اسافر اسكندريه ازاى

[Al Ghareeb]

المشاركة الأصلية كتبت بواسطة queen السلام عليكم يا جماعه عايزة اسافر من الصحراوى لاسكندريه فى العيد انا هكون جايه من زايد للصحراوى وهاعدى كارفور والبوابات وبعدين مش فاهمه هامشى ازاى والطريق ده هيدخلنى اسكندريه منين؟؟؟ لانى عايزه اروح اى شاطىء هادى فى الأول يعنى عشان ما ابعدش اوى وارجع ان شاء الله فى نفس اليوم فهل حد يقدر يوصفلى لانى بلاطه بصراحه

الأخوة ما شاء الله وصفولك السكة تمام

بس السؤال المهم حضرتك عايزة تروحى شاطىء هادى لمجرد الجلوس على الشاطىء و الاستمتاع بمنظر البحر و الهوا
و لا حد هينزل المية
علشان العيد بيبقى زحمة جدا فى اسكندرية لأن كتير من الاخوة من كل مصر بيفكروا نفس تفكير حضرتك و خصوصا ان العيد جاى فى الصيف
فأنا بأسأل حضرتك علشان متروحيش مكان وبعدين ترجعى تشتمى فى اسكندرية و اليوم اللى روحتى فيه اسكندرية

[queen]

المشاركة الأصلية كتبت بواسطة احمد على 1999 فعلا على طول لغاية الوصول لبوابات الاسكندرية و بعد البوابات على طول حتعدى كوبرى العامرية بعدها على الشمال فى ماكدونلدز و فى يو تيرن على ايدك الشمال دى بتاعة برج العرب خليكى على طول بعدها فى يو تيرن تانية حتخديها دى بتاعة دخلة العجمى اول ما حتاخدى اليو تيرن ديى فحتبقى كانك راجعة اتجاه القاهرة بس على طول يا دوب حتة صغيرة و حتخدى اول طريق يمين على طول ده طريق سريع اخره العجمى ال 21 مش حتوصلى للعجمى ال 21 فى نص الطريق ده فى معدى من فوقه محور اسمه محور التعمير ( مجازا اسمه الطريق الدولى الساحلى ) حتدخلى المحور ده من دخلته قبل ما تعدى من تحت المحور فالدخلة ديى حتدخلك المحور يمين لاتجاه الاسكندرية لما تدخلى محور التعمير مش حتسبيه لحد ما يخلص و يتفرع فرعين ( تقريبا 18 كم ) فرع يمين و فرع شمال خدى الفرع الشمال الفرع الشمال حيلف بيكى يمين تانى لطريق الموقف الجديد اخره مطلع كوبرى محرم بك الجديد تطلعى الكوبرى و تنزلى منه نزلته الشمال اول ما تنزلى شمال تحاولى تخدى اقصى الشمال عشان تطلعى كوبرى محرم بك القديم و امتداده هو شارع قناة السويس ( وهو عامودى على البحر ) اخره الكورنيش سبب ان وصفتلك وصفة غير امتداد الصحراوى لان لو كملتى فى الصحراوى بعد البوابات و معملتيش اليو تيرن بتاعة العجمى حتقابلك حتة مدغدغة و فيها بركة مياه و ممكن تبقى عطلة جامدة

شكرا جدا على شرحك الوافى بس انا خفت اوى كده م الطريق دى لفه جامده كتير وغالبا كده هاتوه ويا عالم بقى هالاقى ناس اسألها ولا ايه
يعنى اعتقد لو حضرتك تقدر تشرحلى لو انا كملت دوغرى بعد البوابات اللى عند كارفور الصحراوى(فى حاله ان المياه والبركه خلصت يعنى) هاعمل ايه يبقى جزاك الله خيراً

[queen]

المشاركة الأصلية كتبت بواسطة screamseko انت كده لففتها جامد ياباش مهندس احمد اسهلها تطول صحراوي علي طول لغاية متوصل لكارفور وتخش شمال طوالي حتلاقي نفسها في الشاطبي!! واعتقد حوار البركه ده مفيش دلوقتي

ايوه هو ده اللى انا عايزاه يعنى لما اكمل دوغرى هادخل الشاطبى ده ازاى ويا ترى ده اقرب شاطىء كده عشان ان شاء الله ارجع بسرعه للقاهره وبيكون زحمه ولا ايه

[queen]

المشاركة الأصلية كتبت بواسطة Al Ghareeb الأخوة ما شاء الله وصفولك السكة تمام بس السؤال المهم حضرتك عايزة تروحى شاطىء هادى لمجرد الجلوس على الشاطىء و الاستمتاع بمنظر البحر و الهوا و لا حد هينزل المية علشان العيد بيبقى زحمة جدا فى اسكندرية لأن كتير من الاخوة من كل مصر بيفكروا نفس تفكير حضرتك و خصوصا ان العيد جاى فى الصيف فأنا بأسأل حضرتك علشان متروحيش مكان وبعدين ترجعى تشتمى فى اسكندرية و اليوم اللى روحتى فيه اسكندرية

هو سؤال حضرتك مهم فعلا احنا مش هننزل الميه ولا حاجه يعنى انا عايزه اى شاطىء هادى وخلاص صغير ولا كبير مش هتفرق معانا كل اللى يهمنى يكون اقرب حاجه للقاهره وخلاص مش عايزين يعنى نتعمق فى اسكندريه ( بيتهيألى لو الكورنيش اقرب ممكن نقضيها هناك وخلاص ) كام ساعه كده ونرجع فى النور ان شاء الله لان اختكم يعنى بردو لسه جديده فى السواقه مش محترفه اوى يعنى . وفعلا موضوع الزحمه ده انا نسيته خالص وتقريبا كده هاعيد النظر فى الموضوع خصوصا انى مش فاهمه خريطه الاحياء هناك ولا عارفه هنتغدى فين ولا نتفسح فين

[Muhammad A]

الاحسن لو حضرتك عايز شاطئ كويس ومش لازم شاطئ معين
حتاخد زي ما الاخ احمد علي قال بس مش حتروح الدولي
كمل للاخر لغايه الكيلو 21 حتلاقي مستشفي مبره العاصفره في الاخر
وحتاخد الصينيه شمال اتجاه مطروح حولي كيلو ونص حتلاقي قريه الصفا خوش الشارع بتاعها للاخر الشاطئ هناك ممتاز وهادئ جدا عباره عن اهالي
وبعيد عن زحمه الاسكندريه
وان شاء الله اجازه سعيده