العربية مطلعة عينى

[samirayad]

وانا بالنسبة لى مكنش فيه مشكلة لكن مؤخرا حاسس ان العربية بتاكل بنزين والبوجيهات مهببة وريحتها بنزين

هتحتاج تمر بالخطوات التاليه على الترتيب ( خطوه ...خطوه لحد ما تلاقيها إتحلت )

1- التأكد من عدم وجود مشكله فى خط راجع البنزين من الكربوراتير للتنك

2- تجربة بوبينا تانيه

3- تجربة طلمبة بنزين تانيه

ولو لاقدر الله

كل ده مجبش نتيجه

يبقى فيه مشكله فنيه فى الكربوراتير نفسه

قد تكون خلل فى نظام العوامه أو طلمبة التعجيل

-----------------------

بالمناسبه

حضرتك نظفت الكربوراتير ليه مؤخرا

وهل مشكلة تهبيب البوجيهات دى ظهرت بعد صيانة الكربوراتير

ولا كانت موجوده من الأساس

لأن تاريخ الحدث مهم برضه فى عمليات التشخيص للأعطال

[mr_astra]

افضل الحلول لحضرتك هو مركز الصفا لتحليل العادم لان من سردك للمشكلة عندك حاجة فى الكربراير وميزة مركز الصفا انة بيقيس او بيحلل العادم باجهزة وبناء علية بيتصرف فى الحل لكن مصنعياتة غالية نسبيا فك وتركيب وعمل اللازم 100 جنية بخلاف اى قطعة غيار هايحطها للكربراتير لكن فى المقابل هتاخد شغل عالى اوى وتوفير فى استهلاك الوقود

[crime]

تعالى يا باشا عندى المركز وان شاء الله سهله متقلقش

تقبل تحياتى

[as_dmx2000]

المشاركة الأصلية كتبت بواسطة samirayad بالمناسبه حضرتك نظفت الكربوراتير ليه مؤخرا وهل مشكلة تهبيب البوجيهات دى ظهرت بعد صيانة الكربوراتير ولا كانت موجوده من الأساس لأن تاريخ الحدث مهم برضه فى عمليات التشخيص للأعطال

انا رحت نظفت كربراتير لان كان بيدخل ريحة عادم وانا ماشى بسرعة لكن موصلت الى انى اخدت خبطة من فترة فى الفانوس من ورا اللى فوق الشكمان وكنت لما بزود بنزين كان ريحة العادم بتدخل من الشنطة
بس كان ريحة العادم تجس انه عادم نئ وريحة العادم النئ دى موجودة لحد الان بخلاف موضوع الشنطة دا لكن انا بتكلم عن الريحة نفسها
بس فى حاجة عاوز اسأل عليها انا لقيت بك من البكات اللى فوق من عند الباب العلوى للكربراتير مقاسه تقريبا 145 اللى هو ناحية بيك السرعة
فهل من الممكن ان لما يكون البيكات كبيرة بتدخل بنزين زيادة وبالتالى مش بيتحرق كوبس لانه زيادة ؟ دا مجرد اقتراح

[as_dmx2000]

المشاركة الأصلية كتبت بواسطة mr_astra افضل الحلول لحضرتك هو مركز الصفا لتحليل العادم لان من سردك للمشكلة عندك حاجة فى الكربراير وميزة مركز الصفا انة بيقيس او بيحلل العادم باجهزة وبناء علية بيتصرف فى الحل لكن مصنعياتة غالية نسبيا فك وتركيب وعمل اللازم 100 جنية بخلاف اى قطعة غيار هايحطها للكربراتير لكن فى المقابل هتاخد شغل عالى اوى وتوفير فى استهلاك الوقود

شكرا جزيلا يافندم على المساعدة