خد فكرة واتجوز بكرة.

[waleed_d82]

المشاركة الأصلية كتبت بواسطة ابو الشوق كاديلك ههههههههههه جوااااز ربنا يوفقك وتلاقي اللي يفيدك بص يا سيدي الفاضل انا انسان بحب افكر بالعقل وافكر بعملية شوية المجتمع 3 طبقات طبقة غنية في قمة الهرم الاجتماعي وطبقة متوسطة ثم في قاعدة الهرم الطبقة الفقيرة الكادحة المجدة اذا كنت من الطبقة الغنية واهللك موفرين ليك المقومات المادية للزواج ومتوافر ليك وظيفة بدخل مادي عالي او اهلك هيصرفوا عليك توكل علي الله وتزوج اما ان كنت دون ذلك ( وانا عن نفسي دون ذلك) ، فنصيجة انسي او حاول ان تتناسي هذا الموضوع ، فكر في مستقبلك وشوف ناوي تعمل ايه في حياتك لو انت ناوي تعتمد علي نفسك ( وده الاصل ) فشبه مستحيل انك تتزوج قبل بداية الثلاثينات ، اما ان كنت تنوي الاعتماد علي الاسرة الكريمة وتحملهم بعض الاعباء المادية فليكن ولكن دعني اخبرك ان الزواج سيكون انعكاسه علي طموحك ومستقبلك بالسلب هيكون من الاخر نهاية طموحك ويقضي علي مستقبلك مع سبق الاصرار و الترصد عيش حياتك دلوقتي واسعي لمستقبلك ، اتحمل مسؤلية نفسك فقط وبلاش تتحمل مسؤلية شخص اخر معاك واسأل اي حد اتجوز في سن صغيرة هتلاقي الغالبية العظمي بتندم علي اليوم اللي تجوز فيه وانه ماعش حياته ولا استمتع بيها من الاخر متضيعش مستقبلك بايدك عشان متندمش قدام تحياتي يا بوب:10FEE3~1 106::10FEE3~ 1106:

بصراحة معاك حق أنا داخل علي الثلاثين ولسه متجوزتش بس مش مشكلة مادية لان الاهل مصممين يساعدوني علشان عايزين يخلصوا مني بس انا بحب الحياة الحرة بعيش ايامي يعني ولما احب اتجوز ميكونش جواز صالونات طبعا يعني لازم اكون عارف كل حاجة عنها وطباعها مش العروسة جاية بالواسطة واخو صاحبك معاة اخت قمر تجي نخطبها بكرة اقوم جاري علي بيتهم واخدو معايا وسيط ( حتي الجواز بالكوسه )

[AMMI]

أخى الكريم، بالنسبه لسؤالك" يعنى ايه اقل الامكانيات او الظروف اللى ممكن تتيح للواحد انه يقدم على الخطوة .."

طبعا لو هتعتمد على نفسك أعتماد كلى بدون مساعده من أحد فأول خطوه انك تكون خدت شقه وفاضل التشطيب والعفش ومعاك مبلغ فى حدود تشطيب الشقه عالاقل او ان مرتبك فى خلال سنه يخليك تقدر تشطب الشقه يبقى توكل على الله وأخطب وخلى فتره الخطوبه فى خلال سنه بالكتير لان طول فترة الخطوبه بيولد مشاكل. او لو ان مرتبك كبير وتقدر تاخد شقه ايجار جديد يبقى انت كده وفرت على نفسك مشوار كبير فى ثمن الشقه وتشطيبها ويبقى بالمبلغ اللى معاك تقدر تجيب العفش وبالتوفيق

[Marlborooo]

المشاركة الأصلية كتبت بواسطة waleed_d82 بصراحة معاك حق أنا داخل علي الثلاثين ولسه متجوزتش بس مش مشكلة مادية لان الاهل مصممين يساعدوني علشان عايزين يخلصوا مني بس انا بحب الحياة الحرة بعيش ايامي يعني ولما احب اتجوز ميكونش جواز صالونات طبعا يعني لازم اكون عارف كل حاجة عنها وطباعها مش العروسة جاية بالواسطة واخو صاحبك معاة اخت قمر تجي نخطبها بكرة اقوم جاري علي بيتهم واخدو معايا وسيط ( حتي الجواز بالكوسه )

يا عم الجواز ده قدرنا
وطالما الواحد كده كده في يوم من الايام هيشيل مسؤلية ويخلف عيل تنح يقعد يعيط ويسرخ طول اليوم ولما تروح تلاقي الحكومة ( المدام ) مستنياك

يبقي الواحد يعيشله يومين قبل ما يتدهول قصدي يتجوز
بص طبعا يفضل متتجوزش بعد ال32 او 33 اعتقد ان ده السن المثالي عشان نتقبل قدرنا

انا عن نفسي عايش لوحدي بقالي 5 سنين ومزااااجي فوق الشووووووق :10FEE3~1106 : وربنا يعين اصحابي اللي خطبوا واللي اتجوز علي ما اصابهم
تحياتي

[eng.moustafa nasr]

السلام عليكم
انا عايز اقول كلام غير اعتيادى نوعا ما اخى الغالى
اختار لا بنائك الام التى تتمنى ان تربيهم كما تحب
وثانيا للفكاهه .......
يفضل ان تكون زيرو و يكون الزوج اول يد
ويكون لها ضمان ويا سلام بقى لو يطلع فيها عيب تصنيع والشركه المنتجه تسحبها و تاخد واحده تانيه زيرو زى ما الواحد بيسمع فى بلاه بره
وطبعا تخلى بالك انا فى منتدى سيارت بمعنى تاخد بالك تكون فابريقه ولا معجون و لارشه
واخيرا .......... ربنا يفقك فى الزوجه الصالحه و الذريه الصالحه
تقبل تحياتى

[dego_story]

المشاركة الأصلية كتبت بواسطة eng.moustafa nasr السلام عليكم انا عايز اقول كلام غير اعتيادى نوعا ما اخى الغالى اختار لا بنائك الام التى تتمنى ان تربيهم كما تحب وثانيا للفكاهه ....... يفضل ان تكون زيرو و يكون الزوج اول يد ويكون لها ضمان ويا سلام بقى لو يطلع فيها عيب تصنيع والشركه المنتجه تسحبها و تاخد واحده تانيه زيرو زى ما الواحد بيسمع فى بلاه بره وطبعا تخلى بالك انا فى منتدى سيارت بمعنى تاخد بالك تكون فابريقه ولا معجون و لارشه واخيرا .......... ربنا يفقك فى الزوجه الصالحه و الذريه الصالحه تقبل تحياتى

ههههههههههههههههههههههههه هههههههههههههههههههه.... شكرا ياباشا على المشاركه دى .. وربنا يوعدنا بحته نظيفه..ان شاء الله