النهارضة و انا مسافر شوفت حاجات غريبة ؟؟

[ahmed.bahlol]

ده في الاول والاخر بيبقي نصيب يعني انا كان معايا لانوس 2005 عمرها ما عملتها معايا في الطريق خالص بس كنت مراعيها في الصيانة اول باول وكاوتش وبطارية وممكن تبقي عامل كل ده وتعملها معاك اصلها ارزاق وربك الي بيسترها

[mr_astra]

ببساطة
ربنا مش مبارك
لان معظم العربيات جاية قسط بنكى

[Hisham.Elgazzar]

المشاركة الأصلية كتبت بواسطة Oussama سلام عليكم على احلى اعضاء فى الدونيا

المشاركة الأصلية كتبت بواسطة Oussama كعادة اى واحد مصرى لما يحب يسافر .... اكيد حيبص على الطريق كتييييير و يبحلق فى العربيات وهو فى الاتوبيس ف انا شوفت مناظر كتيرة و محتاجة تفسير لكا الناس اصحاب العربيات بجد كمية عربات عطلانة على جنب الطريق بطريقة كبيرة اووووى مع ان مشوار السفر ميكملش ساعة هو على طريق القارة اسكندرية الزراعى ... بجد اول مرة اشوف كمية عربيات عطلانة و سخنوية و كمان عجلات مهوية طبعااا انا بقول و كل واحد بيقول ربنا يستر علينا جميعااا بس اكيد ل حاجة لها سبب انا شوفت مركات مش متخيل انها تسخن او تعطل على الطريق و صحبها يقف متزنب النترا 2012 و لانسر و اوبل و اغلب العربيات الحديثة ف اية السبب يا جماعة هل هو عدم مسئولية من صاحب العربية و لا بيبقا قضاء و قدر ؟؟ و لو حد حصلتله مشكله من دول يا ريت يحكى انا كان هو الغلطان و لا العربية .... و ربنا يستر عليا فى الحر .. و رمضان كريم علينا جميعاا

إمبارح أساسا كان يوم غير عادى
ونا واقف فى الظل كان القميص والهدوم اللى معايا يتعصروا

كوباية المياه تشربها من هنا تطلع عرق زى المصفاه بالظبط


العربيات كمان كانت بتسخن بطريقة غير عادية حتى لو هيا اساسا فى العادى مابتسخنش

حتى فى الطوالى لما طلعت على الطريق كانت العربية بتسخن مع ان المفروض ان الهوا بيضرب فى الردياتير لكن المراوح فضلت شغالة لأطول مدة من ساعة ماجبت العربية


وطبعا انت عارف التكييف أساسا بيسخن اى عربية يبقى بتوع النترا 2012 معزورين


وحرارة الأسفلت على الطريق تفور اى كاوتش حتى لو كاوتشك زيرو بمجرد ماتطلع على الطريق وتمشى بسرعة الحرارة بتهلك الكاوتش الزيرو وتخليه نص عمر مابالك بكاوتش أساسا نص عمر يبقى اه اللى هيحصل


رمضان كريم

[kbarema]

- بصوا بقي اول ماركبت ركبت 128 موديل 98 وكانت مكيفه وياما وقفتنى علي الطريق برغم انى كنت بصرف عليها لكن هي الفيات كده
- وبعدين شاهين 2003 مكيفه وبرضوا عطلت كتير وانا مسافر وبرضوا هي كده
- بعدها دايو 2008 كانت بنت حلال مش بتاعت اعطال بس مش قويه
- بعدها لانسر 2009 تقريبا عمرها ما وقفت بالرغم من انها ساعات تعمل 1000 كيلو في يوم واحد حر وتكييف وسفر وزحمه ووزن في العربيه لكن لانسر دى حاجه تانيه ربنا يحميها لسه مع اخويا .
- وبعدين كيا سيفيا 1999 اتو اول ما اشترتها فورت كل حاجه فيها وغيرت كل ما يمكن تغيره وعمرها ماعطلت كنت مظبتها وندمان انى بعتها .
- ودلوقت معايا النترا 2012 عامله 3000 كم متخيلتش اصلا انها ممكن تقف
موضوع السخونيه ده لو انت دوره الميه عندك سليمه انساه حتى لو درجه حرارة الجو 50 وموضوع الكاوتش ده نسبى حسب حالته
لكن فيه ناس مهمله فعلا تلاقى بى ام فوق 2005 وعطلانه مش عيب عربيه بس صحابها مهمل مش بيبص حتى عليها

[محمد اشرف]

دى غلطة الناس كل واحد يجبله عربيه يرميها ولا بيهتم بيها الا الى بيحب عربيته بس هو الى بيحافظ بيها اما الى انتا شفته دول جيبين عربيات من الفخمه عشان الناس تبص عليها وتعجبها خليهم يشوفوا بس بئه ويجربوا الى ميحفظ ولا الى بيحب عربيته يحصل فيها ايه