انا نازل النهاردة التحرير

[تامين سيارات]

المشاركة الأصلية كتبت بواسطة mar mar عاااااااااااااااااااااااا ااااااااايزه انزل عاااااااااااااااااااايزه انزل مش قادره اقعد مش قادره اقعد في البيت قولولي اعمل ايه البس وانزل مش قادره اقعد اتفرج اعمل ايه لو تعرفوا تلهوني لهوني

السلام عليكم مرمر لوعاوزة تنزلى خدى معاكى كمامة مهم اوووى و ازازة مياة و ازازة صغيرة فيها خل على شان الغاز و ما تحوليش تتحركى فىالشوارع الجانبية للميدان و ما تمشيش لواحدك يعنى يكون معاكى زملاء شاب مثلا او اخوكى راجل يعنى و تنزلى بليل شوية بعد المغرب على شان ما تتعبيش و بالتوفيق

[nktis]

ربنا يحميكم ويحمي الشباب اللي في التحرير.................. .............امين...

[M.TONSY]

انا نزلت والوضع مايسرش وحاجة مؤسفة اللى بيحصل فى ش محمد محمود وفيه بلطجية مكسرين عربيات الناس وقلبينها وبيرموا حجارة ومولتوف على العساكر والعساكر بيرودوا بالقنابل الغاز والخرطوش والكلام ده بيحصل فى تقاطعات ش محمد محمود مع الشوارع المؤدية الى الفلكى وباب اللوق والواحد مش عارف البلد رايحة على فين وانا حاسس ان فيه مخطط لضرب امن واقتصاد مصر ضربة عنيفة وربنا يستر

[nktis]

متابع..............

[epnmasr]

أنا نزلت النهارده بدل ما أروح الشغل بدون ما أعرّف أولادي والحقيقه إن كل اللي في التحرير بيطلبو ما نطلبه ويستحقوا أن يكون معهم وبينهم كل من يستطيع لكي يعلم الجميع أن الشعب فعلاً أيد واحده وكل اللي عايزه هي الكرامه والعدل ووزاره ورئيس يعملوا لصالح البلد في حدود أنهم موظفون حكومه يلتزموا بالقانون وليسوا فوق البشر وما إلى ذلك من المطالب المشروعه
أما عن شارع محمد محمود فقد كنت أسمع وأشوف الناس داخله وطالعه بمصابين
ولو أني ضد أن يتجاوز أحد من الثوار الميدان وربنا يوفق الموجودين الآن واللي هيعتصموا