برجاء المساعدة في فيات سيينا 2008

[prince_pc]

المشاركة الأصلية كتبت بواسطة samirayad هو سعادتك شارى العربيه من أمتى ....؟ تقريبا حوالي اسبوعين ...... وماهى أعمال الصيانه التى أجريتها على السياره منذ شراءك لها ....؟ عملت جلب المرش علشان كان معتل ، اشتريت بطارية جديدة ، وطبعا غيرت الزيت ، والاهم من ده كله اني عملت سوفت وير للكنترول ( بس من غير ما تتحل المشكلة تماما ، وقبل والسوفت وير روحت كشفت عليها بالكمبيوتر وقالي ان فيه ايرور في الكنترول وهو اللي عامل المشكلة دي ، بس للأسف طبعا ولا كأني عملت حاجة ) وماهو عدد الكيلومترات الحاليه للسياره ........؟ 71000 تقريبا .... وماهى ظروف بائع السياره إليك لا اعرفة .... طياري ، بس هو صاحبها مش تاجر والعربية مكنش بيركبها كتير خالص هل هو معرفه ومحافظ على السياره أم أنه بائع طيارى ....؟

للأمانة هو كان محافظ عليها جدا ، لو تشوفها تلاقيها فابريكة تماما بمعنى الكلمة سواء في الشاسية أو الصاج والدهان أو في الفرش الداخلي ، ولكن هي بس مشكلتها وهو بيبعها ليا ، قالي انها عايزة بوابة بنزين وهي سبب ان العربية مابتسحبش وفيه دخنة سوداء ( بس كانت قليلة مش زي دلوقتي ) وكمان وانا بدور الصبح لازم احط رجلي شوية على دواسة البنزين (15-30 ثانية) ده كل اللي قالهولي وبس وللأمانة بردوه خصمنا الف ونص من سعرها النهائي بعد الاتفاق عليه....

[samirayad]

انا معايا سيينا 2008 موتور 1500cc...........

وماهى أعمال الصيانه التى أجريتها على السياره منذ شراءك لها ....؟ عملت جلب المرش علشان كان معتل، اشتريت بطارية جديدة ، وطبعا غيرت الزيت ، والاهم من ده كله اني عملت سوفت وير للكنترول ( بس من غير ما تتحل المشكلة تماما ، وقبل والسوفت وير روحت كشفت عليها بالكمبيوتر وقالي ان فيه ايرور في الكنترول وهو اللي عامل المشكلة دي ، بس للأسف طبعا ولا كأني عملت حاجة ) وماهو عدد الكيلومترات الحاليه للسياره ........؟ 71000 تقريبا ....

الصح دلوقتى

أنك تغير فلاتر ( هواء + بنزين )

مع تغيير سير الكاتينه ( على الأقل )

وتغير بوجيهات ...وياريت تغير كمان كابلات بوجيهات

ولو تنضف البوابه يبقى كويس أوى

وبعد كده

نشوف الأيام هتقول إيه

[prince_pc]

بجد بجد انا متشكر ليك جدا ومش عارف أقولك ايه ،
ده كلام مظبوط وبصراحة فعلا ده اللي فكرت اعمله ، بس قلت أسأل الأول

" ولو تنضف البوابه يبقى كويس أوى "
بس دلوقتي عندي سؤال تاني ، هي بوابة البنزين هي هي الرشاشات ، ولا دي حاجة ودي حاجة ؟
وهل ينفع احول الموتور لكاربيراتير ، ولا ماينفعش ؟
ولو نفع ، الكاربيراتير احسن ولا الانجكشن أحسن ؟ يعني قصدي الانجكشن موفر اكتر في البنزين فعلا ؟

[samirayad]

هي بوابة البنزين هي هي الرشاشات ، ولا دي حاجة ودي حاجة ؟

مفيش حاجه يا أخى

إسمها بوابة بنزين

أسمها بوابة دخول الهواء للمكنه أو بوابة جسم الخانق

أو الثروتل بودى throttle body

وعلى زورها بيركب الخرطوم القادم من فلتر الهواء إليها لتوصيل الهواء بعد ترشيحه من الفلتر للدخول للمكنه

أم الرشاشات فدى وحدات حقن البنزين لكل غرفة حريق

وهل ينفع احول الموتور لكاربيراتير ، ولا ماينفعش ؟

ينفع بس من الخطأ أن نعود للوراء

والصح دائما هو المضى نحو الأمام

الكاربيراتير احسن ولا الانجكشن أحسن ؟ يعني قصدي الانجكشن موفر اكتر في البنزين فعلا ؟

مفيش شك

الأنجكشن أوفر فى البنزين وأفضل فى سهولة الدواره

[prince_pc]

شكرا جدا لأستاذ سمير ، انا هاتابع الموضوع للعايز يعرف ايه اللي حصل للأفاده علشان لو حد تاني عنده نفس المشكلة يبقى عارف ، انا رحت مركز اسمة الصفا ده في جسر السويس ، ولما رحت هناك قالي معنديش السوفت وير بتاعها وزعلت جدا وكنت هامشي لولا قابلني مدير المركز وشاف العربية قالي دي متلتة ، لازم اعالج المشكلة دي الاول وبعدين نشوف موضوع الدخنة ، وفعلا الحمد لله طلع العيب في (ظبط سير الكاتينة) مع تغيير البوجيهات+خرطوم بوجيهات واحد ، ده بالنسبة للسحب وانها كانت بتبطل ، اما المشكلة التانية بتاعه الدخنة واستهلاك البنزين فطلع العيب من حساس الشكمان هو اللي كان عامل كل القلق ، والحمد لله العربية بقت كأنها فابريكة بجد وطلعت بوابة البنزين مظلومة .... حساس الشكمان ده عندي عامل 385ج + مصنعيتهم بالبوجيهات 400ج .... وده للأفادة وأسف على الاطاله