صوت احتكاك معدنى مخيف

[mr_astra]

المشاركة الأصلية كتبت بواسطة akerima دا ممكن يكون بلية دبرياج خشنة ودايما صوتها بيبان اول ما تدور العربية عشان تتاكد اول ما تسمع الصوت دوس دبرياج لو الصوت راح يبقي اكيد هي وتغيرها سهل ومش غالية

بلية الدبرياج مش بتشتغل الا لو دوست دبرياج

الوضع الطبيعى بتعها اوف فى كل الاحوال عدا انك تدوس على بدال الدبريااااااااااج

[akerima]

المشاركة الأصلية كتبت بواسطة mr_astra بلية الدبرياج مش بتشتغل الا لو دوست دبرياج الوضع الطبيعى بتعها اوف فى كل الاحوال عدا انك تدوس على بدال الدبريااااااااااج

حاول تجرب اي عربيه فيها بلية دبرياج خشنه حتلاقي صوتها واضح لغاية ما تدوس دبرياج صوتها يروح انا متهيالي العكس بلية الدبرياج اون لغاية ما تدوس دبرياج مش العكس

[mr_astra]

هو انا لسة هاجرب بلية دبرياج
========================= =
خلاص حضرتك ادرى

[akerima]

المشاركة الأصلية كتبت بواسطة mr_astra هو انا لسة هاجرب بلية دبرياج ========================= = خلاص حضرتك ادرى

استاذي واخي mr_astra يعز علي زعلك - ماقصدش اني اشكك في كلامك وانا عن نفسي كل فهمي في العربيات فقط من الخبرة العمليه وليس عن دراسة ممكن اكون فاهم غلط وعشان كده قلت في مشاركتي اني متهيالي (يعني ظن مني ليس اكثر) لكن فعلا كان عندي نفس العيب في جولف 2 صوت خشانة واحتكاك ولما كشفت عليه طلع بلية دبرياج وغيرتها الصوت راح

طبعا انا مش مع صاحب الموضوع ماسمعتش الصوت اللي بيتكلم عليه فانا رجحت انها تكون بلية دبرياج والله اعلم

وانا اكيد عارف ان خبرتك احسن مني بكتير في المجال دا بس حضرتك رضيت عليا ومارضتش علي صاحب المشكلة وكنت اتمني اني فعلا استفيد برايك في العيب دا

[mr_astra]

" akerima " معلش انا اسف بس والله العظيم انا بزعل جدا ان واحد يكون عندة مشكلة وبامر الله الواحد بيكون عارف اية المشكلة وطريقة علاجها وبقول علية وبعدها واحد يرد من وجهه نظرة اللى والله العظيم بحترمها وابفضل افكر يمكن اكون غلطان وهو اللى صح لكن كدة صاحب المشكلة مابيعرفش راسة من رجلية وبيحس ان الكلام مناقض لبعضة ودة اكتر حاجة بتزعلنى

على العموم تقبل اعتزارى واخوك الكبير معلش

وبالنسبة للى حضرتك قلت علية دة بيكون مشكلة فى الفتيس لو فى صوت معين ودوست دبرياج الصوت راح يبقى كدة عندنا مشكلة فى الفتيس

انما العكس لو ما فيش صوت ودوست دبرياج الصوت بيظهر ساعتها البلية بتشتغل وهى اللى بتعمل صوت

كمان عاوز اؤلك لو انت بتسمع مواتير كتير صوت بلية الدبرياج لو تون معين والفتيس لو فية بلية او ونة او نحرة بيكون لة صوت تانى خالص بتعتمد على حاسة السمع

انا ساعات بكون ماشى على رجلى واسمع عربية جاية من ورايا بقدر احدد نوعها فى معظم العربيات وخصوصا الديزل ..... عارف وساعات فى العربيات الديزل بعرف هى محصورة بين موديل كام وموديل كام