حرام اسعار السيارات في مصر

[romioromio]

يا جماعه انتوا بتتكلموا في الجيلي والهجص الصيني

الاكورد هنا بسبعين الف ريال وفي مصر بنص مليون
الكامري والسوناتا ب80 الف في مصر ب600 الف

المرسيدس والبي ام
موديلات التسعينات ب 5 الاف ريال
ايون 5 الاف ريال


الاخ اللي بيقول ما فيش فرق

الهمر ده ب 90 الف ريال اللي انا راكبها ده ده صورتي




انتوا بتقارنوا الصيني اتكلموا في الحاجات التانيه

وعلي فكره انا اربع سنين في السعوديه
نادرا ما شفت صيني او فيرنا او لانوس او لانسر او الحاجات الصغيرد ده

كله فوق ال2000 سي سي وبرخص التراب

اتفرجوا عالموقع ده واتحسروا شويه
سيارات مستعمله للبيع بالسعوديه
وادعوا لمصر تتحسن وربنا يبعد عنا الحراميه

[world_of_kill]

مهو بيدرسو دلوقتي انهم يدخلو المستعمل بس برضو بجمارك معملناش حاجه و بيدرسوها للي عايش بره بس و لازم شروط انك تكون بقالك فتره بره و انك تحط وديعه بي اسم مصلحه الجمارك لمده سنتين وقيمتها 10 الاف دولار

يا جماعه انا قعدت ابعت اللصحف محدش رد عليا في حوار الجمارك دا
وعامل جروب علي الفيس بوك و معايا ناس كتير

ياريت لو حد من القاهره ينزل بنفسو مجلس الشعب يقدم مقترح انهم يدرسو الغاء جمارك عن طريق انو يكلم حد من النواب او انو يقدم دا بنفسو لي مجلس الشعب عشان من حق كل مواطن انو يقدم مشروع قرار المشكله اني من محافظه بعيده عن القاهره و عشان كدا مش قادر اروح
وهيه اصلا لو حد كلم حد من السلف قولو هيه تندرج تحت ( المكوس ) و هيه حرام في الاسلام

و انا خريج حقوق عشان لو حد قالي مفيش الكلام دا احنا دارسينو ان اي مواطن من حقه انو يطلب من مجلس الشعب يناقش اي قانون او عن طريق المحكمه الدستوريه العليا

ياريت نعمل تحرك بجد كفايه كلام احنا بقالنا فتره بنقعد نقول الجمارك غاليه و حرام و بتاع لا لازم نتحرك و بدام ممكن في نيه انهم يدخلو المستعمل للي عايش بره لا كلو يتساوا و انا عندي مشروع قانون جاهز مستعد اقدمو لو مشيه جد

ياريت نتحرك

[mainz]

[QUOTE=عصام الجارحي;635306]

المشاركة الأصلية كتبت بواسطة miam0502788391 الأسعار دى بالريال السعودى يعنى مثلا العربية اللى ب 45000 ريال بالجنيه حوالى 72000 جنيه مصرى وبحساب نسبة الجمارك هتجد ان اسيارة هتوصل ل 100000 مع ان سيارة زيها فى مصر زى الجاك B كلاس لحوالى 82000 فين بقى الفرق الرهييييب بين السعودية وهنا فى مصر [/QUOT يا اخي الباندا اللي عاملة 23 الف ريال سعودي لو ضربنا في 1.6 سعر الريال مقابل الجنية المصري تعمل تقريبا 37 الف جنية مصري انت تعرف الباندا اللي موجودة في مصر بكام الان الان اقل فئة 53.500 بفارق 16.500 جنية مصري ودي السعودية اغني دولة عربية ودي مصر من افقر الدول العربية علي الاقل في متوسط دخل الفرد السنوي وال EC7 عاملة 30 الف ريال سعودي اي ما يعادل 48 الف جنية مصري ودي لسة منزلتش مصر بس مقدرين ثمنها مقارنة بمثيلاتها ثمن لا يقل عن 90 الف جنية يعني لو قارنتها بالعربية اللي انت زاكرها الBكلاس اللي اصبحت 84 الف وليس 82 الف المفروض EC7 تبقي فوق ال100 الف وبعدين هما اساسا عاجبهم السعر دا هم مستغليين الاسعار دي كمان .......هههههههههههه حسبي الله وتعم الوكيل في جشع الوكلاء عندنا في مصر

