نظف كابراتيرك بايدك ورجعه جديد لانج

المشاركة الأصلية كتبت بواسطة كنتوش السلام عليكم ورحمة الله وبركاته انا قررت ان افك الكاربراتير واقوم بتنظيفه بنفسى وانقل لكم تجربتى مع الكاربراتير واتمنى ان يستفيد الجميع (السيارة بولونيز): اولا نفك كل حاجه متوصله بالكاربراتير وهما خرطوم البنزين وده واصل من تحت ومن الخلف نشد الكلبس بتاع واير البنزين ولو موجود سوسته نشدها ونخلعها من الكاربراتير وطبعا نفك العمه بس نخلى بالنا من الصواميل علشان ما تقعش صاموله جوا الموتور ويستحسن ان وانا بفك احشر اى قماشه جوا الكاربراتير علشان امنع دخول الصاموله اصلا . ثانيا هنلاقى الكرابراتير مربوط ب4 مسامير هنفكهم واحنا ماسكين الكاربراتير مع اخر مسمار علشان ما بقعش . اللى جاى ده محتاج حذر شديد والبعد عن اى مكان فيه تراب او اى شرارة نار واوعى تولع سيجاره او ولاعه او اى شىء تحذييييييييييييييير ناخد الكاربراتير وهنلاقى من فوق مسامير مربوطه على وش الكاربراتير نفكها كلها هنلاقى جوان راكب نشيله ولو مش سليم نجيب واحد جديد غيره طبعا زيه بالظبط الوش مربوط فيه عوامه ودى ماسكه فى الوش بعامود رفيع وفيه سوسته مع عامود نحاس صغير له سن مدبب وده مهمته ان لما البنزين يزيد فيزق العوامه فالسن المدبب يسد مجرى البنزين فيقف البنزين طبعا لازم نتاكد من ان العوامه سليمه مافيهاش اى خرم وده هيبان لو كانت فيها هوا بس ونضغط عليها ما تقبلش ضغط هنلاقى تحت جوا الكاربراتير بكات كتيير كل بك نشيله نبص على رقمه ونرسم الكاربراتير على ورقه او نصور بالموبايل علشان نعرف كل حاجه مكانها فين والموضوع بسيط جدا كل الحكايه اننا هنجيب ثنر وبنزين وفرشه دهان جديده ونمسك بالثنر بعد ما نفك كل البكات وكلها بالمفكات عادى جدا زى المسامير ونجيب الثنر ونحطه فى حاجه عميقه وكبيره علشان نتحكم فى الكاربراتير كويس وكل اللى فكيناه نحطه فى الثنر وبالفرشاه ننظف الكاربراتير من كل حته من جوا وبره بالفرشاه والثنر وبعد التنظيف نسيب الكاربراتير بكل محتوياته جوا التنر لمده 10 دقائق مثلا وبعدها هنشيل الكاربراتير ومحتوياته هنلاقيه جديد لانج لان الثنر بيشيل كل شىء منه وبعدها نحطه فى البنزين بكل محتوياته وننظف بالبنزين بنفس الطريقه ونسيبه بعدها 10 دقايق علشان يترسب كل شىء ويبقى مفيش اى اثر للتنر او لاى شىء وبعدها نشيله ونسيبه حوالى 10 دقايق لحد ما يتصفى هو وكل مشتملاته بس يكون طبعا فى مكان خالى من التراب وبعدها تركب كل حاجه زى ما كانت وتركب الوش والجوان طبعا وتنزل للعربيه وتشوف جوان الكاربراتير لو تمام تسيبه او تغيره المهم تركب الكاربراتير زى ما فكيته بالظبط وتركب كل حاجه فيه وما تنساش تجيب قماشه نظيفه علشان تسد الكاربراتير لما تيجى تركب العمه وقول بسم الله ودور العربيه بس بعد ما تكارك كام مره كده علشان تملى الكاربراتير بالبنزين وبعدها تبتدى تظبط مسمار الهوا وده طبعا بانك تلف المسمار لحد ما تلاقى الموتور اهتزازه اصبح شبه معدوم وعلشان تعرف الحريق كويس ولا لأ روح للشكمان من ورا وشوف فيه دخان اسود ولا لا وكمان مد ايدك على العادم لازم يكون بارد وريحته ريحة دخان مش بنزين هتقدر تعرف ولو ما عرفتش اى حد يظبطلك الهوا ب5 جنيه وخلاص بس الكاربراتير بتاعك رجع زيرو يا رب يكون ربنا وفقنى فى شرح الموضوع واتمنى ان تكون التجربه افادتكم وشكرا لكم

http://www.youtube.com/watch?v=dq9dxbl9R5g

http://www.youtube.com/watch?v=DjD-eCMhCJs

http://www.youtube.com/watch?v=vIjGNose4so

http://www.youtube.com/watch?v=YxpQjDQzX7g

http://www.youtube.com/watch?v=_eUJZgU72Xg

Spray-can carb cleaner may be a little too aggressive for safety--dilute it with gasoline to prevent damage to seals and sensors.

