الشبورة اليوم

[احمد سويلم]

الحمد لله على كل حال ونعوذ بالله من حال اهل النار

[ahmed_elmagree]

فعلا كان فى شبورة انهاردة انا بيتى فى النزهة الجديدة الساعة 6:50 الصبح مكنتش شايف حاجة فى الطريق خااااااالص من الشبورة

[ahmed_rahem]

بما ان الموضوع عن الشبورة فنذكر قواعد القيادة فى الشبورة
1- القيادة على سرعات بطيئة واستخدام الحارة اليمنى وعلشان انت فى مصر فخليك فى النص.
2- عدم التخطى - الدنيا مش مستحملة وحجتك معاك لة اتأخرت.
3- اضاءة النور الواطى فقط مع فوانيس الشبورة لو موجودة. مع عدم اضاءة الانتظار نهائياً إلا فى حالة الخطر فقط، عكس ما هو متبع فى مصر الشبورة والكل ينور الانتظار متبقاش عارف دة ماشى ولا واقف ولا عايز يحود واية ظروفة.
4- لو مدى الرؤية اقل من 500 متر ولو وصل لحد 100 متر اقف على يمين الطريق - خش فى التراب - ونور الانتظار وخليك واقف لحين تحسن الرؤية.
5- لو لازم تمشى تسيب مسافة آمنة بينك ويبن الى قدامك - استخدم قاعدة الثوانى ( عد على الاقل 10 ثوانى) والافضل العربية الى تكون قدام تكون شايف فوانيسها كويس ومتكونش ماشى فى نفس حارتها.

وربنا يستر طريقنا كلنا

والسلام ختام

[nktis]

الحمد لله على سلامتك.............زاخطر شيء المشي في الشبوره...
شغل اشاراتك وامشي بين 30 الي 40 وربنا يسترها ....
للاسف مره كنت هلبس في مقطوره جرار راكنه علي الطريق بسبب الشبوره بس ربنا سترها شفتها في اخر لحظه....

[ahmed el gendy]

اايه يا عم كميه الحوادث دي ربنا يسترها علي الناس كلها بس والله ما بيصعب عليا ف الحوادث دي كلها غير اصحاب العربيات النص نقل رغم انهم بيمشوا طياره بس لما واحد منهم عربيته بتتخبط بتبقي وقف حال ع الاخر يعني عربيه عاوزه فلوس ومفيش شغل ربنا يعينهم ويرزقهم ويعوض اي حد عربيته اتخبطت ملاكي او نقل