هشترى اسبيرانزا A516 وعايز رايكم اكشف عليها ازاى قبل الشراء؟؟؟

[man22]

المشاركة الأصلية كتبت بواسطة elessawi طب لو سمحت يا مان دا جيبها منين ب 35000 الف قسط كمان يا ريت تعرفنى اشترها منين وازاى علشان اجيب انا معاه بقى احسن وابقى راجع كده 35000 ولا 45000 قبل ما اتدبس

ياعنى انا بقولك كدا علشان تسيب العربية انا قصدى من كلامى دا انك تفرج العربية لكذا واحد واعرف سعرها الاساسى . وخلى بالك ان الصينى كدا سيبك من اى سعر يتقال قدامك . بالنسبة للعربية دى الى صاحبى اشتراها كانت بتاع واحد عندنا من البلد ياعنى هو اشتراها منه مباشرة دون تدخل اى تاجر او معرض فى بيعها . الله اعلم بظروف البائع بس هو كان عارضها 35000 الف ووافق على التقسيط زى ما وضحت سابقا . بالتوفيق

[osa92003]

المشاركة الأصلية كتبت بواسطة man22 ياعنى انا بقولك كدا علشان تسيب العربية انا قصدى من كلامى دا انك تفرج العربية لكذا واحد واعرف سعرها الاساسى . وخلى بالك ان الصينى كدا سيبك من اى سعر يتقال قدامك . بالنسبة للعربية دى الى صاحبى اشتراها كانت بتاع واحد عندنا من البلد ياعنى هو اشتراها منه مباشرة دون تدخل اى تاجر او معرض فى بيعها . الله اعلم بظروف البائع بس هو كان عارضها 35000 الف ووافق على التقسيط زى ما وضحت سابقا . بالتوفيق

سعر غير واقعى اطلاق ا والسعر بيتوقف فى النهايه على العربيه حالتها ايه ومش سعادتك اللى تقول انها زى الفل وخلاص فى عربيات بتكون مقلوبه وانتهت تماما وفى عربيات بتكون مؤجره لشركات قلبت عداد والموتور انتهى نصيحتى للاستاذ اللى عايز يشترى متصدقش اللى يقول العربيه سعرها بينزل والكلام اللى مجرد سمع وبس ولازم تقارن بين السعر الاصلى وسعر البيع العربيات الثانيه
يعنى سعادتك دلوقت الكيا سيراتو موديل 2009 بتباع ب 90 الف سعرها الاصلى الف120
الفيرنا موديل 2008 و2009 بتعمل 55 الف واقل سعرها الاصلى الف77
يعنى المعدل الطبيعى لاى عربيه موديل 3 سنين فاتو نزول 20 الف عن السعر الاصلى

نصيحتى ليك تروح مركز خدمه متخصص فى الاسبرنزا وهو المتحده فى الطريق الدائرى ناحيه المريوطيه يشوف لك حاله العربيه صح

[ahmed zawawy]

المشاركة الأصلية كتبت بواسطة man22 42000 دا سعرها كاش ولا قسط . فى واحد صاحبى لسة شارى واحده 2008 نبيتى . حالتها زى الفل ولا رشة ولا فيها اى خدش . دفع 20000 ومبقى 15000 . خلى بالك الصينى مبتعرفش تبيع ولا تشترى فيه . سعره بيموت . والعربية كدا سعرها غالى عليك . سعرها عند كذا ميكانيكى وفرجها لناس كتير . وربنا يوفقك

شوف صاحبك ده لو عاوز يبيع العربيه ويكسب كمان فيها انا ممكن اشتريها منه ب 40000 جنيه كاش شوفه وقولي
ولو تعرف تجيب اسعار زي دي قسط او كاش ب 35000 ابقي فيد المنتدي
انا صاحبي شاري 2008 عامله 10000 استبن لم يستخدم لونها اسود كانت مرفوعه شريها ب 55000 كاش

[cmatcho]

انا مش عارف الناس بتجيب الفتاوي دي منين
عربيه ايه اللي ب 35000 وبالتقسيط كمان مكانش حد غلب
اصل العربيه صيني
وبعدين قلنا علي بلدكم لو البيع والشرا سهل قوي كده نطلع كلنا عليها ونشتري من هناك
الله اعلم العربيه اللي بتقول عليها مقلوبه ولا منتحره قبل كده 5 مرات
باشا اطلع علي مركز المتحده وهما يعملو ليك تقرير كامل عن حاله العربيه
و2008 لو حالتها نضيفه وكيلو متر قليل تعمل 45000

[man22]

لا تعليق مدام الموضوع انقلب لتريقة وعدم احترام . الصراحة فى بعض الاوقات تنقلب لضدها .