اخيرا ال 128 بقى نورها يخلى الشارع كانه ظهر ادخل بسرعه واعرف ازاى

[سيف الدين سعيد]

المشاركة الأصلية كتبت بواسطة sayed2077 مع العلم يا استاذ سيف انا عندى ولله الحمد كتاوت نوع نضيف للنور عندى عالى وواطى

بص يا ريس فى لمبات ألمانى وفى ماركات زى الفيليبس ودول ممكن الجوز يعدوا الـ 150 . بس بصراحه انا مركب عندى 2 فيليبس كنت شاريهم مستعملين بـ 120 . بس عملوا فرق كبير فى نور العربيه . وان شاء الله ناوى أجيبلها زينون بس لما اتبشرأ . وربنا يوسعها على الجميع يارب .

[ahmed_eng2001]

السلام عليكم
انا كنت حقترح على حضرتك حل تانى ... و شكله كده هو ده الحل الى انت عملتوا ....
تقول للبياع عاوز كشافات دبابة ... بنفس السعر .. 20 جنيه للكشاف ... و تحط لمبات 200/260 .... الواحدة برضوا ب 20 جنيه
بس شكلك كدة انت الى سبقت

[mr_astra]

الف مبروك على الكشافات بس المهم هايفضلوا اد اية من الوقت بنفس الكفاءة ؟؟؟؟؟؟؟؟؟؟
شهر بالكتير

[الايطالى الصغير]

اولا مبروك على نورك العالى أنا عملت الحوار ده زمان اول ما جبت ال 128ركبت فوانيس جديدة وفرحت بسعرهم الرخيصوغيرت اللمبات الى زينون واشتريت كتاوت من نوع غالى فرنسى على ما اتذكر ورحت ركبتهم بنفسى اول يوم جرتبهم عميت الشارع كله مش واحد بس وكل الى يقابلنى يقولى اتقى ربنا وطبعا انا مش بفتح النور الا لما الى قدامى يكون ما عندوش ذوق وفااتح فى وشى وعندنا ناس استغفر الله العظيم ما تعرفشى ملتهم ايه النور عندهم زى النفس الى داخل لاجسامهم المهم بتاع لانسر بتاع دايو بتاع فورد عميت الكل الكل كان بييشتكى مع مرور الوقت اكتشفت شىء ؟ان الفوانيس نفسهم اللمعه والطلاء العاكس الداخلى بيبهت ويدبل وبالتالى قوة الاضاءة الرهيبة هتقل وتروح هيبتهاغسلت الفوانيس ترجع شويه وبعدين يجع عم التراب يعشش ومع رداءة الخامة تلاقى نفسك ماشى بفوانيس رمضان وفى النهاية اتعلمت شىء ان الزينون الاصلى زينون وان البقاء للحديث والتطور ومش ممكن كاشف عربية ب 400 جنيه او 600جنيه هيبقى زى ابو 40 و50 جنيه وعجبى

[sayed2077]

المشاركة الأصلية كتبت بواسطة الايطالى الصغير اولا مبروك على نورك العالى أنا عملت الحوار ده زمان اول ما جبت ال 128ركبت فوانيس جديدة وفرحت بسعرهم الرخيصوغيرت اللمبات الى زينون واشتريت كتاوت من نوع غالى فرنسى على ما اتذكر ورحت ركبتهم بنفسى اول يوم جرتبهم عميت الشارع كله مش واحد بس وكل الى يقابلنى يقولى اتقى ربنا وطبعا انا مش بفتح النور الا لما الى قدامى يكون ما عندوش ذوق وفااتح فى وشى وعندنا ناس استغفر الله العظيم ما تعرفشى ملتهم ايه النور عندهم زى النفس الى داخل لاجسامهم المهم بتاع لانسر بتاع دايو بتاع فورد عميت الكل الكل كان بييشتكى مع مرور الوقت اكتشفت شىء ؟ان الفوانيس نفسهم اللمعه والطلاء العاكس الداخلى بيبهت ويدبل وبالتالى قوة الاضاءة الرهيبة هتقل وتروح هيبتهاغسلت الفوانيس ترجع شويه وبعدين يجع عم التراب يعشش ومع رداءة الخامة تلاقى نفسك ماشى بفوانيس رمضان وفى النهاية اتعلمت شىء ان الزينون الاصلى زينون وان البقاء للحديث والتطور ومش ممكن كاشف عربية ب 400 جنيه او 600جنيه هيبقى زى ابو 40 و50 جنيه وعجبى

ارجع فى الاخر واقولك اكيد فيه حل طيب اقولك على حل حلو ايه رائيك فى ورق فويل بتاع الاكل تعمل بيه الفانوس اللى جوه مش فكرة بردوا بس بردوا ارجع واقولك لو كل 6 شهور تروح تيجيب فانوسين ب 40 جنية مش وحش خالص