خير الكلام مادل بالصور

يا مرمر مش علشان واحد مش مظبوط اخلاقيا او عنده حاله نفسيه نروح مشيلنها للجيش كله يعني ده انسان وسخ مش هنعلق شماعة اللي بيحصل ده كله عليه

[تامين سيارات]

السلام عليكم اخوانى

الصراحه راحه زى ما بيقولو الغلط من الطرفين فى الحقيقة

1- من جهة الثوار :::::::

لازم يبقى فى اتفاق و نمشى الامور سياسيا لاننا مش فى حرب و ما ينفعش نعطل الدنيا شهر لان فى ناس فىالمنطقه دى عاوزه تشوف حياتها كدة احنا بنخسرهم , غير ان ما ينفعش ننمع رئيس الوزراء من الصعود لمكتبه ((( مش احنا الى نعمل كده فى بلدنا و خصوصا ان دماء شعبنا غالى علينا )))

2- من جه المجلس العسكرى :::::

ما ينفعش نعمل حاجة يعنى الا لما نموت 40 او 50 واحد لازم كل حاجة مطالب للشعب تبقى بوجع القلب انتم عارفين ان الناس عاوزه عداله

ينفع الجنزورى يطلع يقول مرتب الوزير 2000 جنيه لية هوة احنا عيال صغيرين لاء يا جنزورى دة كلام مش صحيح اعرف بقى اننا نعرف ان الوزير ليه على كل مليم بيدخل الوزاره نسبه فى اى وزاره

عاوزين نرفع حاله الناس يا مشير و ده لاننا بيقولو اننا عمالنا ثوره ما ينفعش رئيس اى هيئه ياخد 2 مليون جنيه و عنده الساعى بياخد 400 جنيه ده يفتخ باب الفساد

طيب بلاش نخلى راتب الوزير 10.000 جنية مش 2000 جنيه بس يبقى بياخد 10.000 بس اول عن اخر

فين محاكمه مبارك هوة كان عادل معانا على شان نبقى عادلين معاه

احمد عز الى سرق شباب مصر فى مشروع ابنى بيتك بمساعده الحكومه الطن يوصل 10.000 جنية للطن الحديد و اقول للشاب سنه و هاجى استلم منك اساسات

طلعت مصطفى اخد المتر ب قرش و ابنى بيتك المتر ب 600 جنيه

الوضع حرج ولابد من قرارات ثوريه ترضى الشعب

[مادا]

المشاركة الأصلية كتبت بواسطة corsair يا مرمر مش علشان واحد مش مظبوط اخلاقيا او عنده حاله نفسيه نروح مشيلنها للجيش كله يعني ده انسان وسخ مش هنعلق شماعة اللي بيحصل ده كله عليه

كلامك مضبوط كل حاجه بيشلوها للجيش والهدف هو ... حرب اهلية بين الشعب والجيش ..

سمعت من احد الجمعيات ان محاربة الجيش المصرى العدو للشعب . لا يكون بالطوب ولكن بتكوين جماعات مسلحه لمحارية الجيش المصرى وهو ده المطلوب بالضبط ... وهوده بيفسر سبب دخول الاسلحه الى مصر ..

الخطه عمل وقيعه بين الشعب والجيش الى ان يقتنع المصريين ان الجيش المصرى هو عدو الشعب ((ولا حول ولا قوة الا بالله)) ..

وبعد ذلك استفزازات المتظاهرين لرجال الجيش أعتصامات ليس لها مبرر تعدى على مديريات الامن وعلى الوزارت .

الجيش يذهب لحماية الوزارات فتحدث اشتباكات بين الجيش والثوار .

تنزل صور على الانترنت الجيش بيضرب الثوارالعزل من السلاح .

الشعب يثير ينزل يضرب فى رجال الجيش اعداء الشعب ويساعد الثوار ..

هنا ينادى الثوار مش حينفع الطوب فى مجاربتنها مع الجيش عدو للشعب لازم نحاربه باسلحه .

عند ذلك تظهر الاسلحه الى تم تهريبها الى مصر ليستخدمها الشعب فى محاربة الجيش..

النهاية حرب اهلية بين الشعب والجيش

[طارق عبد السلام]

بجد الموضوع ده عامل ضيق لناس كتير
ناس بتفسر مايحدث ان الائتلافات الجديده للشباب كانت متوقعه انها هى اللى هتمسك البلد فى الانتخابات
فوجدت مايصدمها انها مجرد مجموعه صغيره لاتمثل اغلبيه الشعب فقالوا احنا ننزل تانى الميدان لاننا اغلبيه فى الميدان ونمشى البلد من هناك
وناس تانيه عماله تشتم فى الجيش مع ان الجيش ده اخر حاجه باقيه للشعب وبعد سقوط الغير مأسوف عليهم الشرطه وبعدين علشان نرتقى فى البلد دى لازم يكون لنا اهداف محدده والكل يتكاتف لاكن للاسف التكتلات الجديده مش متفقين مع بعض فى المطالب والانتخابات قربت تكون هى الكلمه العليا وده مش هيعجب ناس كتير
طيب ايه العمل نخبط فى بعض ونولع البلد علشان اللى نفسه فى حته كبيره من التورته يلاقيها ولا نتكاتف طيب ياجماعه الجيش ده والشرطه احنا مش مستوردين العساكر والظباط مهو بردوا هما مننا اخةاتنا ةمصريين وبيؤدوا واجبهم واحد هيقولى دى اوامر من قادتهم انا سأرفق فيديو مليش دعوه بعنوانه بس انت لو هتقعد تستفزنى وتشتمنى وتضربنى مهو انا بردوا من حقوق الانسان انوا يدافع عن نفسه حقوق الانسان على كل الاطراف شعب وجيش وشرطه
وانا عايز اعرف الفيديو ده مشفتوش قبل كده ليه بجد يا جماعه فيه ناس حابه البلد دى تفضل كده على طول
يارب احمى مصر والمصريين

http://www.youtube.com/watch?v=CJbNn...layer_embedded

[Eng/salwa]

اللهم احمى مصر من مصر