خطة لرصف الطرق بالإسكندرية بتكلفة 143 مليونًا و655 ألف جنيه

[نبيل عبدالرحمن]

المهم إن الفلوس دى تتصرف بحق ربنا يعنى فى الرصف الحقيقى ويكون فيه مهندسين عندهم ضمير يستلموا من المقاول الأعمال طبقاً للمواصفات الهندسية لرصف الطرق

[Maged_Samy]

جميل اوى الكلام ده بجد حسيت بفرحة وامل بس نفسى فى شويه حاجات :
1- قبل الرصف بفترة يبقوا يقولوا لشركة الكهرباء والمياه والغاز و كل اللى عنده جثث مدفونة تحت الطريق علشان ميجوش تانى يوم رصف و يدغدغوا الدنيا تانى .
2- بلاش العطاءات ترسى على مقاولين مضروبين و حراميه عددهم متهالكة والاسفلت بتاعهم اول يوم مطر بيتحول لحصوه وتراب ، ويكون الاعتماد على المقاولين العرب او حسن محمد علام مثلاً وبلاش شركة جمعه اللى بترصف الاسكندريه كلها دى .
3- مراعاه عمل الاسفلت بميل نحو بلاعات الامطار بشكل هندسى علشان البلاعة بتبقى عاليه عن الشارع .
4- بلاش الاسفلت اللى يفضل منهم يعملوا بيه مطبات صناعية غير مطابقة للمواصفة المكانيه والفنيه و اللى يفيض يبقوا يعملوا بيه اى حارة غلبانة من اللى عمرها ما شافت اسفلت .
5- ياريت الرصف يتم من الساعة 3 فجراً وحتى 6 صباحاً زى زمان علشان منلقيش اسكندرية كلها واقفة الساعة 3 الظهر ونكتشف ان السبب الرصف .... ولا هيعرفوا يشتغلوا عدل ولا العربيات هتعرف تمشى
وشكراً