كاوتش النترا 2012 على 28 و لا 32 ؟؟

[mustafa811]

انا اسمع الناس كلها بتقول ان ال ٣٢ هنا في مصر مع الحرارة بتزيد و علشان كده اي واحد بتاع كاوتش دايما يفضل ٣٠ او ٢٨

الفكرة اني طالما مليتها نتروجين و النتروجين مبيتأثرش بالحرارة ممكن ارجعها ل٣٢

[dr.death]

هما كلمتين : اعمل الصح الصح ده هو اللي في الكاتلوج هما اللي صنعو العربية من اصغر مسمار فيها وعارفين احسن حاجة وانسب احجة هية أيه والعربية اتجربت علي تراكات منها المستوي والمائل والغير ممهد نصيحتي ليك ابعد عن كلام أنصاف المتعلمين اللي بيفتو علي الفاضي والمليان وأغلبهم الصنايعية .... انت متعلم و عايز تعرف الصح علشان كدة بتسأل .... لكن هم ميعرفوش الصح غير اللي بيطلع من بقهم يبقي هو ده السليم وممكن ياكل دماغك 10 ساعات عادي جدا علشان يمشيك علي مزاجو ! اخر مرة دخلت اظبط الكاوتش بقولوه اظبط الاربعة علي 30 ....لقيته بيقولي احنا في الصيف و28 و...... ولسه هيرغي !!!! قولتله هو أنا جاي استفتيك علي طهارة العجل قولتلك اظبط علي 30 يبقي تزبط علي 30 و تتفلسفش ..راح قاطم وظبط الكاوتش وهو ساكت

[mustafa811]

ده مالهاش دهوة بمتعلمين و لا انصاف متعلمين .. بص عارف العربية ال بتنزل ال سعودية مثلا و لا الكويت !! دايما يقولك بمواصفات خليجي .. ماينفعش مثلا اقارن بين دولة زي مثلا سويسرا بتلجها و الكويت بدرجة الحرارة ال بتوصل فيها لخمسين درجة .. نفس القصة بالظبط بالنسبة للعجل و العفشة بلد عن بلد بتفرق .. و انا لو عندي ثقة في غبور و عارف انه محترم مثلا كنت هاقولك ده العربية بتتعمل لينا مخصوص .. لكن في الحقيقة ان غبور بيقولهم حطوا الزبالة بتاعتكم في العربية ال نازلة مصر و ظبطوني في السعر .. و بعدين الكاوتش نفسه بيبقى ليه safety margin و max يعني العملية مش سبهللة .. و مش ال فرق ده ال هيعمل افلام زي مانتم فاكرين .. و بعدين انا مختلف معاك في حكاية انصاف متعلمين ده لاني مقتنع بمثل ادي العيش لخبازه و مش لازم الخباز يكون متعلم علشان نيعمل العيش .. ده غير بالعكس انا باشوف ال بيريح دماغه او يقولك شوف الكتالوج و خلص من غير تفكير مش شرط انه بكون المتعلم او الصح

الفرق بيني هنا و بين بره في المنتديات .. تلاقي عضو قال لزميله طب انا هاجرب و اقولك و بيبقى فيه تفاعل كده و واحد يقوله انا جربت على ٤٠ و التاني ٣٥ و واحد عمل ال قدام ٣٠ و ورا ٢٨ و اشياء من هذا القبيل

جمدوا قلبكم يا جماعة انا مابقولكوش امشوا على ٢٠ او ٤٠
فين اسود المنتدى يا جماعة ههههههه ده ماحدش حتى سألني
على نوع الكاوتش p;

[holly_man19]

متابـــــــــــــــــــــ ــع
اول ما جبت العربيه كانت علي 60 ازاى معرفش
المهم ظبطتها علي 35 ورا وققدام بس العربيه ناشفه اوى

[mustafa811]

طب و ليه كده يا هولي مان .. طب على الاقل نزلها ل 32 و استخدم نتروجين و هتحس بفرق .. و لو عاوزها انعم استخدم 30 او 28 و قولي ايه رأيك

و النتروجين على فكرة حسيته انعم