نداء لخبراء المرسيدس

[hammoda]

المشاركة الأصلية كتبت بواسطة medo161441 اخيرا استقريت على شراء مرسيدس معايا 60 الف ممكن اركب بيهم ايه بالمواصفات الاتيه فى المرسيدس تكييف . باور . سنتر . زجاج كهرباء. الحالة ممتازه .احدث موديل . فى حدود المبلغ المتاح بالصور لو ممكن مع العلم انى كنت راكب مرسيدس 170 بنزين موديل 2000 قبل كده وبصراحه معجبتنيش كانت مشاكلها كتيره جدا شكرا جزيلا

والله جيت على الوجع انا برده معايا 60000 ونفسى اركب زلموكة لو لقيت حاجة يا ريت تبلغنى اكون شاكر يا ميدو باشا دة رقمي 01144448782RO SE4U

[AbOnOrA]

ال 60 الف ميركبوش زلموكة نضيفه اللهم الا كانت لقطة يعنى وصاحبها بيضحى
لكن الطبيعى الزلموكات النظيفة بيتطلب فيها من 80 وانت طالع كمان
فيه ناس بتطلب ميه والله واكتر كمان
Mercedes-Benz W124

وطبعا الزلموكة غنيه عن التعريف كاداء واعتماديه وعملية وقطع غيارها بقت منتشره اكتر من ال 128 والحياة معاها سهله جداً والعربيه نفسها مطلوبه علشان كده ماسكة سعر والنظيف فيها بيتطلب فيه ارقام

وطبعاً لما تيجى تشترى تاخد بالك اوى من الانصاص (العربيات المستورده مقصوصة نصين وبتجى هنا تتلحم) فلازم تكشف عليها سمكرة كويس زى ما تشكف عليها ميكانيكا

رينج الستين ده تجيب بيه حالة نضيفه اوى من التمساحة ويبقى معاك قرشين لاى اصلاحات تحتاجها بعد كده

Mercedes-Benz W123


او تجيب 190 احدث واظرف واقرب للزلموكة وفى الستينات تجيب حالة نظيفة


Mercedes 190E, C Class

[medo161441]

المشاركة الأصلية كتبت بواسطة hammoda والله جيت على الوجع انا برده معايا 60000 ونفسى اركب زلموكة لو لقيت حاجة يا ريت تبلغنى اكون شاكر يا ميدو باشا دة رقمي 01144448782RO SE4U

حاضر من عنيا ان شاء الله ربنا يوفقنا

[medo161441]

المشاركة الأصلية كتبت بواسطة AbOnOrA ال 60 الف ميركبوش زلموكة نضيفه اللهم الا كانت لقطة يعنى وصاحبها بيضحى لكن الطبيعى الزلموكات النظيفة بيتطلب فيها من 80 وانت طالع كمان فيه ناس بتطلب ميه والله واكتر كمان Mercedes-Benz W124 وطبعا الزلموكة غنيه عن التعريف كاداء واعتماديه وعملية وقطع غيارها بقت منتشره اكتر من ال 128 والحياة معاها سهله جداً والعربيه نفسها مطلوبه علشان كده ماسكة سعر والنظيف فيها بيتطلب فيه ارقام مهو انا خايف اشترى من السوق اضرب فيها علشان كده مع نزول موديلات 2013 ربما سعرها يريح شويه بينى وبينك العائلة كبيره ومعتقدش ينفع معاها الا مرسيدس فكرة فى الجديد كله لاقيته فشنك فى حدود المبلغ طبعا المتاح وحتى لو ضغطت نفسى للسبعين مش هعرف اجيب جديد محترم ولو هركب كسر زيرو يبقى مستعمل بمستعمل اركب مرسيدس وطبعاً لما تيجى تشترى تاخد بالك اوى من الانصاص (العربيات المستورده مقصوصة نصين وبتجى هنا تتلحم) فلازم تكشف عليها سمكرة كويس زى ما تشكف عليها ميكانيكا تمام يا كبير رينج الستين ده تجيب بيه حالة نضيفه اوى من التمساحة ويبقى معاك قرشين لاى اصلاحات تحتاجها بعد كده انا مش ضد التمساحه بس انت عارف العربية دى تحديدا اتمرمطت فى السوق يعنى نادر لما تلاقى حته ماسكة نفسها وتعيش معاك 5 او ست سنين من غير صيانه غير الزلمكة لكنها عربية حوووت Mercedes-Benz W123 او تجيب 190 احدث واظرف واقرب للزلموكة وفى الستينات تجيب حالة نظيفة دى بقى العربية اللى انا خايف منها بسمع عنها مشاكل الكمبيوتر واعطالها رخمة وانا بينى وبينك ملسوع من 170 موديل 2000 شلفطتنى مصاريف اذا حضرتك تقدر تفيدنى عن 190 اكون شاكر لحضرتك جدا Mercedes 190E, C Class

: 140109~347:وا خيرا شكرا جزيلا على مجهودك المحترم فى توضيح الصورة لى كامله ربنا يبارك فى حضرتك

[silverlite]

كده ال280 افضل لك لانها فعلا واسعه جدا - بس مش لدرجه 9 اشخاص ! - , موتور 2800 سى سى ضريبه 1100 جنيه سنويا , بنزين 80 عادى ! قطع غيار متوفره جديده و استيراد و اسعار معقوله متخافش ! المهم تكون عربيه سليمه و تشوفلك ميكانيكى محترم يكشفلك عليها و سواء كربرتير 280اس او انجكشن 280 اس اى مش هتفرق كتير بس الكربراتير استهلاكه اعلى نسبيا ...