هى الفيرنا الهاف مفيهاش فلتر تكييف

[khaabas]

المشاركة الأصلية كتبت بواسطة مايكل ذكرى الفلتر غالى عليه طيب ايه رايك ان الشنطه ليها نور فى التابلوه لما تتفتح ومكان السلك موجود فى التابلوة بس الراجل وقف البيعة على 3 متر سلك ب2 جنيه شوفت النتانه

غريبه الحكاية دى هدور وراها لحد ما اعملها ان شاء الله

[modygamal2000]

حسبى الله ونعم الوكيل بجد هى جات بعنى على حتة فلتر؟؟

[elsheikh2010]

وحياتك ولا الكاملة فيها ... تصدق وموضوع لمبة الشنطة انا قرأت الموضوع ده في موقع من المواقع وكمان كان مصور لمبة الشنطة وهيا منورة في التابلوة حاجة تفرح بصحيح تحس انك فعلا راكب عربية .... وحسبي الله ونعم الوكيل فيك يا غبور يا ابن ام غبور .

[mero100]

يا جماعه من فتره قريت ان فلتر تكييف الفيرنا وصل في التوكيل

[mahalfy]

الفيرنا بتنزل بدون فلتر تكييف على الرغم ان مكانه موجود بس التوكيل بيوفر فى اكتر من عنصر و طبعا علشان الفيرنا تكون بسعر رخيص،، عموما الفلتر موجود عند تجار قطع الغيار فى حدود 45 جنيه و فى التوكيل فى حدود 120 جنيه،، احد اصدقائى بيتعامل مع تاجر كويس فى اول فيصل فى برج الاطباء اسمه منير و ده هتلاقى عنده قطع غيار اصلية بسعر مناسب