ماذا تعرف عن السوبر تشارجر و التربو والانتر كولروالجواب

[sharooo]

المشاركة الأصلية كتبت بواسطة top gear معلومات مفصله لكن مختصرة عن التوربو شارج والسوبر شارج واستخداماتها. طيب الان الهواء الخارج من العادم طبعا يكون حار ويسخن التوربو وايضا الاحتكاك واذا سخن التوربو يسخن الهواء المضغوط الخارج منه علما بان الهواء البارد الرطب يعطي قوه أكبر من الهواء الحار الجاف، طيب اذا كان الموضوع كذا لن نستفيد من قوة التوربو مائه بالمائه وسينخفض أدائه. ولهذا السبب يزود التوبر بجهاز تبريد يسمى بالإنتر كولر يشبه الأديتر وهذا الجهاز يربط بالتوربو بواسطة انابيب حيث يبرد الهواء الخارج من التوربو وهكذا نزيد من أداء التوربو، كما في الصورة: ومن مساوء التوربو أنه يتأخر في العمل وهذا بسبب أنه لا يعمل إلا إذا كان المحرك يخرج هواء من العادم يكفي لدورانه لتوليد الهواء اللازم للمحرك... هذا هو التوربو بإختصار....

السلام عليكم
شكرا جزيلا على التقرير الرائع..لكن اسمحلي اضيف بعض الاضافات للفائده:
1-التيربو ليه ريشتين زي ما حضرتك تفضلت واحده ريشه تيربينه(بتاعه العادم) والتانيه ريشه كومبريسور(بتاعه الهوا )
2-يتم تزوريد التيربو ب الانتر كولر(وفي بعض الاحيان يسمى افتر كولر)لان الهوا بيكون سخن جدا زي ما حضرتك تفضلت ويتم تبريده..والسبب انه لما الهوا يبرد كثافته تقل وبالتالي حجمه يقل..مما يسمح بادخال كميه اخرى من الهواء في نفس الحيز(غرفه الاحتراق)وفي المقابل كميه اخرى من الوقود مما يعطى طاقه اعلى بكثير لشوط القدره او التمدد
3-التيربو تشارجر من اول الاجزاء الي بتدور في المحرك (وسرعته عاليه جدا جدا) قبل حتى ما المحرك نفسه يشتغل..لان لما المارش بيلفف المكنه بتحصل دورات كامله من ادخال الهوا والوقود لغرفه الاحتراق واخراج العادم..او حتى اخراج الهوا قبل الاحتراق....ف التيربو بيدور غصب عنه
4-بض المصنعين بيفضلو التيربو تشارجر عن السوبر تشارجر(بخاصه في محركات الديزل) لانه بيدوره عن طريق العادم لاكن السوبر تشارجر بياخد من عزم المتور عشان يدور..ده غير صيانته المعقده.والبعض بيفضل السوبر تشارجر(وخاصه في البنزين)
5-في المحركات البحريه(المارين)بيتم تبريد ريشه التيربو بتاعه العادم بماء البحر الي بيخرج بعد كده مع العادم(طبعا مع مياه تبريد المبادل الحراري الي بيكون بدل الرديتر في المارين)..عشان كده بتلاقو في اي يخت او سفينه في زي نفوره ميه طاله من جنبه..بس بتكون تحت قوي(فوق مستوى البحر على طول)
6-التيربو بياخد خط زيت على الاكس الي رابط بين الريشتين بتوعه
7-اخير بقي اني اضيف ان التيربو تشارجر حاجه كويسه بس صيانته غاليه شويه و لو اشتغل وفلتر الهوا مكتوم او اشتغل على السلانسيه فترات طويله بيتلف بسرعه جدا جدا.
الي بيحصل ان التيربو مش بيلاقي هوا يحقنه للمتور عشان الفلترالمسدود..فالسيل بتاع كرسي الزيت بيتسحب ويتلف ويهرب زيت على الريشه ولو سبته من غير اصلاح..السيل التاني الي عند العادم بيبوز هو كمان ويهرب زيت..ولو سبته برضه ..بيحصل تاكل ونحر في الاكس ..و لو سبته ..الريش بتخبط في الهاوسنج وبيتكسر كله..وبتدخل الاجزاء المكسوره على الانتر كولر تسده تكسره
طبعا لما التيربو بيبدا في التلف...المتور بيقد جزء من قدرته...والسواق بيقرص على المعده او العربيه عشان مش فاهم والزيت عمال ينقص من المحرك زي ما قلنا...وبتكون النتيجه عمره ..ايوه احدى اسباب العمره(وخاصه في الديزل)لما التيربو بيبوز

