المية كانت بتغلى والمؤشر ماعداش النص ؟!!!

[Vanditta]

المشاركة الأصلية كتبت بواسطة Hisham.Elgazzar ساعة الحرارة عندك هتلاقيها فى البلوك بس واضح كده انه مع الركنة والصدأ اللى فى الميه الساعة هيست بس آخر حاجة كنت أتوقعها منك انك تزود ميه من الحنفية والعربية سخنة بتغلى كده بس عموما عتاولة السواقة اللى بقالهم 50 سنة ممكن يغلطوا نفس الغلطة دى ربنا يعوضك خير إن شاء الله انت هتفك ساعة الحرارة وتسنفرها وتتأكد من توصيلها الكهرباء كويس والنحاسة بتاعتها سليمة والترملة ميكونش عليها بخرة زيت ولا حاجة خلاها تهيس كمان ممكن بكون مؤشر الحرارة هو كمان بيهيس اهم حاجة تراجع على الزيت - تبص على الشكمان - تنزل المياة اللى فى الردياتير وتغسلة عشان لو فيه صدأ ولا حاجة وإبقى طمنا بكرة بإذن الله عملت اه انا بقى من ساعة ماظبت التاكيهات والحر إشتغل العربية بقت بتسخن ، كمان انا شاكك ان الزيت منتهى ، بس مش وقته خالص ، القبض لسه كمان كام يوم

والله يا استاذ هشام انا اتبرجلت فى الموقف اما لاقيت بخار مية وصفارة ومية بتغلى فى القربة وبتاع فماعرفتش افكر كويس وكان كل همى انى ادورها تانى بسرعة واطمن انها بتدور ومافيش اى اصوات غريبة ودة يمكن اللى خلانى ماستناش كتير على ماتبرد خاااالص وزودت مية على طوول
ويعدين كدة كدة انا حاططلها مية من الحنفية عشان فى تسريب تقريبا من طبة وكنت مكسل اعملها وكنت مستنى اما اصلح الطبة دى الاول وبعد كدة اروح اغسل دورة المياة واحط مياة خضرا

وبالنسبة لساعة الحرارة بيتهيئلى انها سليمة لان المؤشر شغال طبيعى جدا بيبدء من تحت علامة ال سى وبيطلع واحدة واحدة وهى العربية بتسخن لغاية مايوصل للنص وبيقف على كدة والمروحة برضو شغالة عادى وعمرها ماخلت الحرارة تزيد عن النص
فبيتهيئلى لو الساعة مهيسة كانت المفروض تدينى قراية غلط فى مرة مثلا او تعلق مثلا على قراية معينة فى مرة ولا حاجة صح!!!

انا التصور اللى فى دماغى حاليا ان العربية مشيت بيها وهى فيها مثلا ربع كمية المية اللى المفروض تبقى فيها ومع المشى المية دى سخنت جامد عشان ماكانتش بتلحق تكمل دورتها من الموتور الى الطرمبة الى الردياتير عشان تبرد وبالتالى المية دى سخنت اوى ووصلت لدرجة الغليان وبدئت تتبخر وتنفس من اى مكان ضعيف
وانا ممكن اكون لحقتها الحمد لله فى اولها قبل ما المكنة تسخن جامد واللى ساعدنى فى كدة المية اللى طرطشت على الاسبراتير وفصلت بوجية وخلت العربية تبرجل

المهم الحمد لله قدر الله وماشاء فعل
وانا ان شاء الله حشيك بكرة على الزيت اشوفة طحن ولا لا
وهاشوف وانا بدور العربية المية بتنطر برة الردياتير ولا بتطلع فقاقيع ولا لا
وهشيك على الشكمان واحتمال ابص بالمرة على البوجيهات عشان سمعت ان احيانا الجوان بيضرب من حتة يخلى المية تدخل جوة السلندر وممكن تخلى البوجيهات تقطع
ربنا يستر

[Hisham.Elgazzar]