[momen_bondok]

موضوع مميز فعلاً بس بصراحة انا قلقان إنى افكة مع إنى ممكن افك حاجات كثيرة فى العربية
جزاك الله خيراً على نقل التجربة

[waelsalah]

السلام عليكم

البنزين ازماتها بقت خنيقه جدا
والاستهلاك مش عاجبني من 100 -110 كم للصفيحه
والميكانيكي مرضاش يحل الكربراتير يغسله واستغرب جدا من موضوع التنر اللى قولتله اغسله بيه ؟
وقالى ده كبيره تجيبلي منظف كربراتير وانا اعملهولك وهو راكب لأن حله زى قلته لان عندك بوش فى الاكس والباب
وعاوز كربراتير جديد بحاله

قلتله انا كنت مغيرا لجزء العلوى اللى فيه مسمار الهوا وكان الاستهلاك بيوصل الى 140 كم فى الزحمة للصفيحه و200 فى الطوالى للصفيحه
مش عارف بقا
اعمل اكس وباب
ولا لازم يتغير الكربراتير على بعضه ؟ بس غالى بيتكلمو ا فى 500 ج
وانا صارف عليه قبل كده حوالى 150 ج
فى تاجر قالى فى كربراتير عندى بس مسمار العمة مكسور وهيحسبهولى ب 250 ج
الميكانيكي يقولى ده عك مفيش حاجه اسمها نص يركب على نص
لازم كربراتير على بعضه ( ميكانيكي تنك حبتين )

معلش طولت فى عرض المشكله

متابع الرد باهتمام شديد جدا

[Hisham.Elgazzar]

السلام عليكم

البنزين ازماتها بقت خنيقه جدا
والاستهلاك مش عاجبني من 100 -110 كم للصفيحه
[QUOTE] والميكانيكي مرضاش يحل الكربراتير يغسله واستغرب جدا من موضوع التنر اللى قولتله اغسله بيه ؟[/QUOTE]
عشان بيضيع وقت معاه وبيستسهل ، التنر يتغسل بيه الكربراتير مرة واحده أو مرتين فى عمر الكربراتير كله لأنه بيتهرى من جوا وبيسلك كل اللى فيه ، وهيفوقلك العربية ويخليها زى الصاروخ
[QUOTE]وقالى ده كبيره تجيبلي منظف كربراتير وانا اعملهولك وهو راكب لأن حله زى قلته لان عندك بوش فى الاكس والباب
وعاوز كربراتير جديد بحاله
[/QUOTE]
فك الكربراتير ملوش علاقة بالأكس والباب فى حاجة لكن ممكن يكون الكربراتير عندك مفقود فيه الأمل لأنى ما شفتش الحالة
[QUOTE]قلتله انا كنت مغيرا لجزء العلوى اللى فيه مسمار الهوا وكان الاستهلاك بيوصل الى 140 كم فى الزحمة للصفيحه و200 فى الطوالى للصفيحه[/QUOTE]
مسمار الهوا فى الجزء السفلى وليس الجزء العلوى
[QUOTE]مش عارف بقا
اعمل اكس وباب
ولا لازم يتغير الكربراتير على بعضه ؟ بس غالى بيتكلمو ا فى 500 ج
وانا صارف عليه قبل كده حوالى 150 ج
فى تاجر قالى فى كربراتير عندى بس مسمار العمة مكسور وهيحسبهولى ب 250 ج
الميكانيكي يقولى ده عك مفيش حاجه اسمها نص يركب على نص
لازم كربراتير على بعضه ( ميكانيكي تنك حبتين )
معلش طولت فى عرض المشكله
متابع الرد باهتمام شديد جدا
[/QUOTE]

حسب الحالة العامة له وحاول تشوف ميكانيكى كويس وعنده ضمير وأى إستفسار فى الخدمة
وماتشتريش كربراتير إستيراد غير لما يكون كامل من مجاميعه وكمان تاخده بالعمه لو هيديهالك فوق البيعة وياخد القديمة ، العمة مهمة جدا

المشاركة الأصلية كتبت بواسطة Hisham.Elgazzar السلام عليكم البنزين ازماتها بقت خنيقه جدا والاستهلاك مش عاجبني من 100 -110 كم للصفيحه [QUOTE] والميكانيكي مرضاش يحل الكربراتير يغسله واستغرب جدا من موضوع التنر اللى قولتله اغسله بيه ؟[/QUOTE] عشان بيضيع وقت معاه وبيستسهل ، التنر يتغسل بيه الكربراتير مرة واحده أو مرتين فى عمر الكربراتير كله لأنه بيتهرى من جوا وبيسلك كل اللى فيه ، وهيفوقلك العربية ويخليها زى الصاروخ [QUOTE]وقالى ده كبيره تجيبلي منظف كربراتير وانا اعملهولك وهو راكب لأن حله زى قلته لان عندك بوش فى الاكس والباب وعاوز كربراتير جديد بحاله [/QUOTE] فك الكربراتير ملوش علاقة بالأكس والباب فى حاجة لكن ممكن يكون الكربراتير عندك مفقود فيه الأمل لأنى ما شفتش الحالة [QUOTE]قلتله انا كنت مغيرا لجزء العلوى اللى فيه مسمار الهوا وكان الاستهلاك بيوصل الى 140 كم فى الزحمة للصفيحه و200 فى الطوالى للصفيحه[/QUOTE] مسمار الهوا فى الجزء السفلى وليس الجزء العلوى [QUOTE]مش عارف بقا اعمل اكس وباب ولا لازم يتغير الكربراتير على بعضه ؟ بس غالى بيتكلمو ا فى 500 ج وانا صارف عليه قبل كده حوالى 150 ج فى تاجر قالى فى كربراتير عندى بس مسمار العمة مكسور وهيحسبهولى ب 250 ج الميكانيكي يقولى ده عك مفيش حاجه اسمها نص يركب على نص لازم كربراتير على بعضه ( ميكانيكي تنك حبتين ) معلش طولت فى عرض المشكله متابع الرد باهتمام شديد جدا [/QUOTE] حسب الحالة العامة له وحاول تشوف ميكانيكى كويس وعنده ضمير وأى إستفسار فى الخدمة وماتشتريش كربراتير إستيراد غير لما يكون كامل من مجاميعه وكمان تاخده بالعمه لو هيديهالك فوق البيعة وياخد القديمة ، العمة مهمة جدا