ما احنا بنقول كده من زمان بس اظاهر كلامنا ما بيعجبش حد نهاى . يعنى 10الاف جنيه فرق عن اغنى دوله عربيه فى المنطقه مع فارق متوسط الدخل لصالح السعوديه ديه تبقى سرقه عينى عينك وبالاكراه كمان ومع العلم ان مافيش اصلا حاجه اسمها جمارك فى مصر الا على الافراد فقط المغتربين او الى عاوزين يشتروا عربيه او اتنين استيراد من بره مصر اما بالنسبه للتوكيلات الكبيره وتجار السيارات الكبيره فليس لهم جمارك الا اللهم نسبه ضريبه ورسوم قليله جدا ويتم اعاده هيكلتها فى الاقرار الضريبى ويتم اعاده جزء منها مره اخرى لخزينه التاجر او التوكيل كل سنه اوفى نهايه السنه الماليه والكلام ده معروف عند كل شؤن حسابات اى تاجر كبير او توكيل كبير للسيارات والله على ما اقول شهيد وهزا الكلام من بق اكبر تجار للسيارات فى مصر لى شخصيا . هوا ده عالم البزنس كله فى الاخر بيبقى من جيوب الشعب المطحون لصالح كبار الدوله وكبار المستثمرين والبزنس مان .

[عصام الجارحي]

المشاركة الأصلية كتبت بواسطة romioromio يا جماعه انتوا بتتكلموا في الجيلي والهجص الصيني الاكورد هنا بسبعين الف ريال وفي مصر بنص مليون الكامري والسوناتا ب80 الف في مصر ب600 الف المرسيدس والبي ام موديلات التسعينات ب 5 الاف ريال ايون 5 الاف ريال الاخ اللي بيقول ما فيش فرق الهمر ده ب 90 الف ريال اللي انا راكبها ده ده صورتي انتوا بتقارنوا الصيني اتكلموا في الحاجات التانيه وعلي فكره انا اربع سنين في السعوديه نادرا ما شفت صيني او فيرنا او لانوس او لانسر او الحاجات الصغيرد ده كله فوق ال2000 سي سي وبرخص التراب اتفرجوا عالموقع ده واتحسروا شويه سيارات مستعمله للبيع بالسعوديه وادعوا لمصر تتحسن وربنا يبعد عنا الحراميه

حضرتك فيه مثل مصري مش عارف انت فاكره ولا نسيته بحكم انك ليك اربع سنين في السعودية
(كل برغوت علي قد دمه)
يعني لما يتساوي عربيتين في كل شئ والسعر يكون لصالح واحده فيهم طبعا الاتجاة هيكون في صالح الارخص
وبعدين في مصر الناس بتتجه للصيني لان المستويات هنا علي قد حالها واقصد المستويات المادية كش اي مستوي اخر لان المستويات الاخري احنا هنا الحمد لله كويسين قوي فيها (حبيت اذكر حضرتك)
يعني لما تدخل منتدي مصري تخاطب الناس باعتبارهم مصريين.......مش سعوديين
لان الانماط الاستهلاكية هنا وما يرتبط بها من تفكير بيختلف كلي وجزئي عن الشعب السعودي
والا يكون الافضل انك تدخل منتدي سعودي مش مصري
يا ريت تكون الفكرة وصلت
تحياتي لك

[ناصر حسن ابراهيم صالح]

[SIZE="6"]والله كلامك كله صح نقارن بالفئات المحترمة عشان نعرف كنا وما زلنا بنتسرق ازاي من ايام المخلوع . كله شغل مقنن ياباشا ربنا يرحمنا من الجمارك ومن السي سي اللي كل العالم بيضحك علينا لما يشوف المصريين لا يشتروا الا هذه الفئة التعبانة ال 1600 سي سي لا جودة ولا قوة ولا امان في الحوادث عافانا الله وعافاكم من كل سوء[/SIZE]