إيه العلاقة بين التكييف والفرامل ؟؟؟؟؟؟؟؟؟

[hazem_khidr]

و انا كمان ححاول افكر معاكم
انا متهيالي الموضوع دا بسبب ان سيرفو الفرامل بياخد قوته من الموتور
و لما بتدوس فرمله و انت مشغل التكييف اكيد فيه قوه بتروح للسيرفو
فقدان القوه دي اللي انت بتحسه في دوسه الفرامل.
زي العربيات القديمه كده لما تكون واقف و تيجي تدوس فرمله تحس ان صوت الموتور زاد سنه بسيطه

[Semsem999999]

العربية أتوماتيك واللي بيحصل بالضبط التالي :

لو أنا واقف في إشارة مثلا والعربية على N ودايس الفرامل والتكيف شغال ، طبعا المروحة بتشتغل وبتفصل صح كده ؟ أول لما المروحة تفصل ألاقي رجلي وهيا على دواسة الفرامل نزلت لتحت طبعا مش لتحت قوي يعني بس بتنزل هو ده اللي بيحصل بالضبط !!!!!!!!!!!!!!!!!!!!!!!!! !!!!!!

[mazenmedo]

مشكور على الموضوع الجميل ده وعلى فكره انا عندي لانسر 2008 مانيوال بيحصل معايا نفس الموضوع ده وانا واقف بالعربيه ومشغل التكيف ودايس فرامل بحس ان رجلى نزلت شويه لتحت بالدواسه وعلى فكره عربيتي القديمه كانت هيونداى اكسنت وكانت نفس الموضوع بدرجه اعلى سنه بسيطة

[Semsem999999]

المشاركة الأصلية كتبت بواسطة mazenmedo مشكور على الموضوع الجميل ده وعلى فكره انا عندي لانسر 2008 مانيوال بيحصل معايا نفس الموضوع ده وانا واقف بالعربيه ومشغل التكيف ودايس فرامل بحس ان رجلى نزلت شويه لتحت بالدواسه وعلى فكره عربيتي القديمه كانت هيونداى اكسنت وكانت نفس الموضوع بدرجه اعلى سنه بسيطة

بالضببببببببببببببط كده ، هو الموضوع مش مضايقني خالص بس عايز أفهم ؟؟؟؟؟؟؟؟؟؟؟؟ptmnlo123per1 127

[Payoo]

أولا أزيك يا أسلام باشا

ثانيا طالما بنتكلم في مسألة فنيه يبقى الرد لازم يكون من فنيين أو متخصصين وأعتقد أننا لدينا مجموعه من الأعضاء مهندسي ميكانيكا وعلى رأسهم مهندسي "أبو غالي موتورز"

وإلى أن يلاحظ أحدهم هذا الموضوع ويتحمس للرد عليه أستطيع أن انقل لك راي المهندس "خالد" (سبعاوي) عندما سؤل هذا السؤال من قبل في منتدانا القديم
ولكنني حين ذهبت للبحث عن ما قاله بالتحديد لكي أنقله لك بالحرف كما كتبه هو فلم أستطع لان منتدانا القديم لا يسمعح لأحد بالاطلاع إلا بعد أن يسجل عضوية .... ما علينا

المهم سوف أشرح لك ما فهمته من المهندس "خالد" وقتها
كون الفرامل أو بالتحديد دواسة الفرامل تتأثر بتشغيل التكييف من عدمه فهذا يرجع لنظرية عمل الفرامل مع الـ"سيرفو" فهذا السيرفو في أغلب تصميمات السيارات يعمل بضغط الهواء وهذا الضغط الذي يكتسبه السيرفو يأتي من الموتور (توجد طريقة ميكانيكية تأخذ من لفات الموتور الهواء اللازم للسيرفو ولكنني لا أتذكر طريقة عملها الأن) ومن الطبيعي عندما تقوم بتشغيل التكييف الذي يأخذ بدوره هو الأخر دعما من الموتور يقل ضغط الهواء الذاهب إلى السيرفو وعندما يقل ضغط هواء السيرفو يحتاج منك ضغط أكبر لتعوض فارق الهواء الذي تحتاجه لضغط الفارمل ضغط جيد

يبقى بالبلدي كده يا أسلام باشا إن الفرامل بتاخد من السيرفوا والسيرفوا بياخد ضغط الهواء من الموتور
والتكييف بياخد هو كمان من الموتور
يبقى الأتنين لما يشتغلوا في وقت واحد بيبقى في فاقد بسيط في الهواء إللي رايح للسيرفوا فيتضطر السائق أن يضغط اكثر قليلا لتعويض الهواء الناقص


أي خدمه