تجربتى الشخصية مع مصر للتامين

[1alsakka]

المشاركة الأصلية كتبت بواسطة AbOnOrA ربنا يعوض عليك يارب فى صحتك ومالك وقدر الله وماشاء فعل وربنا يصبرك كمان على الاجراءات علشان كل الشركات للاسف ليها اجراءات ممله وكل المندوبين شايفين ان شغلتهم ينزلو ويعترضو ضد كل بند فى المقايسة

شكرا يا اخى بس لازم نظهر سلبيات هذة الشركات التى لا تحترم حق العميل والهم الاول لهم هو تحصيل مبلغ التامين فقط ويعملوا البحر طحينة لكى تامن عندهم وبعد كدة تشوف الوش الخشب

[eman2205]

المشاركة الأصلية كتبت بواسطة 1alsakka تجربتى الشخصية فى حادث سيارة مع شركة مصر للتامين من بداية الحادث حتى صرف الشيك اليوم الاول الحادث وقع على محور 26 الساعة وحدة ظهرة بعد الحادث اتصلت بالمدام ايمان مندوبة التامين للاخبرها بالحادث وقالت لى اذهب بالسيارة الى التوكيل بعد عمل محضر وفعلا حضرت الشرطة وعملت المعاينة وذهبت الى القسم للاكمال المحضر وذهبت الى التوكيل بالسيارة واتصلت بالمدام ايمان قالت غدا المندوب سوف يذهب الى التوكيل ليصور السيارة ويبداء التوكيل فى الاصلاح

اولا : بالنسبة للموضوع دة حصل فعلا و استاذى الفاضل اتصل بى يوم الاثنين لابلاغى بالحادث و قلت لة يعمل مقايسة و محضر شرطة بالواقعة و احضار الاوراق الى بالشركة يوم الثلاثاء صباحا و لتسهيل الاجراءات على العميل اتصلت بالعميل قلتلة قم بارسال نسخة من المقايسة و المحضر على الايميل و قام بارسال الايميل الساعة 10 مساء الاثنين و للاسف الصور كانت غير واضحة بالمرة عند الطباعة لانها متصورة بالموبيل و دة مثال :

قمت بتسليم الاوراق لادارة الشركة يوم الثلاثاء الساعة العاشرة صباحا و من المقترض ان المندوب يذهب للمعاينة يوم الاربعاء او الخميس
و قمت بالاعتذار للعميل لعدم ذهاب المندوب يوم الاربعاء
ثانيا : التوكيل اجازة يوم الخميس و الشركة اجازة الجمعة و السبت و قم تم ارسال المندوب بالفعل اليوم للمعاينة

[eman2205]

المشاركة الأصلية كتبت بواسطة 1alsakka واخيرا مندوب التامين جة التوكيل يصور العربية قبل الاصلاح وطبعا التوكيل جهز مقايسة بالحاجات المفروض تتغير ولكن فوجئت ان المنوب التامين بيلغى حاجات ومش موافق على تغيرها على سبيل المثال كفر الاستبن الخلفى والمساحة الخلفية والاكصدام الخلفى مع العلم انة وافق على تغيير باب الشنطة بالكامل فكيف يغير باب صاج ويرفض يغير كفر الاستبن الى السيارة الى دخلت فيا دخلت فى الاستبن وهو الى كسر الزجاج والباب الصاج

بالنسبة لموضوع المندوب و الحاجات اللى رفضها
انا بلغت حضرتك انى هبعت حضرتك مندوب تانى
ما اعتقدش انى قصرت فى حاجة و ان شاء الله بكرة هناقش الموضوع مع المندوب و هرد على حضرتك
و شكرا ليك

[eman2205]

المشاركة الأصلية كتبت بواسطة AbOnOrA ربنا يعوض عليك يارب فى صحتك ومالك وقدر الله وماشاء فعل وربنا يصبرك كمان على الاجراءات علشان كل الشركات للاسف ليها اجراءات ممله وكل المندوبين شايفين ان شغلتهم ينزلو ويعترضو ضد كل بند فى المقايسة

الاجراءات مش مملة يا أ / وائل و المندوبين مش شغلهم انهم يعترضوا لكم المندوب بيبقى شايف ان فى حاجات لازم انها تتغير و فى حاجات كويسة مش لازم انها تتغير
اكيد انا بكرة هدرس الموضوع مع المندوب و هرجع اطمن الاعضاء

[1alsakka]

شكرا على الاهتمام والرد السريع الاستاذة ايمان ولكن التوكيل طلب تغيير كبوت ورفرف خلفى وفانوس شبورة امامى وكفر استبن التوكيل هو الذى طلب التغيير وليس انا ولن مندوبكم رفض