ركبت طقم السرفيس

[خميس حسن]

الف مبروك ياباشا
فتحة الابلاتين =4.مم والقياس بعد ربط المسمار
وكل عام وانتم بخير

[thechemist]

المشاركة الأصلية كتبت بواسطة خميس حسن الف مبروك ياباشا فتحة الابلاتين =4.مم والقياس بعد ربط المسمار وكل عام وانتم بخير

الله يبارك فيك يأستاذ خميس وحضرتك واسرتك الكريمة بخير والف شكر على المعلومة الغالية دى

[Hisham.Elgazzar]

كل سنة ونتا طيب ، معلش كونت بعيد وماشفتش المشاركة الا دلوقتى
معلش أكد تانى على فتحة الأبلاتين
وحاول تتأكد كمان من ظبطة الشاكوش وتوقيت الشرارة

وكمان ظبط مخلوط البنزين من مسمار الهوا
وظبط خلوص البوجيه على 0.5 مللى بالفلر هتزود معاك الشرارة
وماتنشاس تصنفر النحاسة بتاعت الشاكوش
واتأكد من الفحمة بتاعت غطا الإسبراتير والنحاسات بتاعت الغطا من جوا

وخلى معاك ابلاتين واتنين كوندينسر احتياطى ونتاماشى بالعربية
طبعا مع غطا اسبراتير واسبراى تنظيف كربراتير و مزيل الصدا WD40
كل الحاجات دى كويسة وبتنفع
إقرا الموضوع ده
http://masrmotors.com/vb/showpost.ph...11&postcount=1

انا خارج من الموقع دلوقتى سلام

تحياتى ليك وتحية خاصة وإهداء لأستاز محمد القاضى ، كل سنة ونتا طيب

[thechemist]

المشاركة الأصلية كتبت بواسطة Hisham.Elgazzar كل سنة ونتا طيب ، معلش كونت بعيد وماشفتش المشاركة الا دلوقتى

وانت بالصحة والسلامة ياكبير تقبل الله من ومنكم صالح الاعمال وعيد سعيد عليك وعلى أسرتك الكريمة وربنا يعود عليك الايام بخير واحشتنا والله بس انا قولت انك مشغول بقا عشان العيد معلش ياكبير والله انا خرجت بعد العصر ومرجعتش غير دلوقتى لأن الدنيا كانت زحمة جدا

المشاركة الأصلية كتبت بواسطة Hisham.Elgazzar معلش أكد تانى على فتحة الأبلاتين وحاول تتأكد كمان من ظبطة الشاكوش وتوقيت الشرارة وكمان ظبط مخلوط البنزين من مسمار الهوا وظبط خلوص البوجيه على 0.5 مللى بالفلر هتزود معاك الشرارة وماتنشاس تصنفر النحاسة بتاعت الشاكوش واتأكد من الفحمة بتاعت غطا الإسبراتير والنحاسات بتاعت الغطا من جوا

• انا ضبطت الفتحة زى الابلاتين القديم بالضبط لكن انا هاشيك تانى
• بالنسبة للشاكوش انا عملت الاتى عشان أحفظ مكانه فكيت غطا الاسبراتير رفعت العربية من ورا واديت الغيار الرابع ولفيت العجل لحد ما بقا اتجاه الشاكوش على أول وش السلندر وعلمت بالmarker عشان منساش وفكيت وركبت تانى على نفس العلامة (من الممكن يكون فى سنة بسيطة فى اتجاه الشاكوش بعد ما ركبت)
• هاشيك تانى ولو لسة المشكلة موجودة هاجرب الطريقة اللى فى اللينك

انا عارف مكان مسمار الهواء بس باشوف ناس بتقول ان فى مسمار بنزين كمان لكن الصراحة انا معرفش هو موجود ولا لأ انا دايما بضبط من مسمار الهواء



انا شيكت على غطا الاسبراتير وشحمت الكامة بتاعت الاسبراتير وصنفرت النحاسة بصنفرة ناعمة

المشاركة الأصلية كتبت بواسطة Hisham.Elgazzar وخلى معاك ابلاتين واتنين كوندينسر احتياطى ونتاماشى بالعربية طبعا مع غطا اسبراتير واسبراى تنظيف كربراتير و مزيل الصدا WD40 كل الحاجات دى كويسة وبتنفع

كلامك مضبوط جدا ياهندسة نعرف انا ماشى معايا الاتى

• شنطة العدة (طقم مفكات - مفاتيح لحد مقاس 17 - شوية بيب -شوية لقم من اللى استخدامهم كتير فى العربية)
• طقم كهرباء - كوعتين رادياتير الكاوتش-طرمبة بنزين عشان كنت بسافر كتير وكنت بخاف تقطع منى
• شوية صواميل وورد مقاسات مختلفة

الحاجات دى والله العظيم نفعتنى كتير فى كام موقف على سبيل المثال كوعة الرادياتير اتخرمت ونزلت المياه قبل كده وانا على الصحراوى والعربية سخنت نزلت غيرتها وكملت الحمد لله



كل سنة انت طيب ياهندسة وربنا ما يحرمنا منك وعيد سعيد عليك انشاء الله انا هاجرب وهاكلمك : Wkiss5:

[micfid.999]

العربيه موديل كام ؟ وانجكشن ولا عاده ؟