خايف اطلع على الطريق وقلقان

[ahmedkhaled754]

انا عندى لادا روسى 2006 بس كاربراتير و كان عندى نفس المشاكل دى بس أحب أقولك
1- البوش فى اللادا عادى جداً طالما فى حدود معقولة لأن كل اللادا الدركسيون بتاعها مش بيبقى مظبوط عالشعرة يعنى و حتى لو غيرت العلبة أو روحت لحد يرجلش عليها بردو البوش مبيختفيش نهائيا و بردو الراجل بتاع العفشة هو الى يقدر يفيدك أكتر عن حلول البوش دة
2- اللادا عربية تخليك تقلق من السفر بس لو ظبطها كويس قبل السفر متقلقش من أى حاجة لحد 100 حاتلاقيها تمام معاك و أهم حاجة قبل ما تسافر يبقى معاك سير دينامو و جركن مياه 5 لتر و تروح للميكانيكى و العفشجى قبل السفر يتأكدو إن كل حاجة تمام.
3- موضوع الغربلة هو ترصيص زى ما أستاذ شريف قال.

[KHALED89]

المشاركة الأصلية كتبت بواسطة mr_astra انا تحت امرك واسال زى ما انت عاوز طالما عندى اجابة بيشرفنى انى ارد عليك المهم فى الموضوع دلوقتى الغربلة بتاعة العجل او العربية كلها زى ما حضرتك بتقول لو بتحس ان العربية بالكامل بتتهز بتعمل فيبريشن يبقى الكردان فية رفة متلوتة الفتيس هى جزء كاوتش او بالاصح كوبلن بين الكردان والفتيس وتملى فى الادا بيشقق او بيتقطع ولازم نغيرة لو فية مشاكل وللاسف الموجود فى السوق (اليوغزلافى ) تعبان اوى والاحسن انك تجيبة استيراد الفتيس التقيل لما نظبط غربلة العربية هيبان سببة خلية للمرحلة التانية

ربنا يخليك mr_astra وشكرا على ردك السريع
بأذن الله هاخد العربية لبتاع العفشة يبص عليها وهحط ف بالى الكلام الى قولته حضرتك وباقى الاعضاء الكرام وهتابعكم بالجديد ان شاء الله
وممكن بعد اذن حضرتك لو ف حاجة تانية اخد بالى منها وانا عندى بتاع العفشة يعنى اخيه يفحص حاجة تانية ف العربية من باب الاحتياط ؟؟

[KHALED89]

المشاركة الأصلية كتبت بواسطة ahmedkhaled754 انا عندى لادا روسى 2006 بس كاربراتير و كان عندى نفس المشاكل دى بس أحب أقولك 1- البوش فى اللادا عادى جداً طالما فى حدود معقولة لأن كل اللادا الدركسيون بتاعها مش بيبقى مظبوط عالشعرة يعنى و حتى لو غيرت العلبة أو روحت لحد يرجلش عليها بردو البوش مبيختفيش نهائيا و بردو الراجل بتاع العفشة هو الى يقدر يفيدك أكتر عن حلول البوش دة 2- اللادا عربية تخليك تقلق من السفر بس لو ظبطها كويس قبل السفر متقلقش من أى حاجة لحد 100 حاتلاقيها تمام معاك و أهم حاجة قبل ما تسافر يبقى معاك سير دينامو و جركن مياه 5 لتر و تروح للميكانيكى و العفشجى قبل السفر يتأكدو إن كل حاجة تمام. 3- موضوع الغربلة هو ترصيص زى ما أستاذ شريف قال.

فعلا بأذن الله هروح للعفشجى الاسبوع ده هخليه يبص على العربية وعلى الدريكسيون وربنا يستر والعربية متفتحش بقها
وفعلا اللادا عربية صعبة ف السفر او على الطريق السريع عموما بس هنعمل ايه هى الى موجودة قدمنا الوقتى بس هى عموما عربية حلوة بس لما تكون متظبطة كويس والعفشة بتاعتها تمام بتبقى مريحاك بس لما بيبقى فيها حاجة مش مظبوطة بتبقى متعبة اوووى ومخلياك ماشى مش مطمن وخصوصا مع واحد مبتدئ

[mr_astra]

معرفش حصل لخبطة واكيد انا اللى مقدرتش اوصلك المطلوب
العربية مش محتاجة عفشجى
عاوزة لو هاترف عامود الكردان وتبص على المتلوتة يبقى واحد بتاع كرادين ولو انت من القاهرة افضل واحد بتاع كردان فى الضاهر ومشهور جدا هناك
او لو هاترصص العجل يبقى محتاج واحد بتاع زوايا

[KHALED89]

المشاركة الأصلية كتبت بواسطة mr_astra معرفش حصل لخبطة واكيد انا اللى مقدرتش اوصلك المطلوب العربية مش محتاجة عفشجى عاوزة لو هاترف عامود الكردان وتبص على المتلوتة يبقى واحد بتاع كرادين ولو انت من القاهرة افضل واحد بتاع كردان فى الضاهر ومشهور جدا هناك او لو هاترصص العجل يبقى محتاج واحد بتاع زوايا

تمام وصلت المعلومة الف شكر لحضرتك وبأذن الله لما اروح المشوار ده هعرفكوا عملت ايه ان شاء الله