الشعب يريد وسيلة تنقُّل كريمة

[suzuki maruti]

الحل بسيط للغاية ومن غير كلام كتير
ندور علي مكان جديد للعاصمة غير القاهرة و الاسكندرية
الاماكن القديمة استهلكت وازدحمت مثل المهندسن و الزمالك و وسط البلد
ولو بسيط علي البلدان القديمة في اوروبا مثل اليونان و ايطاليا و اسبانيا
هتلاقي فيها نفس المشكلة دور علي الجديد ديمآ واحتفظ بردة بالاصالة

[nktis]

كلام جميل جداااااااااا والحل في رايي المتواضع كما ذكر ا.تونسي
اول لما عملوا مدينه السادات قالوا هينقلوا فيها بعض الوزرات ...ولم ينفذ...
شوفوا كام واحد من خارج القاهره بيدخلها يوميا والسبب سوء توزيع المصالح والوزارات...

[RAYAN]

الموضوع فعلا مش كثرة السيارات الخاصة ولكن تمركز السيارات الخاصة والعامة فى مكان واحد ( القاهرة ثم الاسكندرية ) بالاضافة الى سوء استعمالنا لقوانين المرور - يعنى مش هتلاقى حد بيمشى فالحارة المخصصة بفئة سيارته يعنى مفيش مشكلة لو الناس كلها ركبت عربيات بس نوسع نطاق استخدامها ونخلى كل محافظة عاصمة انما لو نقلنا العاصمة من القاهرة لمحافظة تانية مسألة وقت وهنلاقى الموضوع دة رجع تانى بس على العاصمة الجديدة , والافضل من اننا ندعم وسائل النقل عام او خاص ما نشوف الصحارى اللى لو اتعمرت بمدن جديدة للشباب هتلاقى ان الطرق فاضية حتى لو كل واحد عنده خمس سيارات ( مصر بها حوالى 90% من ارضها غير مستغل ) واحنا عايشين فى 5% وبنقول الدنيا زحمة , تبلغ مساحة جمهورية مصر العربية حوالي 1,002,000 كيلو متر مربع والمساحة المأهولة تبلغ 55367 كم2 بنسبة 5.5 % من المساحة الكلية , هههههههههه طيب لو ربنا كرمنا والدعم انتقل الى خدمة الصحراء ( مياة وكهرباء وغاز طبيعى ولا بلاش غاز طبيعى اذا كنا مش شايفينه واحنا عايشين فى 5 % هنشوفه 90% ) والله الحياة هتبقى تمام وبدون زحام , وممكن المدن الجديدة دى تبقى المساحات فيها كبيرة وسعرها هيكون رخيص جدا نظرا لسعر الارض فى الصحراء يعنى عشان تدخل الحمام ممكن تمشى بتاع كيلو مثلا فى الريسبشن اللى فيه جيم عشان تمارين الصباح , الكلام دة والله مش صعب بس محتااااااااااااج ادارة تخطط صح ويارب الحلم يتحقق

[Ahmed Anwer]

الصراحة مختلف مع إجماعكم

ماشي العاصمة و المدن الجديدة مهمة

بس برده وسائل المواصلات الآدمية و المنتظمة و المنتشرة أهم

السيارات الخاصة لو مبصيتولهاش بنوع من الأنانية مشكلة و ليست حل

[M.TONSY]

المشاركة الأصلية كتبت بواسطة Ahmed Anwer الصراحة مختلف مع إجماعكم ماشي العاصمة و المدن الجديدة مهمة بس برده وسائل المواصلات الآدمية و المنتظمة و المنتشرة أهم السيارات الخاصة لو مبصيتولهاش بنوع من الأنانية مشكلة و ليست حل

يا باشا عايز توفر مواصلات آدمية ازاى فى حياة غير آدمية العملية كلها سؤ تخطيط من الحكومة بداية حتى انتهت بالمآسى اللى احنا بنعانى منها جميعا حاليا من عشوائية فى كل شئ من سكن ومرافق ومواصلات حتى اللى راكب عربيته مش مرتاح
الحل فى ممر تنمية موازى لجميع مدن ومحافظات وادى النيل تكون امتداد لهذه المدن وان يكون فيها عوامل جذب واستثمار لكى تسحب الكثافة السكانية العالية من القاهرة بصفة خاصة وباقى المحافظات بصفة عامة وان يتم تخطيط كل شئ فيها بدقة ونظام مع الالتزام بتطبيق كافة القوانين بها حتى لا تتحول الى عشوائيات مرة اخرى وبعد كدة الحل بالنسبة للقاهرة فى وجود سلطة تنفيذية قوية تطبق دولة القانون فى كل شئ على رقبة الكل علشان حال البلد يبقى آدمى فى كل شئ