معدل استهلاك البنزين فى BYD F3

[kimo10]

السلام عليكم
انا اشتريت العربية تقريب فى نفس التوقيت بتاعك وعملت 250 كيلو بما يوازى تلت التنك للعلم كنت مستلمها فارغة من البنزين وملئتها ب56 لتر اما بالنسبة للدريكسيون فهو بور فعلا ومافيهوش مشكلة ظبط الكاوتش وجرب
وخلى فى السيارة ورقة وقلم تكتب فيها اى ملحوظة عشان لما تعمل صيانة 1000 كيلو متنساش حاجة
الحمد لله العربية كويسة جدا ولا يوجد عندى اى مشكلة سوى ان الشنطة عشان تقفلها لازم ترزعها وباذن الله فى صيانة 1000 حخلى التوكيل يظبطها وياريت تركب ليها دليات للعجل عشان تحافظ على العتب انا جبتهم وركبتهم التمن بالتركيب 50 جنيه وتقبل مرورى
F LASHCarFL ASHCar

[drpepo]

مشكلة الشطنة قولى للتوكيل اثناء الصيانة يعملوها وبتتعمل على طول مش بتاخد غير دقيقية بالكتير
ثانيا من حيث استهلاط البنزين له عدة عوامل منها السرعة والحمولة وفتح زجاج السيارة وضغط الاطار وطريقة القيادة وهل انت مشغل التكييف ولالا
لما تفول العربية مش تخليه يقف عند اول تكة خليه يكمل بعدها بشوية بتاع 5 او 7 لتر
انا اقدر اقولك انى التنك يمشييك 600 مرتاح بناء عن تجربة

[melsheshtawy]

أخى الفاضل
معدل إستهلاك السيارة للبنزين تقريبا 200 كيلومتر/ صفيحة داخل البلد وممكن يوصل 240 أو 250 كيلومتر/ صفيحة على الطرق السريعة وده عن تجربة وقياس أكتر من مرة (خصوصا إللى داخل البلد) .. أما بالنسبة للباور فهو مش هاف باور هو باور فعلا وأنا شايفة كويس جداً مش تقيل هو ممكن يكون أتقل من عربيات تانية لكن هو محتفظ بمكان كويس وسط العربيات وبالعكس هو فعلا بوضعة ده بيكون ميزة مع السرعات العالية
أرجو أكون أفدتك وأى سؤال أنا تحت أمرك

[كيا سيفيا]

المشاركة الأصلية كتبت بواسطة melsheshtawy أخى الفاضل معدل إستهلاك السيارة للبنزين تقريبا 200 كيلومتر/ صفيحة داخل البلد وممكن يوصل 240 أو 250 كيلومتر/ صفيحة على الطرق السريعة وده عن تجربة وقياس أكتر من مرة (خصوصا إللى داخل البلد) .. مضبوط فعلا 100/100 وعن تجربة اكثر من مرة فعلا. أما بالنسبة للباور فهو مش هاف باور هو باور فعلا وأنا شايفة كويس جداً مش تقيل هو ممكن يكون أتقل من عربيات تانية لكن هو محتفظ بمكان كويس وسط العربيات وبالعكس هو فعلا بوضعة ده بيكون ميزة مع السرعات العالية أرجو أكون أفدتك وأى سؤال أنا تحت أمرك

[Ma7moud ShedeD]

متشكر على الردود يا رجالة...و انا ركبت الدليات ب40 جنية و ركبت بتات جناب و اكصدامات بى 150 جنية يعنى كل ده خد 250 جنية بالتركيب و كلو..و انا عملت 300 كيلو فبصيت على امبير البنزين لاقيتو على النص يعنى التنك بيعمل 600 كيلو و الصفيحة تقدر تقول بتعمل 200 كيلو مثلا زى ما احد الاخوة قال..