المشاركة الأصلية كتبت بواسطة mr_astra
متشكر على الكلام الرقيق
وصدقنى وكل حاجة بامر الله مش هاتندم لو جبت 323
العربية دى الوحيدة اللى اما بعتها بوستها وهى ماشية وفعلا وحشانى بجد
شافت ايام حلوة معايا
اما بخصوص العربية فهى زى الفل والله واسعة جدا من جوة وبعتبرها اسرية من الدرجة الاولى من حيث وسع الصالون والشنطة لان اسرتى كبيرة وتملى معايا شنط فى الرايحة والجاية
اما الشكل الخارجى بجد انسيابية اوى وشكلها مقبول بدرجة كبيرة وتملى تلاقى ملاك المازدا عاملين ستيكرز لونة اسود فوق الشبكة بكامل عرض السيارة بيديها شكل هجومى جميل
العربية دى تقدر تقول عليها مصنوعة من الملبن كل حاجة فيها سلسة مش متعبة حتى الدركسيون بتعها ممكن تخمنى وتقولى دى باور هاصدقكك
موتورها ناعم جدا واستجابتة حلوة لان وزن العربية مش كبير ومع ذلك اتزانها جميل اوى لان محاور العجلات كبير ويبان اوى لو نظرت اليها من الخلف اما بقى المواتير الـ 1500 فيها متوحشة بجد .........انا فاكر كنت بسافر بيها كان متوسط السرعة 140 وكان الموتور 1300 بس كنت عاملة صح لاصح
اسعار قطع الغير بجد زى الفيات ويمكن اقل .....الموتور مثلا بـ 1500 جنية ودة تمن موتور الـ 128 اما فى الـ 131 الموتور بالفتيس بيعمل 3500جنية
ممكن يكون الاكسسوارات بتعتها غالية نوع ما
اية تانى ؟؟؟؟؟ ما تسالنى وانا اجاوبك |
أخـى الكريـم الفاضـل [ mr_astra]
إذا وجد الماء بطل التيمم
وحضرتك كفيت ووفيت بكل ما جاء بك من توضيح سلس وراقى
كما هو روعة وجمال تواجدك المشرق بين صفحتنا وارجائنا
وكل مـــا هو مبهم قد ظهر بما نقشته أناملك الذهبيـه
وتبقى لى إستفسار بسيط قالوا لى إن عند تصليح أى جزء
من السيارة المكينكيا بتوعها ضعاف جدا ً ومعدودين
ومش أى حد يفهم فى الماذا وتجد صعوبه عند الإصلاح
هل هذا الكلام صحيح أم ليس له صحه أو وجدود
أخوك / هانى الاسيوطى
22-10-2011, 02:08 PM
رد: طلب أخير منكم يا أهل الكرم والجود
