استفسار بخصوص C4 موديل 2006

[herlom]

المشاركة الأصلية كتبت بواسطة AboNoRa عربية محترمة وعملية وكل الناس بتشكر فيها وقطع غيارها بقت منتشرة بشكل معقول واسعارها ممكن تكون غالية شوية بس فى مستوى الاوربى عموماً وحاجتها معمرة المهم تكشف على العربيه كويس قبل الشراء

الف شكر على الاهتمام من حضرتك .. بس وجهة نظرك اكشف عليها من خلال التوكيل افضل ولا من خلال اى شخص ذو خبرة؟

[herlom]

المشاركة الأصلية كتبت بواسطة mangawy2013 انا اشتريت واحده 2006 زيتي ستربترونيك عربيه محترمه جدا بتقعد جوه ملكش دعوه بالدنيا بره واحتاجت كام قطعة غيار في محل اسمه المركز الهندسي في ش زكي التوفيقيه عنده من الابره للصاروخ واسعار وكذا تصنيع توكل على الله لو الحاله الكويسه

فى الاول احب اقولك ربنا يباركلك فيها .. وشكرا على رد حضرتك واهتمامك ... بس سؤال صغير تكلفة السيارة فى حدود كام ولو حتصرف عليها بعد الشراء حتدفع فى حدود كام؟
نظرا لانك والاستاذ اسامة لسه شاريين العربية من قريب فعندكم خلفيات طبعا اكتر منى .

[mangawy2013]

شوف يا باشا العربيه لو حاله كويسه هتتراوح مابن 65-70 الف انا اشتريتها بقالها شهرين مكلفتنيش غير تغيير زيت وحاجه اسمها بارات دركسيون بتعمل فرنساوي اصلي ب 250 جنيه وغيرتلها حساس شكمان(ملهوش لازمه) ب 750 من التوكيل لاني بفرك لما الاقي العربيه فيها اي حاجه غير كده معملتش اي حاجه تانيه

[Osama Badie]

زى ماقال مانجاوى السعر من 65 ل 70 حسب الحالة, و بالنسبة ليا انا ماغيرتش غير سير كاتينة و البلى بتاعه كلفنى 800 جنيه بالمصنعية

[AbOnOrA]

المشاركة الأصلية كتبت بواسطة herlom الف شكر على الاهتمام من حضرتك .. بس وجهة نظرك اكشف عليها من خلال التوكيل افضل ولا من خلال اى شخص ذو خبرة؟

العفو لا شكر على واجب

وبالنسبة للكشف يفضل فى مركز او ورشة متخصصة علشان يتكشف على كل حاجة فيها وتتحط على الكمبيوتر