السير بدون دبرياج

[فهمى]

الأستاذ حماده بيسأل ازاى يمشى من غير دبرياج لأنه بيعملها معاه كتير فى مناطق مافيهاش ميكانيكية ؟ يقوم الأستاذ شريف وجنينا يردوا على سؤال تانى خالص وهو أهمية الدبرياج ؟ ما علينا اليك الرد التالى : لما الأسطوانة تتاكل وتنعم خالص سحب العربيه ها يقل وصوت الموتور ها يعلى وما فيش سحب والا بقى ان كنت طالع كبرى والعربيه محمله ومعاك ناس (حموله) ها تبقى المشكله أكبر . بس هاتقدر تمشى بالعربيه اى مسافة وتروح للميكانيكى ومعاك أسطوانه جديده علشان يركبها .
لما سلك الدبرياج بيتقطع او العربية تجيب أسطوانه ( سوست الأسطوانه أنتهت مافيش ضغط من السوسته يعمل عملية القبض - من القابض - لأن ضغط القدم هنا بيعمل فصل والسوسته بتعمل قبض) فى الحاله دى بقا هى المشكله تعمل ايه ؟
بطل العربيه وعشق هات الأول وشغل المارش مع سنه صغيره بنزين العربيه ها تنط منك وها تمشى بعد مسايسه وبعدها النقل من الأول الى التانى ثم الثالث بدون دبرياج مش مشكله ها تحس بعضه شويه بس مافيش مشكله
او دور العربيه وزقها شويه او خلى حد يزقك لما العربيه تتحرك شويه ابدأ عشق وهات الأول ها يجى معاك طالما ان العربيه بتتحرك وبعدها التانى والثالث وهكذا
اما عند الوقوف (الفرامل) فأن النقل من من عند أى نقله الى المور مش مشكله ها تحس بعضه شويه بس مافيش مشكله.
طبعا لو فى وسط البلد وفى اشارات وزحمه والكلام ده أنسى الكلام ده خالص ودور على عربيه تقطرك لغاية أقرب ميكانيكى . الموضوع ده حصل معايا من عشر سنين وخدت العربيه من شاطئ النخيل الى شارع شامبليون بالأزاريطه وسط الأسكندريه بس ماكنتش البلد زحمه زى الأيام دى وبعتنا جبنا الأسطوانه من القاهره (بحسابه طبعا) ماكنش فى فالأسكندريه وعلى فكره كنت ممكن أجى بيها من الأسكندريه للقاهره أوفر

[amr elsisi 1]

المشاركة الأصلية كتبت بواسطة hazem_khidr في حاله انقطاع سلك الدبرياج تطفي العربيه و تنقل الغيار التاني و تدورها لحد ما تدور و انت دايس بنزين و تمشي و بعدين لما تحب تنقل تقوم طافي العربيه و ناقل و راجع تاني مشغل العربيه و هكذا كل ما تحب تنقل

HOW!!!!!!!!!!!!!!

[الايطالى الصغير]

مشكورين على المعلومات الجميلة

بس من تجربتى مع الدبرياج

فى مواقف صعبة جدا

لو فكرت آخد الغيار التانى العضة بتكون شديدة والفتيس بيزعق

وكمان العربية بتفط وتنط رغم المسايسة

وبتترج جامد لغاية ما تثبت على التانى

خفت اكررها علشان قواعد الموتور وعلشان

الدسك والاسطوانه

ومسألة اطفى العربية ودور الاول بشويش

هى هى

طيب العضة بتكون موجودة

يعنى ما فيس حل مقبول من خلال تجربتى
والله اعلم

علشان كده بركن على جنب وانزل اركب سلك الدبرياج الجديد

بتعطل نصف ساعة

أو ساعة الا

بس هعمل ايه

ياريت كان فيه طريقة كويسة من غير عضة ومن غير فطة

كنت اعملها

وتقديرى لكل من شارك فى الموضوع

[حمادة ونور]

الف شكر يا جماعة على الردود الحلوة دى

[luckyman]

المشاركة الأصلية كتبت بواسطة amr elsisi 1 اولا عن استفسارك عن كيفية المشي بدون دبرياج اذا الواير قطع 1:وضع الغيار علي 2 2:تأكد لايوجد احد امامك 3:قم بأدارة المحرك مع الدوس علي البنزين قليل 4:اعطي الانتظار وامشي علي مهلك 5:لاتجيب اخر سرعة غيار التاني 6:تجنب الزحمة 7:ازا حبيت ان تنقل السرعة الي الثالث سوف تفك الغيار ومن ثم تضغط علي دواسة البنزين حتي يعلي الموتور قليلا لتوازن بين سرعة الموتور وسرعة الجير 8:انا لااحبز ان تغير الي الثالث طالما لايوجد عندك احساس توازن السرعة واثبت علي الغيار التاني حتي توصل بسلام اما عن الفرامل المفاجأة::::: فأنت من الطبيعي طول ما انت في وسط سكان خلي رجلك قريبة من الدبرياج جدااا وخليك دائما متوقع خروج اي شيئ عليك ساعتها سوف تتحرك قدماك اليمني وليسري مع بعض في وقت واحد

دى الطريقة الصح تماما وممكن تسوق كدة وتجيب تالت ورابع وتمشى لغاية ما توصل بس لازم حد يدربك عليه والا ممكن تكسر التروس زى ما كتب صاحب المشاركة الفاضل بس حتكون ناشفة النقله لكن تعشق وبدون حتى اى صوت ولا ديبرياج بس انصح لازم حد معاكى تشوفة بيعملها وبعدين تجربها بنفسك لان التوقيت وضغطة البنزين مهمة جدا ولو كررتها كذا مرة حتلاقيها مش صعبة وشكرا