#6
|
|||
|
|||
رد: كل واحد يقول احلي رحلة طلعها في حياته
اولا انا مش عارف اقولك ايه يا دكتوره هبه الموضوع بأمانه جه في وقته الصراحه واحلي رحلة رحتها في حياتي كانت من اسبوع رحلة صيد في الزعفرانه علي مركب امير البحار بتاعت محمد هنيدي ههههههههههههههههه وطبعا اولويات الرحلة بالنسبالي تتمثل في الصحبه اولا وبعدين مكان الرحلة وبعدين التكلفة هههههههههههههه وطبعا هوريكم الرحلة بالصور علشان متقولوش بس اني أثرت ههههههههههه الرحلة أولا كان فيها عمي وأستاذي الاستاذ هشام باهي وحبيب قلبي سعيد عطيه ونمشي بالصور واحده واحده الصورة ديه واحنا بنحشي عربية سعيد بالتموين بتاع الرحلة من ايس بوكس الي اكل الي شرب كله في العربية ديه طبعا بعد ما حشينا العربية من خيرات الله خدتها وطلعت جريت هههههههههه قمة الندالة ديه صورة المركب المصون اللي استحملتنا 24 ساعة في عرض البحر دول شوية الكاليماري اللي اصطادتهم اصل محسوبكم مبيصطدش سمك لاني مبحبش اكله باكل كاليماري بس ههههههههههههه وديه صورة سواق المركب ومفيش احلي من مزاج السجاير المختلط بالبحر المالح ههههههههه كفايا عليكم صور لحد كدا بقا
|
#7
|
||||
|
||||
رد: كل واحد يقول احلي رحلة طلعها في حياته
احلي رحله
عمره مكه و زياره المدينه الاقصر واسوان وخصوصا السد العالي وجزيره فيله دبي الامارات جامده برده
__________________
Essam Badawi |
#8
|
||||
|
||||
رد: كل واحد يقول احلي رحلة طلعها في حياته
الظاهر ان الموضوع ببساطة شديدة جدا .... انا عايزة اتفسح!!! فبشوف تجارب الناس عموما لكن مش شرط ان يكون الرحلة خارج القاهرة او خارج مصر هو انا قصدي علي الرحلة وبس وعشان اثبت حسن نيتي انا هاحكي عن احلي رحلة في حياتي بصراحة انا كنت مشتركة في اتحاد الطلبة بس مشتركة بس بحسن النوايا مش اكتر يعني صاحباتي لما كان بيبقي في حاجه الاقيهم هم مشتركين لي وانتو عارفين طبعا ... الصحاب لبعضيهم (بس متقولوش علية بقي من الحزب الوطني بقي وتطلعوني من الفلول في الاخر ) المهم وانا في سنة سادسة سنة 2002 لقيتهم بيقولولي في حاجه اسمها مشروع اعرف بلدك عامل رحلة لكل الكليات ، فين دي يا عيال ؟ الاقصر واسوان اول ما قالو الاقصر واسوان كان لها وقع في قلبي لان والدي بيشتغل في اسوان وعلي الرغم من ذلك عمري ما رحت هناك! المشكلة بقي ان المدة كانت اسبوع بعد الكثير طبعا من المحايلات والقطرات المسيلة للدموع ومعلش يا جماعة وبالعكس انا هبقي جنبك يا بابا وافقو علي فكرة هي كانت رحلة بنات بس بالنسبة للمكان وقعدنا في الاقصر 4 ايام كمية معابد مهوووووووووووولة كل يوم نروح نتنقع في الشمس وواحد يفضل يقول كلام عن الاسرة ال18 والاسرة ال15 وانا كل اللي بفكر فيه حاجه واحدة بس هم زميلاتي دول واقفين يسمعو الكلام دة كلة ازاي وابص في وشهم الاقيهم مركزين اوي ....فهمت ان اكيد العيب مني انا ما عدا معبد واحد مش فاكرة اسمه بصراحة بس كان بيطل علي النيل كان منظر رااااااااااائع جدا جدا يمكن هو احلي حاجه في الاقصر اما اسوان بقي مش هتكلم طبعا عن جزيرة النباتات الراااااااائعة والنيل هناك جميل جدا مفيش معابد كتير (مفيش وقفة في الشمس الحمد لله )هو الصوت والضوء بس وشكله سواء الصبح او بليل جميل جدا وكان في جزيرة غريبة جدا اسمها جزيرة الموز الغريب فيها اية بقي ان علي الرغم من ان اسمها كدة الا اني ملقتش موز؟ الاحلي من الاماكن كمان بقي الصحبة بجد اتعرفت علي ناس من الرحلة دي الي الان صاحباتي كانت احلي الاوقات بقي بليل نطلع فوق السطح ونلعب كهربا ههههههههههه الي الان الذكريات دي مش بنساها عارفين الرحلة دي كانت بكم محدش هيصدق ب 20 جنية
__________________
بسم الله الرحمن الرحيم
وما كان ربك نسيا صدق الله العظيم |
#9
|
||||
|
||||
رد: كل واحد يقول احلي رحلة طلعها في حياته
شكرا لمشاركتك
شكرا ليكي يا مرمر علي مرورك واهتمامك بالرد سبحان الله اكيد طبعا احلي رحلة في حياة البشر واللي كلنا بنتمناها هي زيارة مكة والمدينة والصلاة بهما والقدس يا رب امين
__________________
بسم الله الرحمن الرحيم
وما كان ربك نسيا صدق الله العظيم |
#10
|
||||
|
||||
رد: كل واحد يقول احلي رحلة طلعها في حياته
ربنا يوعدك برحلات كتير من دي بس متنسناش من الكاليماري بس انا شايفة جنبه في سمك سمك اية دة؟ معلش ثقافتي في الاسماك ضعيفة شوية !!
__________________
بسم الله الرحمن الرحيم
وما كان ربك نسيا صدق الله العظيم |
|
|