الله يقطع التجار وسنينهم

[ahmed el gendy]

المشاركة الأصلية كتبت بواسطة samirayad الله يخليك دا أنا أزودهالك أنا بس حبيت أخرجك من موجة الغضب التى واجهتك فى سوق الجمعه فلو عاوز تبيع خليك مع معارفك أفضل طالما حالة السياره كويسه --------------------- علشان تبيع الحاجه بتوبها ....وبالأصول

ربنا يخليك يا بشمهندس ده من زوقك وشرف ليا معرفتك بس ليا سؤال بعد ازنك
ويا بشمهندس ممكن تعرفني معني كلمه عربيه فبريكه ايه يعني ما اتكونش اتخبطت ولو خبطه خفيفه اخرها حكات مثلا وهل رش البطيخه غلط ولا ده كلام تجاار ؟؟

وشكرا

[samirayad]

ولا ده كلام تجاار ؟؟

كلام تجار

علشان يموتوا الحاجه

ويصطادوا فى الماء العكر

---------------

أساسا مفيش سياره مش معرضه للحكه والبارومه

والسياره الصح عامة

ماهى إلا عفشه صح وأساسيات ومكنه صح

أما الصاج والقصص دى

أمور عاديه

حتى لو كانت السياره كلها رشه من جوه ومن بره

---------------

زى عماره بتبنيها

فأهم شىء إيه

الأساسات والأعمده

[ahmed el gendy]

المشاركة الأصلية كتبت بواسطة samirayad كلام تجار علشان يموتوا الحاجه ويصطادوا فى الماء العكر --------------- أساسا مفيش سياره مش معرضه للحكه والبارومه والسياره الصح عامة ماهى إلا عفشه صح وأساسيات ومكنه صح أما الصاج والقصص دى أمور عاديه حتى لو كانت السياره كلها رشه من جوه ومن بره --------------- زى عماره بتبنيها فأهم شىء إيه الأساسات والأعمده

يعني يا باشمهندس ممكن تبقي عربيه راشه دواخل واساسياتها صح بعد ازنك عاوز افهم النقطه دي اصل الواحد بيخاف من كلمه راشه دواخل مما يعني ان الاساسيات مش مضبوطه ولا ايه يا باشمهندس

[samirayad]

المشاركة الأصلية كتبت بواسطة ahmed el gendy يعني يا باشمهندس ممكن تبقي عربيه راشه دواخل واساسياتها صح بعد ازنك عاوز افهم النقطه دي اصل الواحد بيخاف من كلمه راشه دواخل مما يعني ان الاساسيات مش مضبوطه ولا ايه يا باشمهندس

لو بتشترى قديم أوى .....ورشه بره وجوه

فده عادى نتيجة العمر الأفتراضى للصاج

فمثلا

لو أنا حبيت أشترى بيجو 504 موديل 77 مثلا

وكانت راشه بره وجوه بس كل حاجه صح

يبقى ده عادى .....لأن كل حاجه وليها عمر

----------------------------

ومثلا

لو حبيت أشترى موديل حديث ......وليكن لانوس 2005

وكانت راشه بره وجوه

يبقى العربيه دى عامله حادثه

ومن غير ما أشوف أساستها

المفروض أعرف أنها كانت عامله حادثه

لأن العمر الإفتراضى للصاج


المفروض ( بشكل تقريبى )

لايقل عن عشرون عاما

[ahmed el gendy]

المشاركة الأصلية كتبت بواسطة samirayad لو بتشترى قديم أوى .....ورشه بره وجوه فده عادى نتيجة العمر الأفتراضى للصاج فمثلا لو أنا حبيت أشترى بيجو 504 موديل 77 مثلا وكانت راشه بره وجوه بس كل حاجه صح يبقى ده عادى .....لأن كل حاجه وليها عمر ---------------------------- ومثلا لو حبيت أشترى موديل حديث ......وليكن لانوس 2005 وكانت راشه بره وجوه يبقى العربيه دى عامله حادثه ومن غير ما أشوف أساستها المفروض أعرف أنها كانت عامله حادثه لأن العمر الإفتراضى للصاج المفروض ( بشكل تقريبى ) لايقل عن عشرون عاما

الف الف شكر يا بشمهندس بيعجبني دايما كلامك اللي بيكون من الاخر بجد حضرتك موسوعه من موسوعات المنتدي ودايما بنستفيد من خبراتك