عاوز أشد العربية (ميكانيكا - كهربا - عفشه)... أرجو المساعدة

[zing0]

معلش يا جماعة, حد يعرف ميكانيكى متخصص لادا بس يكون صنايعى ثقه و أمانه, أى ميكانيكى أو حتى صبى ميكانيكى لو قلتله على العمرة هيعمل فيها أن هو اللى إخترع العربيه أساساً. بس أنا عاوز واحد محترم علشان أنا لسه جديد فى التعامل مع العربيات و الميكانيكيه و خايف يتعمل عليا شغل من واحد معندوش ضمير. و يااااااااااااااريت لو قريب من المعادى أو حلوان

[overmarc]

انا كمان يا جماعه محتاج ميكانيكى فى القاهره بيفهم فى اللادا
وعايز اسأل انا عندى صوت ( ونه ) فى الكرونه ده من ايه
وشكرا

[mr_astra]

"zing0" لو حضرتك فتحت فى سمكرة ودوكو وعاوز تعمل عمرة للموتور وتشد عفشة يبقى كدة العربية هاتحمل عليك جامد اوى
ودى وجهه نظر واحد بيحب يغير عربيات باستمرا انما لو هاتقنيها وانا معتقدش ان فى حد بيقنى عربية اليومين دول يبقى ماشى اصرف عليها بس لازم تعرف انك لما تحب تبيعها العربية بتتباع بالموديل بس

"overmarc" ونة الكرونا ممكن نفضى الزيت القديم خالص ونحط زيت لزوجة 140 ولو ماجابتش نتيجة يبقى مضطر تجيب الببة استيراد وتمنها 450 جنية

[zing0]

"zing0" لو حضرتك فتحت فى سمكرة ودوكو وعاوز تعمل عمرة للموتور وتشد عفشة يبقى كدة العربية هاتحمل عليك جامد اوى ودى وجهه نظر واحد بيحب يغير عربيات باستمرا انما لو هاتقنيها وانا معتقدش ان فى حد بيقنى عربية اليومين دول يبقى ماشى اصرف عليها بس لازم تعرف انك لما تحب تبيعها العربية بتتباع بالموديل بس

يعنى رأى حضرتك أهتم باللى يمشيها لحد ما أزود قرشين و أتوكل على الله و أغيرها أفضل؟

[bekeat]

المشاركة الأصلية كتبت بواسطة zing0 السلام عليكم كان ليا طلب, رغم إنى طلباتى كترت و جمايلكم تقلت , بس برضه مش هقدر أستغنى عنكم. أنا لسه شارى عربيتى من شهر تقريباً. (لادا 2105 - 82), و محتاج أشدها. أنا عاوز أعرف اللى المفروض أغيره, يعنى الفلاتر و السيور و إية الحاجات اللى ممكن تتنضف و الخراطيم اللى أبص عليها, و أشد إية فى العفشه. و الكهربا أقول للراجل يراجع على الضفيرة كلها و لا إيه؟؟؟؟؟؟ - هيا الحمد لله ماشيه.صحيح بتطلع دخان أبيض و الميكانيكى قال نص عمرة. بس أنا بفكر أمشى بيها لحد ما الماتور يموت و أجيب واحد إستيراد, و لا رأيكم أشوف الـنص عمرة أحسن؟ - خايف الموضوع يفتح منّى, و ساعتها الميكانيكى هيتأمر عليا. - هيا محتاجة سمكرة و دوكو بس أنا مش عاوز أبدأ فيه غير بعد شدها داخلياً. منتظر آرائكم و نصايحكم بفارغ الصبر, جزاكم الله خيراً

أنصحك تعمل النصف عمرة , الواحد بيجيب موتور جديد بعد أن يتم خرط الكرانك كل الخرطات الممكنه .