نص نقل بنزين

[suzuki maruti]

المشاركة الأصلية كتبت بواسطة sayed2077 بص ان شاء الله هحاول اقولك يعنى ايه عيوبها بنزين يعنى 1:المكنة البنزين بتستهلك بنزين صح كده البنزين بكاااام ال 80 : ب 90 قرش بس بيبقى ضعيف اوووووى وهتلاقى العربيه ماشية بطة على الطريق حتى لو ممكن العربيه تتعايش مع بنزين 80 هتلاقى مشكلة هتقبلك وهيا ان اصلا كل فين وفين لما بتلاقى البنزين ال80 ده فى البنزينه ومش على طول تلاقيه يعنى لازم يجى عليك يوم وتفول 90 علشان مفيش 80 ال90 : ب 175 قرش وهيبقى كويس على العربيه بس الوفر الاقتصادى ضاع خالص يعنى لو متوسط التنك عندك 40 لتر يعنى هتفوله ب 75 جنية غير فلوس الراجل يبقى قول كل تفويلة مثلا هتدفعلك بتاع 80 جنية يعنى بمعنى اخر مش جايبه بنزينها اصلا فاهمنى انا اقصد على ايه غير بقى انك لازم كل شوية تغير طقم كهربا وبوجيهات ولو المكنة تعبانه ممكن تعرق زيت على البوجيهات وتقرفك اخر قرف بس بقى تعالى شوف المواتير السولار السولار سعره رخيص اعتقد 80 قرش على ما اعتقد مش متأكد اوى من السعر ده غير كده السولار كله نوع واحد يعنى مفيش 90 و 80 وعلى طول موجود فى جميع البنزينات ومعلهوش زحمة غير كده العزم بتاعه شديد قوى قوى يعنى يشيل معاك حموله زى ما انت عاوز ده رأئى انا بس متاخدش كلامى كلام مؤكد خلية بس زى معلومه قد تكون صحيحة وقد تكون خطاء وان شاء الله الاعضاء هيقولوك على المفيد اكتر ان شاء الله وربنا معاك ان شاء الله ويوسع رزقك ويرزق بالحلال ويباركلك فى مالك وصحتك والولادك وزوجتك وذريتك اخوك فى الله سيد و السلام عليكم ورحمة الله وبركاته

لتر السولار 1.25 صباح الفل ............ يعنى البنزين 80 ارخص منه بـــ 0.35 قرش ....

بعد كدة الواحد يتعلم ميفتيش ويقول المعلومات الي متاكد منها فقط
بلاش فتي بقي ههههههههههههه

[M!NA]

مع احترامي للجميع.... لتر السولار بجنيه و 10 قروش ...

أنا معايا عربيتين سولار من أيام ما كان اللتر ب 75 قرش... و بعدين غلي في مايو 2008

تاني نقطة بالنسبة للعربية البنزين التويوتا ...

هي بتمشي ببنزين 80 كويس جدا.... من غير أي مشاكل في السحب لأن نسبة الانضغاط في الموتور منخفضة....

و تاني نقطة.... انها هتكون موفرة عن العربية الديزل....لأن الديزل مصاريف صيانته أعلى.... كمان عمرة الديزل غالية جدا جدا.... و لو حبيت تجيب الموتور استيراد... فسعره أضعاف أضعاف سعر موتور البنزين....

تحياتي للجميع