المشاركة الأصلية كتبت بواسطة Vanditta والله يا استاذ هشام انا اتبرجلت فى الموقف اما لاقيت بخار مية وصفارة ومية بتغلى فى القربة وبتاع فماعرفتش افكر كويس وكان كل همى انى ادورها تانى بسرعة واطمن انها بتدور ومافيش اى اصوات غريبة ودة يمكن اللى خلانى ماستناش كتير على ماتبرد خاااالص وزودت مية على طوول ويعدين كدة كدة انا حاططلها مية من الحنفية عشان فى تسريب تقريبا من طبة وكنت مكسل اعملها وكنت مستنى اما اصلح الطبة دى الاول وبعد كدة اروح اغسل دورة المياة واحط مياة خضرا وبالنسبة لساعة الحرارة بيتهيئلى انها سليمة لان المؤشر شغال طبيعى جدا بيبدء من تحت علامة ال سى وبيطلع واحدة واحدة وهى العربية بتسخن لغاية مايوصل للنص وبيقف على كدة والمروحة برضو شغالة عادى وعمرها ماخلت الحرارة تزيد عن النص فبيتهيئلى لو الساعة مهيسة كانت المفروض تدينى قراية غلط فى مرة مثلا او تعلق مثلا على قراية معينة فى مرة ولا حاجة صح!!! انا التصور اللى فى دماغى حاليا ان العربية مشيت بيها وهى فيها مثلا ربع كمية المية اللى المفروض تبقى فيها ومع المشى المية دى سخنت جامد عشان ماكانتش بتلحق تكمل دورتها من الموتور الى الطرمبة الى الردياتير عشان تبرد وبالتالى المية دى سخنت اوى ووصلت لدرجة الغليان وبدئت تتبخر وتنفس من اى مكان ضعيف وانا ممكن اكون لحقتها الحمد لله فى اولها قبل ما المكنة تسخن جامد واللى ساعدنى فى كدة المية اللى طرطشت على الاسبراتير وفصلت بوجية وخلت العربية تبرجل المهم الحمد لله قدر الله وماشاء فعل وانا ان شاء الله حشيك بكرة على الزيت اشوفة طحن ولا لا وهاشوف وانا بدور العربية المية بتنطر برة الردياتير ولا بتطلع فقاقيع ولا لا وهشيك على الشكمان واحتمال ابص بالمرة على البوجيهات عشان سمعت ان احيانا الجوان بيضرب من حتة يخلى المية تدخل جوة السلندر وممكن تخلى البوجيهات تقطع ربنا يستر

انا كده الحمدلله فهمت
معلش
قدر الله وماشاء فعل ، فداك

يبقى هيا فعلا الطبة نزلت الميه
ونتا مشيت وماخدتش بالك ، عادى

ان شاء الله لو الجوان مش ضعيف مش هيحصل أى حاجة


انا عارف ظروفك يا صاحبى والحال من بعضه
وإبقى طمنا عملت اه بكرة بإذن الله ، تصبحوا جميعا على خير

[Vanditta]

mhamdy75
khaabas
Hisham.Elgazzar
tonsy1979
مشكورين جدا يا جماعة على الاهتمام والرد جزاكم الله خيرا

[Exact]

اللي حضرتك هتستغرب له من واحد خبرة فالسويفت ان المشكلة اللي عندك دي نص حلها موجود في ان كاوتشة غطا الردياتير العلوية نشفت وبتسرب بخار وعشان كده مسحبش ميه من القربة

[Vanditta]

بس يا استاذ exact انا متابع القربة اليومين اللى فاتو دوول وملاحظ ان المياة بتنقص منها بأستمرار عشان عندى تسريب مياة من الخرطوم بتاع الردياتير وبالتالى اما المية بتنقص فالردياتير بيسحب المية من القربة تقريبا فأعتقد الغطا كدة برأة

ولا حضرتك عندك تفسيرتانى ؟!!؟