[mik]

بص من حيث المبدا التيربو يركب علي اي عربية كبيرة او صغيرة واي نوع حتي الدايو
التيربو بيشتغل ازاي ببساطة؟؟؟؟
التيربو عبارة عن توربينتين او مروحتين والاتنين واصلين ببعض جوا انبوبتين كل انبوبة او ماسورة لها شغلة معينة
اول واحدة بتعمل اية؟؟ بتكون متوصلة علي الفرن بتاع الموتور قبل الشكمان وبجدا العادم بتاع الموتور هيعدي فيها عشان يطلع للشكمان فا وهو بيعدي بيخلي المروحة تلف بسرعة جدا جدا جدا فا المروحة دي تلف المروحة التانية الي موجودة في الانبوبة التانية وبداية الانبوبة التانية هي الفلتر بتاع الهوا وبعد كدا ممكن تعدي علي الاير ماس علطول او تكون معدية الاول علي الانتركولر وبعدين الايرماس وغرف الاحتراق
لما المروحة الاولانية بتلف بفعل ضغط غازات العادم بتخلي المروحة التانية تلف معاها بسرعة كبيرة جدا فا تدخل هوا كتير جدا بس محسوب بطريقة معينة علي الايرماس والموتور وهو دا التيربو
لسوبر شارجر نفس الموضوع بس بدل ما بيشتغل عن طريق عادم الموتور بيشتغل عن طريش سير والسوبر شارجر افضل واغلي علي ما اظن

[sharooo]

المشاركة الأصلية كتبت بواسطة mik بص من حيث المبدا التيربو يركب علي اي عربية كبيرة او صغيرة واي نوع حتي الدايو التيربو بيشتغل ازاي ببساطة؟؟؟؟ التيربو عبارة عن توربينتين او مروحتين والاتنين واصلين ببعض جوا انبوبتين كل انبوبة او ماسورة لها شغلة معينة اول واحدة بتعمل اية؟؟ بتكون متوصلة علي الفرن بتاع الموتور قبل الشكمان وبجدا العادم بتاع الموتور هيعدي فيها عشان يطلع للشكمان فا وهو بيعدي بيخلي المروحة تلف بسرعة جدا جدا جدا فا المروحة دي تلف المروحة التانية الي موجودة في الانبوبة التانية وبداية الانبوبة التانية هي الفلتر بتاع الهوا وبعد كدا ممكن تعدي علي الاير ماس علطول او تكون معدية الاول علي الانتركولر وبعدين الايرماس وغرف الاحتراق لما المروحة الاولانية بتلف بفعل ضغط غازات العادم بتخلي المروحة التانية تلف معاها بسرعة كبيرة جدا فا تدخل هوا كتير جدا بس محسوب بطريقة معينة علي الايرماس والموتور وهو دا التيربو لسوبر شارجر نفس الموضوع بس بدل ما بيشتغل عن طريق عادم الموتور بيشتغل عن طريش سير والسوبر شارجر افضل واغلي علي ما اظن

الله ينور عليك...وهو ده تحديدا الي الراجل صاحب الموضوع كان بيشرحه بالصور في اول صفحه

[مبارك القناوى]

تسلم ايدك علي المعلومات المفيده

[TOOLA]

معلومات قيمة جدا, شكرا