي وال RPM بيبقي فوق ال 1 وبعدين يتعدل (ده سببه ايه) ده طبيعي في اللانوس سهات بتعلى شويه ثم توطي وكده يبقي تمام ومعلش انا طولت في اسئلتي بس اعذروني دي اول امرة اشتري وعاوز اضبط الاداء (علي فكرة انا شاري العربية وعارف ان الحاجات الصغيرة دي فيها)

والله المستعان

[محمد صالح - المحامى]

المشاركة الأصلية كتبت بواسطة amirhashim جزاك الله خير يا باشا سؤال بس 1-ازاي انضف دورة البنزين؟ هتتنضف الرشاشات والحساسات بعلبة اسبراى صفرا كدا بصراحة انا مش فاكر اسمها هتلاقى معلومات عنها هنا فى المنتدى والافضل ان ميكانيكى هو الى يعمل المشوار دة بس اهم حاجة تمشيها بعد التنضيف على نوع بنزين نضيف 92 مثلا ولو الامكانيات متسمحش يبقى تعمل حوار التنضيف دة كل فترة قريبة تظبها حسن قدرتك 2-الاسكاترا دي عاوزة عفشجي صح! انا كده كده هشايك علي العفشة تاني ف تمام! الاسكاترا لو حلوة معاك ومفيهاش بوش يبقى مفيش داعى 3-تنظيف الراداتير ودورة المياه بيبقي ازاي واعذرني في جهلي! تنضيف الريداتير عند اى واحد بتاع صيانة ريداتير بيفكة وبينضف المواسير بتاعته من الصدا وبينضف الماتور من جوا بضغط الميه ولو العربية متعودة على الميه الخضرا هيظبتها ملحوظة مهمة جدا /// كتر الميه الخضرا بيضر مش بيفيد الميه الخضرا بتتحط بنسبة معينة حسب التركيز بتاع المحلول وملحوظة تانية لو عايز متحطش ميه خضرا يبقى تزود مية مقطرة من بتاعة البطاريات بس دى هتكلفك او تحط مية من الى بتنزل من التكييف بس يكون تكييف نضيف مش قديم اوى

========================= =====
والله اعلى واعلم

واعذرني في جهلي!

يا فندم كلنا خبطنا كدا فى الاول والحمد لله لاقينا الى يفيدنا
وانت كمان جزاك الله خير لما تعرف حاجة متبخلش بيها على غيرك

[هانى عيسى حسان]

والله وانا كمان لسه شارى جوليت من 3 اسابيع عملت حاات كتير جدا بس الاهم انك تعرف ميكانيكى كويس علشان يبص على الموتور وهو هيقولك تعمل ايه بالظبط ولو انت قريب من حلوان ممكن اوصفلك ميكانيكى شاطر جدا واسعاره كويسه وده اللى انا بتعامل معاه

[amirhashim]

المشاركة الأصلية كتبت بواسطة مشمش1 والله المستعان

ياباشا تسلم
انا هشوف حوار زرار الامان

[amirhashim]

المشاركة الأصلية كتبت بواسطة هانى عيسى حسان والله وانا كمان لسه شارى جوليت من 3 اسابيع عملت حاات كتير جدا بس الاهم انك تعرف ميكانيكى كويس علشان يبص على الموتور وهو هيقولك تعمل ايه بالظبط ولو انت قريب من حلوان ممكن اوصفلك ميكانيكى شاطر جدا واسعاره كويسه وده اللى انا بتعامل معاه

ياباشا ربنا يباركلك فيها ويكفيك شرها
انا علي فكرة من بنها ورحت لميكانيكي وبصلي علي الماتور وقاللي حالته حلوة بس في شوية حاجات كده هيغيرها بس لما اروحله بالنهار ويكشف عليها صح ده بعد ما عملتلها سيرفس كامل