لوجان ولا m 11 ولا افيو ( فئة السبعين الف المحيره )

[star over]

طب ما تفكري في اللانوس ؟ لو مينفعش ارشحلك الافيو عربية جميلة ومنتشرة جدا وقطع غيار في كل حتة

[MOSTAFA SALLAM]

والله العظيم مش لاقى كلمة اقولها لأن موضوع المقارنات اتعمل مليون مرة قبل كدة و اللوجان احتلت و ما زالت محتلة فئة من 70 - 80 الف جنيه .
و بعدين مين قال ان اللوجان رومانى مغربى صينى .
اقسم بالله ان هذا الكلام خاطىء و ليس له صحة من الأساس .
اللوجان مكوناتها بالكامل فرنساوى تقفيل مصنع رينو فى المغرب ( صوماكا ) بالدار البيضاء و كل حاجة فى العربية مختوم عليها E BY RENAULT دة حتى الكاسيت بتعها المانى مش مغرربى حتى و لو افترضنا ان داخل فيها مكونات مغربى هتبقى بنسبة 25% فقط و من مصنع رينو برضه اللى فى المغرب .
و بالنسبة للرومانى فهى تقفيل ايضا مش اكثر انما المكونات بالكامل فرنسية و اللى موجود فى السوق دلوقتى كله تقفيل مغربى و حقق نجاح باهر من 2010 حتى 2011 .
و بعدين حرام لما نقارن بين عربية اوروبى و بين عربية كورى او صينى و تقفيل مصرى كمان احنا كدة بنقارن بين وزن الديك و وزن الريشة .
و بعدين المفروض ان السعر الحقيقى للوجان ميقلش عن 85000 جنيه بسبب اتفاقية اغادير يعنى دخلنا فى فئة اعلى .
و بالنسبة للشكل لو مش عاجبك ممكن تختار السانديرو اللى هى لوجان هاتش باك و نفس الكمليات و الأساسيات و كل حاجة الأختلاف فى الشكل الخارجى فقط لا غير .
و بالنسبة لقطع الغيار رخصت و فى منها تيوانى و تركى و صينى و اصلى و طبعا كل حاجة و بتمنها .
و متوفرة ايضا و بكثرة خارج التوكيل .
انما الحاجات الرخمة زى مكان الكلاكس و ازرار الزجاج فدة بيبقى فى بعض العربيات الفرنسية بيبقى ليها تاصميم كدة خاص بيها علشان تبقى العربية مميزة و غير باقية العربيات اليابانى و الألمانى و الكورى و الصينى و الماليزى و غيره .
انما تنك البنزين فدى وسيلة من وسائل الأمان لأن فى فرنسا مينفعش حد يفول و هو قاعد بداخل السيارة او حتى حاطت المفتاح فيها .
بالنسبة للشنطة فملهاش اثر كبير يعنى ممكن منركزش فيه يعنى .
غير كدة هى عربية ممتازة و توكيلها محترم جدا و اى استفسار تانى انا تحت امرك لأنى من ملاك العربية و ربنا يوفقك فى اختيارك .

[A7MED NASSER]

انا بنصحك حضرتك من وجهة نظري الشخصيه :-
انك تتوكلي علي الله و تجيبي ال M11 ودي عربيه بصراحه مليانه كماليات من الابره للصاروخ من السي دي ال MP3 لحساسات المطر يعني فيها كماليات عمراها ما نزلت و لا هتنزل في فئتها و ده اللي فعلا الناس بتدور عليه اليومين دول الراحه و الرفاهيه بالكماليات الكتير و قطع غيارها سعرها ملائم و متواجده و تعتبر هي الافضل في فئتها في حكاية اعادة البيع علشان هي اسبرانزا و الاسبرانزا معروفه و هي اول و افضل شركة صيني و انتشرت بسرعه و تعبتر هي الشركة الصيني الافضل في مبيعاتها و بكده يبقى اكتملت الروئيه و لو فيه اي استفسارات تانيه انا متابع الموضوع


من وجهة نظري ايضا علي باقي السيارات المطروحه فالمقارنه :-
1. اللوجان و دي عربيه ما تتركبش بالعيوب اللي فيها دي (الا لو تم تعديل اماكن الكماليات) و شكلها مش
ملائم للاشكال الجديد و التصميمات الحديثة للسيارات مثل تصميمات الهيونداي (فلازم لها تعديل شكلي كمان)

2. الافيو و دي عربيه حلو برضوا و كماليتها معقوله و شكلها مش وحش بس بنسمع عنها عيوب كتير
بس بصراحه و عن تجربه لصديق . هي عربيه مش وحشه و تعتبر سعرها ملائم و كفاية انها ماركة
شيفروليه ( موتورها بس هو اللي موتور دايو لانوس 1500 و ده مش قليل عليها و لا حاجه)

3. الفيرنا و دي متعتبرش معيوبه و لا وحشه و اللي بيقول كده يشوف مبيعاتها و انها تعتبر الوقتي
كما يقال سيارة الشعب و هي الافضل في مبيعات السيارات في مصر لعام 2009 و 2010
----------------------------

و طبعا ً الاختيار ليكي فالاول و في الاخر و دي وجهات نظر و المقارنه دي من وجهة نظري الشخصيه

[Mr.NoLoVe]

