اتخبطت مخالفة سرعة غربيييية النهاردة !!

[hazem_khidr]

القانون هو القانون و بعدين هي 8 كيلو مش 3 بس
كل طريق و له سرعه و لازم تلتزم بيها
مش هقولك اني بمشي بالراحه و زي ما الكتاب بيقول
بس لو وقفت في لجنه رادار مش بجيب اللوم غير علي نفسي اني حطيط نفسي في الوضع دا

[pharm45]

لآ مكنش مكتوب حاجة توضح ان الطريق ليه سرعة محددة..بقولكم طريق دولى جديد ..قولت اكيد السرعة فيه عادى طالما دولى..كمان ازاى لجنة على طريق مفهوش عربيات اصلااااا
حاجة تجنن الصراحة..والله الواحد فعلا على رأى استاذ حازم فى المواقف دى بيندم على اللى عمله..بس انا حاسس ان فى حاجة غريبة ده ياجدعان الطريق بطوله من القاهرة لحد الطريق الجديد ده يعنى تقريبا 170 كيلو ماشى فى رينج 85-100 ومحصلش حاجة وعديت على كذا لجنة وعادى..اجى على الطريق المتسفلت الجديد المفتوح واتاخد مخالفة غبية زى دى...طب ياريتها جت على 130 كيلو كنت قولت دى كبيرة شوية..لكن 98 مستفزة اووى..انا اجيب 98 عندى على العداد ازاى.؟؟ العداد 95 و100

[حمادة ونور]

خيرها فى غيرها متعرفش انتا كنت ممكن تدفع ال150 جنيه دول فى ايه وبعدين ده اللى المفروض يحصل علشان الحوادث تقل وبرضه احمد ربنا على اللى حصل الفلوس دى ممكن تعوضك عن حاجات كتييير اوووووى

[dr_eslam_66]

بص الي حصل دا ممكن يكون مزعلك إنتا دلوقتي بس سدقني ممكن يفرحك إنتا بردو بس في ظروف أخرى ياعني لو الجماعة هما الي سايقين هتتمنى إني شوارع المحروسة كلها تبقى لجان.
كمان موضوع 8 كيلو و 5 كيلو دول مش هتفرق إنتا كنت فوق سرعة الطريق ودفعت مخالفة والمفروض تفرح إنك إتصورت على سرعة مش كبيرة قوي بدل ماكنت تدفع مخالفة 1500 جنيه مش 150.
وبعدين بما إنك دفعت المخالفة وخدت وصل والوصل معتمد ومختوم وليه رقم واللجنة طلعت رسمي يبقى ليه نلمح لإنهم ممكن يكونوا قطاع طرق لا دي شرطة وناس نازلة تشتغل وربنا يكتر من أمثالهم.
قاطع الطريق مش هيتعب نفسه وينزل يفصل بدلة ويكلف كمين علشان يسرقك هوا بمنتهى البساطة هيسرقك لاقدر الله.
ربنا يستر طريقك وطريقنا جميعا إنشاء الله.

[fourseasons]

المشاركة الأصلية كتبت بواسطة dr_eslam_66 بص الي حصل دا ممكن يكون مزعلك إنتا دلوقتي بس سدقني ممكن يفرحك إنتا بردو بس في ظروف أخرى ياعني لو الجماعة هما الي سايقين هتتمنى إني شوارع المحروسة كلها تبقى لجان. كمان موضوع 8 كيلو و 5 كيلو دول مش هتفرق إنتا كنت فوق سرعة الطريق ودفعت مخالفة والمفروض تفرح إنك إتصورت على سرعة مش كبيرة قوي بدل ماكنت تدفع مخالفة 1500 جنيه مش 150. وبعدين بما إنك دفعت المخالفة وخدت وصل والوصل معتمد ومختوم وليه رقم واللجنة طلعت رسمي يبقى ليه نلمح لإنهم ممكن يكونوا قطاع طرق لا دي شرطة وناس نازلة تشتغل وربنا يكتر من أمثالهم. قاطع الطريق مش هيتعب نفسه وينزل يفصل بدلة ويكلف كمين علشان يسرقك هوا بمنتهى البساطة هيسرقك لاقدر الله. ربنا يستر طريقك وطريقنا جميعا إنشاء الله.

لا فض فوك يا باشا,فعلا انا عشان رايح جى على طرق السفر الواحد فعلا بيبقى بيحب يشوف اللجان ديه فعلا بتمسك بلاوى كتير و متزعلش يا بوب قدر اخف من قدر ان شاء الله