أنا كرهت جاك بسبب توكيلها ,, اللي عنده شكوى منهم يا ريت يكتبها هنا

[aymanlaw]

المشاركة الأصلية كتبت بواسطة ahmedchina و الله إحنا ملاك الجاك إتكلمنا قبل كدة فى الموضوع دة كتير ! المشكلة مش فى العربية العربية أكثر من ممتازة التوكيل مش فارق معاه موضوع تجارة العربيات على ما يبدو لا تطوير فى الاداء أى مشكلة هى مشكلة العميل مش مشكلة العربية أو عيب صنايعى كل حاجة طبيعى زى ما يكون راكبين العربية على طول زينا و عارفين إية طبيعى و إية مش طبيعى

احمد بيك.......وحشتنا جداً ,ياترى حضرتك لسه فى الصين ولاشرفت مصر,عموماً فى الحالتين حمدالله على سلامتك,ونتمنى ان نأخذ موقف من هذا التوكيل ونشوف اخرتها ايه مع هؤلاء التجار الى للأسف مبيحمدوش ربنا على النعمه الى فى اديهم....سلامى لسيادتك

[aymanlaw]

الأستاذ--ahm2020 ,لك الحق ان تكره التوكيل ولكن ارجوا ان تحب سيارتك ,فلاتعول على مايحدث من كون السيارة من ماركة غير مشهورة عالمياً او حتى على مستوى مصر وكونها صناعة صينية ,لأن ذلك يجعلنا حساسين من اقل رد فعل يحدث كعطل مفاجىء او حتى ممكن يهىء لك الأمر ان المكونات الداخلية ليست بلجودة العالية ,ومش هخبى عليك هذا حدث معى وكنت بعتقد ان ده وضع طبيعى لأن السيارة صينى ولكن بعد عمل مقارنات كثيرة من الكشف على سيارات من ماركات مشهورة وحضور معارض السيارات ودخول مناطق تخزين السيارات فى بورسعيد والأطلاع على كل مكونات السيارات اتضح لى ان النتيجة واحدة ولاتوجد اى فروق فى الخامات ,وبلنسبة لمشاكل التوكيلات وعيوب الصناعة وغيره من المشاكل الأخرى فرجاء زيارة هذا الرابط للأطلاع على مواضيع خطيرة لم يكن المرء يعتقد فى حدوثها وكأن الواحد مستنى ايه الهيحصل فى العربية الصينى ,تفضل حضرتك http://www.masrmotors.com/vb/showthread.php?t=65728

[ahm2020]

أنا بشكركم جميعاً و أسف للتأخير كنت مسافر خميس وجمعة و سبت

أنا مقدر ردود الجميع ٫٫

بس كان دايماً عندي إحساس إن الناس خايفة تتكلم في أي موضوع يؤثر على توزيع العربية
لكن للأسف التوكيل نفسه مش مراعي ده و خلاص بجد الموضوع وصل لمرحلة القلق على مستقبل العربية
وممكن ملاك العربية يجربوا بنفسهم و يسألوا على قطع الغيار و هما هناك٫

أنا شفت ناس كتير بتسأل على قطع غيار مختلفة و الرد واحد "مش موجودة"

يا جماعة قطعة الغيار هي روح العربية و لو التوكيل موفرش قطع الغيار يبقى لازم يكون في موقف مننا٫

[mms]

اذكركم يااخوانى بموضوعين قدامى كتبتهم واحد بعنوان وداعا جاك وتنبات فيه بعدم انتشار السياره والثانى لا للاستغلال وارجعت فيه سبب انهيار السياره المتوقع للوكيل الجشع المستهتر واكدت فى الموضوعين على جوده السياره . ولكن اداره المنتدى حذفت موضوع وداعا جاك تحت مسمى دمج الموضوعين لوحده الفكره !!!!!!!!!..على الرغم من انى اراى هذين الموضوعين اهم ماكتب فى هذا القسم لان ما قلته من فتره طويله قد تحقق بحزافيره رغم ان وقتها قد تعرضت لهجوم من اخوتى بالمنتدى ولكنى كنت اعذرهم ......المهم اذا كان العميل يجب عليه فى التعامل مع الوكيل دايما اللجوء للنيابه وتقديم الشكاوى لجهاز حمايه المستهلك والزعيق والنرفذه فبناقص من دا وكيل ومن دى سياره والماركات الاخرى ماليه السوق وارخص وخدمه افضل ....اما بالنسيه للى اشترى خلاص فده اللى واجب عليه يشتكى او يتخانق لانه اتورط خلاص ولازم ياخد حقه .........اما التشبيه بوضع سيارات اخرى زى هيونداى واسبرانزا فاش جاب لجاب ..الجاك بحق الله اجود من اسبرانزا والاتنين صينى وشوف اسبرانزا فى الشارع ازاى وجاك ازاى ؟؟؟؟؟السبب طبعا الوكيل اللى مش فارقه معاه العربيه خالص وحاسس ان كفايه عليه توزيع جيلى واسكودا ..........ولا اخفى حزنى من اجل ملاك السياره وغيظى من هذا الوكيل اللى كسب من السياره اكتر من ضعف تمنها ...وبالغ فى سعرها لحد مابارت ...فعلا بارت ......وفى النهايه ,,,هناك اقتراح لى قد يغضب اعضاء القسم لكنى اراه عين الصواب وهو عدم افراد قسم خاص بسيارات جاك لان عدد ملاكها قليلين جدا بالنسبه لسيارات كتير موجوده فى قسم الصينى العام...........وليس هذا طبعا من حسن الاداره ...رجاءا ماتزعلوش منى واظن ان عصر المجاملات الضاره قد انتهى .

[Dr/Mohammed]

ياعم نيسان صني ايه الي كويسه
دي عربيه زباله هي راخره
وربنا يريحني منها يااارب لاني كرهتها هي وتوكيلها ( النيسان صني )