المشاركة الأصلية كتبت بواسطة A7MED NASSER انا بنصحك حضرتك من وجهة نظري الشخصيه :- انك تتوكلي علي الله و تجيبي ال M11 ودي عربيه بصراحه مليانه كماليات من الابره للصاروخ من السي دي ال MP3 لحساسات المطر يعني فيها كماليات عمراها ما نزلت و لا هتنزل في فئتها و ده اللي فعلا الناس بتدور عليه اليومين دول الراحه و الرفاهيه بالكماليات الكتير و قطع غيارها سعرها ملائم و متواجده و تعتبر هي الافضل في فئتها في حكاية اعادة البيع علشان هي اسبرانزا و الاسبرانزا معروفه و هي اول و افضل شركة صيني و انتشرت بسرعه و تعبتر هي الشركة الصيني الافضل في مبيعاتها و بكده يبقى اكتملت الروئيه و لو فيه اي استفسارات تانيه انا متابع الموضوع من وجهة نظري ايضا علي باقي السيارات المطروحه فالمقارنه :- 1. اللوجان و دي عربيه ما تتركبش بالعيوب اللي فيها دي (الا لو تم تعديل اماكن الكماليات) و شكلها مش ملائم للاشكال الجديد و التصميمات الحديثة للسيارات مثل تصميمات الهيونداي (فلازم لها تعديل شكلي كمان) 2. الافيو و دي عربيه حلو برضوا و كماليتها معقوله و شكلها مش وحش بس بنسمع عنها عيوب كتير بس بصراحه و عن تجربه لصديق . هي عربيه مش وحشه و تعتبر سعرها ملائم و كفاية انها ماركة شيفروليه ( موتورها بس هو اللي موتور دايو لانوس 1500 و ده مش قليل عليها و لا حاجه) 3. الفيرنا و دي متعتبرش معيوبه و لا وحشه و اللي بيقول كده يشوف مبيعاتها و انها تعتبر الوقتي كما يقال سيارة الشعب و هي الافضل في مبيعات السيارات في مصر لعام 2009 و 2010 ---------------------------- و طبعا ً الاختيار ليكي فالاول و في الاخر و دي وجهات نظر و المقارنه دي من وجهة نظري الشخصيه

ايوه اشترى الاسبرانزا الفقيره عربيه شكل وفخامه وبهرجه ملهاش حل بس خامات ال 128 انضف منها ميت مره يعنى من الاخر عربيه خيش وقش وكرانيش

ومن ناحيه اللوجان انا معاك ان شكلها مش عاجبك لان احنا للاسف شعب جاهل ويقولك الشكل وخطوط الايرودينامكس والتصميم الخ زى الانترا الجديده انا بس عايزك تبص على البى ام والمرسيدس الناس دى بتهتم بالايرودينامكس للتعليش والشاسيه مش البودى الخارجى وده اللى موجود فى اللوجان

بالنسبه للفيرنا والافيو عربيات فقيره جدا جدا جدا كفايه اوى انك تبقى ماشى والناس تفتكرك سواق تاكسى

ولو عايز النصيحه والله اللوجان جميله وخامات ممتازه امان عالى عربيه اوروبى وبمواصفات اوروبيه وسيبك من الشكل انا اقسم بالله انا لما بمشى ف الشارع الناس بتبقى عينيها هتطلع تركب معايا فى العربيه
يا عم والله اللوجان جميله ولو اشتريتها مش هتندم لانها افضل سياره فى الفئه دى

[A7MED NASSER]

المشاركة الأصلية كتبت بواسطة Mr.NoLoVe ايوه اشترى الاسبرانزا الفقيره عربيه شكل وفخامه وبهرجه ملهاش حل بس خامات ال 128 انضف منها ميت مره يعنى من الاخر عربيه خيش وقش وكرانيش ومن ناحيه اللوجان انا معاك ان شكلها مش عاجبك لان احنا للاسف شعب جاهل ويقولك الشكل وخطوط الايرودينامكس والتصميم الخ زى الانترا الجديده انا بس عايزك تبص على البى ام والمرسيدس الناس دى بتهتم بالايرودينامكس للتعليش والشاسيه مش البودى الخارجى وده اللى موجود فى اللوجان بالنسبه للفيرنا والافيو عربيات فقيره جدا جدا جدا كفايه اوى انك تبقى ماشى والناس تفتكرك سواق تاكسى ولو عايز النصيحه والله اللوجان جميله وخامات ممتازه امان عالى عربيه اوروبى وبمواصفات اوروبيه وسيبك من الشكل انا اقسم بالله انا لما بمشى ف الشارع الناس بتبقى عينيها هتطلع تركب معايا فى العربيه يا عم والله اللوجان جميله ولو اشتريتها مش هتندم لانها افضل سياره فى الفئه دى

برضوا بحترم رايك و ياريت اسلوب حضرتك يتحسن شويه في الكلام . احنا في منتدى عام و محترم و انا قلت في مشركتي ان المقارنه كلها من وجهة نظري الشخصيه . انا ما قلتش لازم تشتري M11 . انا بقول و برشح اللي في رايي الشخصي . فياريت كل واحد هيحط مشاركه برايه و ترشيحه لنوع او فئه معينه من الشركات يعرف انه بيقول رايه الشخصي و اللي بيسال و هيشتري باذن الله . هو اللي يقرر بنفسه مش هنخليه يشتري اللي احنا مرتحنله . لأ طبعا صاحبة الموضوع لها الرأي الاول و الاخير و حنا مجرد ما بنديها نصائح عامه و بس مش اكتر و شكرا للجميع . و ارجوا الاهتمام بقوانين المنتدى اكثر .... مش معقوله كل مقارنه يحصل فيها مشاكل . بسبب اختلاف الاراء (عايز نحترم اداب الحوار يا جماعه)