تجربتي بعد شراء الصاعق TW.09 التليسكوب

[TELEBK]

المشاركة الأصلية كتبت بواسطة walidelmorsi انا اشتريتة ولما روحت البيت واستعملتة مرتين السوستة ضربط من قدام روحت مرجعة واخت واحد تانى جيت اشحنة لاقيتة ما بيشحنش روحت عشان اشوف الحكاية الراجل اتخانق معايا وقالى حظك كدة المهم ماسبتوش لحد لما اخت فلوسى منة بالعاقية وناقصين 50 جنية دول عالم نصابة كان من وسط البلد

والله أنا إشتريته من واحد كان عارضه علي منتدي الصيد في مصر ، وهوه شخص محترم جدا ، وقالي لو فيه حاجة يتغير ، بس الحمد لله محصلش فيه حاجة لحد دلوقتي ، وأنا أستعملته أكتر من مره في فتحه وقفله ، وربنا يستر ، علي العموم كل حاجه معرضه إنها تبوظ بس حظك جه كده ، وعلي العموم ده برضه اللينك بتاع الراجل إللي إشتريت منه
http://www.egypthunt.net/showthread.php?t=24469

[TELEBK]

المشاركة الأصلية كتبت بواسطة alymonir بس هل هو قانوني فعلا ولا لأ ؟؟ و ممكن نشتريه منين بالضبط ؟ محلات لسلاح ولا سوق سوداء ؟؟

هوه مفيش نص في القانون صراحة بيجرمه ، وده أنا لقيته علي النت في رد لمحامي ، بس هوه لو أستخدم لترويع المواطنين وأتظبطت بيه ، بيعامل معامله السلاح الأبيض ، وبيكون فيه مشكلة .
وبالنسبة للبيع أنا ملقيتوش في محلات ، وبالمناسبة أنا شفت في وسط البلد ناس واقفة علي الرصيف بتبيع الصاعق بأشكال مختلفة ، والله العظيم حسيت إنهم شوية بلطجية وبيبيعوا ، لدرجة إني شفت أدام عيني واحد إشتري منهم صاعق وكان ليه 5 جنيه الراجل مارضيش يديهاله ، والراجل إللي إشتري الصاعق بقي يتاحيل عليه علشان ياخدها منه والبياع مش راضي ، وقاله طيب حرجعة البياع مرضاش ، ده غير قله الأدب في التعامل ، فأحسن من علي المنتديات ، وده اللينك بتاع الراجل إللي بيبع الصواعق
http://www.egypthunt.net/showthread.php?t=24469