اتخانقت مع عربجى مكروياص من شويه ( الموضوع منقول )

[sherifabden]

الله يلعن ابو المكروباصات واللي سايقينها ... والله دول شوية بلطجية وصيع ...

[dr.death]

فعلا... كلام الناس في الردود هو الصح ... اسمع مني ... الفئة دي اللي يحرقها أوي انه يلاقي واحد نضيف ومحترم راكب عربيته وميعبروش ولا يعمله قيمه سواء كسر عليك غلطان مش غلطان ... بيحس بحرقة التجاهل والنقص وقد ايه هو مايسواش ان حد يبصله او يرد عليه لان هو والفئة بتاعته مش مكانها غير السجون والاقسام.... وخلي بالك الكماين اللي انت بتشوفها في الشارع خصوصا في الاماكن الشعبية مش بتاع الطرق السريعة بيبقو نازلين يقضو وقت زيهم زي الناس الللي قاعده في محطة الاتوبيس مستنين يركبو .... وهم مابيعملوش حاجة ماتزعلش نفسك ....مسيرهم هيرجعو تاني لجحورهم ويعيشو تحت الارض تاني

[الكردي2000]

يا باشا موقف ذي كدة حصل امبارح علي كوبري المطار , واحد بعربية فان وشكلة بلطجي وسوابق واكيد مبرشم والتاني سائق ملاكي وشكلة موظف وحظة الدكر وقعة مع دة , البية بتاع الفان مصمم يعدي من حتة ضيقة علي الكوبري من ناحية جوزيف تيتو من امام الملاكي لغاية ما خبط الملاكي وكمان مش عاجبة بعد ماخبطة واصبح امامة قعد يرجع ويخبط فية ويخط فية بشكل هستيري ولما سواق الملاكي نزل , العربجي التاني هجم علية كلة وعورة بالمطوة في دماغة سواق الملاكي جري جاب المفق وقال هيضربة المسكين , راح البلطجي ضربة معورة تاني في ايدة بالمطوة ...... شوفت بقا يا عم شغل البلطجة وقلة الادب , علشان كدة ما تتخانقش ابدا مع سواق ميكروباص أو نقل لأن فعلا اغلبهم شمامين ورد سجون وخصوصا وخصوصا وخصوصا ( 3 خصوصا ) سواقين الميكروباص الاخضر , اسوء سواقين ممكن تشوفهم في حياتك ....... ورمضان كريم

[Toyota Corolla]

أنا لسه كنت مع والدى من كام أسبوع و هو عصبى جدا أساسا و عمل خناقة مع سواق ميكروباص عشان الطريق كان زخمة و هى خارة واحدة اللى سالكة و هو كل شوية يقف و يمشى (أشكال.....) المهموالدى زعق فيه و السواق بكل برود بيقوله فيه ايه يا حج فرد عليه رضه بزعيق أنت بتستهبل يعنى أنت مش واخد بالك إنك موقف الطريق ، كلمة منه على كلمة من السواق السواق نزله و جالنا لحد العربية المهم قعد يشوح و يقول أنت متعرفش أنا ممكن أعمل فيك ايه ووالدى رد عليه أنت ولا تعرف تعمل حاجة و قعدوا يزعقوا والذى منه المهم الناس جم مسكوا السواق و ركبوه عربيته المهم بعد أما مشى فتح السكة شوية عشان نعدى و الحج داس بنزين جامد و أول ما قربنا منه قام العربجى كسر علينا جامد بس عدينا الموقف ده.
و بعد كده يا أستاذ يحيى أبقى أكتب فى أول الموضوع إنه منقول عشان الناس مبتاخدش بالها منه ة هو فى الأخر و قلبها بيقع عليك

[ahmed_zamalek7]

لصاحب الموضوع طبعا الشرطه مش هتعمل حاجه عارف ليه ؟ عشان لو الظابط اكلم هتلاقى خناقه ومش بعيد سواقين الميكروباصات يتلمو ولو ظباط الشرطه سيطرو وسواق اتعور ولا مات هيحبسو ظابط الشرطه والسواق مش بعيد يبقى شهيد زى ظابط بتاع نايل سيتى الموجهه ليه تهمه القتل العمد لما وقف قدام البلطجيه لوحده ومنهم بلطجى مات تفتكر يشتغلو تانى ؟