مساعدة فى إختيار أنسب عربية للشراء

[transporter]

المشاركة الأصلية كتبت بواسطة خالد الإسكندرانى السلام عليكم بالنسبة للموديلات اللى حضرتك قولتيها .. أنا بروتونمعرفش عنها غير انها روسى وفى كتير قالولى ابعد عن العربيات الروسى وكمان عربية مش بياعة يعنى زى ماحضرتك عارفة ان كام كل سنة كدة الواحد بيحب يغير العربية .. وبروتون سوقها مش ماشى قد كدة بالنسبة لرينو اسكالا انا بفكر فيها برضو بس معنديش عنها معلومات كتير كيا بيكانتو صغيرة شوية .. لكن عموماً كيا كل اصحابى اللى جربوها قالولى عنها انها ورق يعنى مبتستحملش خبطة "بعد الشر يعنى" وبالنسبة لحكاية الموديل فالشركات صراحة بتبالغ أوى ف فرق السعر بالنسبة للامكانيات .. بمعنى ان الشركة بتضطر تغلى السعر عشان ميبقاش كأنها بتعترف بفشل المنتج . أنا كنت بفكر فى الانترا 2012 وعرفت ان الاوتوماتيك بتاعها عامل 120 ألف فمستنى تنزل شوية وأنصح حضرتك برضو تفكرى ف هيونداى النترا وهيا كورى برضو زى كيا وشكراً جزيلاً على الرد وبالتوفيق ان شاء الله ويارب نلاقى العربيات اللى تناسبنا يعنى

عزيزي أستاذ خالد السيارات البروتون براند ماليزي وليست روسية الصنع كما ذكرت حضرتك في مداخلتك _فعذرا" لقد جانبك الصواب في هذه المعلومة.
أما بالنسبة للهيونداي إلنترا فلا أنصحك بها فهي ذات تعليق خلفي متصل_وهو نظام تعليق سيء جدا" تزود به السيارة لخفض تكلفة الإنتاج علي حساب ثلاث عوامل مهمة (امان ركاب السيارة_راحتهم_العمر الإفتراضي للمركبة)
أنصحك نصيحة مخلصة أن تبحث عن مزايا نظام التعليق الخلفي المنفصل.....ومساويء نظام التعليق المتصل_قبل إتخاذ قرارك_وتقبل مروري وتحياتي

[خالد الإسكندرانى]

المشاركة الأصلية كتبت بواسطة hazem_khidr طالما مش فارق معاك زيرو من كسر من كسر زيرو يبقي خليك في عربيه ياباني و ما تقلقش لا قطع الغيار غاليه ولا بتحتاج اساسا قطع غيار عربيه تركبها و تمشي و زيت و بنزين و خلاص علي كده خليك في البوما موديل 2008 سوبر اكشن كامله في حدود ال 90 و دي 1600 و عربيه كويسه جدا او كورولا 2006 او 2007 و 1300 فل اوبشن برضو و 1300 سي سي و استهلاك بنزين مافيش و يبقي اسمك راكب عربيه ياباني و مريحه و اقتصاديه و لما تحب تبيع في اي وقت مش هتاخد وقت

ياريت لو حضرتك تعرف بقى تمن لانسر 2012 او 2011
و شكراً جزيلاً على الرد

[jojojojojo]

انصحك بوما او كورولا مستعمل او نيسان صني اتوماتيك زيرو وريج دماغك

[hazem_khidr]

المشاركة الأصلية كتبت بواسطة transporter عزيزي أستاذ خالد السيارات البروتون براند ماليزي وليست روسية الصنع كما ذكرت حضرتك في مداخلتك _فعذرا" لقد جانبك الصواب في هذه المعلومة. أما بالنسبة للهيونداي إلنترا فلا أنصحك بها فهي ذات تعليق خلفي متصل_وهو نظام تعليق سيء جدا" تزود به السيارة لخفض تكلفة الإنتاج علي حساب ثلاث عوامل مهمة (امان ركاب السيارة_راحتهم_العمر الإفتراضي للمركبة) أنصحك نصيحة مخلصة أن تبحث عن مزايا نظام التعليق الخلفي المنفصل.....ومساويء نظام التعليق المتصل_قبل إتخاذ قرارك_وتقبل مروري وتحياتي

عزيزي ترانسبورتر
الالنترا تعليق خلفي منفصل و ليس متصل

المشاركة الأصلية كتبت بواسطة خالد الإسكندرانى ياريت لو حضرتك تعرف بقى تمن لانسر 2012 او 2011 و شكراً جزيلاً على الرد

مش عارف اسعارها بالضبط بس غاليه
ال 1300 في حدود 107 الف
و ال1600 نص رياضيه في حدود 122 الف

[خالد الإسكندرانى]

المشاركة الأصلية كتبت بواسطة hazem_khidr عزيزي ترانسبورتر الالنترا تعليق خلفي منفصل و ليس متصل مش عارف اسعارها بالضبط بس غاليه ال 1300 في حدود 107 الف و ال1600 نص رياضيه في حدود 122 الف

السلام عليكم
سيد حازم انا دورت ولقيت العربية دى
http://www.ccegy.com/arb/car_details.aspx?ModelId=337
إيه رأيك ؟