ما هي أضرار بنزين 80 علي موتور العربيه؟؟.. برجاء افادة الخبراء

[yaso12]

فعلا الفرق فى نسب الانضغاط بين محرات زمان والحديث منها لكن مافيش ضرر مباشر من البنزين انما الضرر ان العربية اللى نسبة الانضغاط فيها عاليه هتفقد جز كبير من قوتها . وهنا فى هذا المنتدى الرائع شروح كثيرة لهذه المسألة ممن هم اقدر منى على الشرح .
: BUTTER~183:

[mr_astra]

لو فعلا عربيتك فرنا زى ما هو مكتوب ممكن تغير جمبر او فيشة الاوكتان لـ 80 عشان تتلاشى ظاهرة الصفع مع شوية مهارة برجلك مش هاتحس انك ممون 80 والفرنا لو حطنلها بنزين 80 بتبقى زى الانوس كدة فى سحبها

[sayed2077]

تحياتى لحضرتك مستر استرا

وفعلا اى عربيه ظبط كهربتها مع ضبط رجلينا على سواقة ال 80
فعلا مش هنحس باى فرق الا بسيط جدا وفى راى الخاص لو حتى فيه فرق بسيط بيكون مقبول جدااااااااااااااااااااااا ااا مقابل
التوفير الكبير وعدم العبىء المادى اللى بيسببه بنزين 92
كفاية ان مثالا عربيه زى الاكسيل تنكها 45 ليتر لما احط بنزين 92
هيكلفنى بتاع 100 جنية لما افولها
غير لما افول ب 45 جنية التفويلة
و ب 55 جنية الباقيين اظبط حاجه فى العربيه

ربنا يديم نعمة البنزين ال 80 ويحفظها من الزوال

وفعلا انا اتعجب من اللى بيقول ان ال 80 مضر وكدا
بالعكس الحكاية كلها تعتمد انك تظبط كهربة العربيه وتظبط رجلك على الدواسة

بس متجيش تجيب الرابع وانت على سرعة 20 وتدوس بنزين للاخر اكيد بالطريقة ديه الماتور هيبوظ منك

وياسيدى كل ثلاث شهور ابقى غير فلتر البنزين

تحياتى لحضرتك مستر استرا مره تانية

[amr elsisi 1]

المشاركة الأصلية كتبت بواسطة mr_astra طب اية الفرق بين الـ 80 وال 92 هل نسب الشوائب اكثر فى الـ 80 عنة فى الـ 92 ؟؟؟ الاجابة لا هل تنكات البنزين فى المحطات مختلفه من حيث خامة التنك او الاعتناء بنضافة اكثر من الـ 80 ؟ الاجابة لا طب هل طالما المحرك رشاشات وليس كربراتير يبقى اجبارى احط 92؟الاجابة لا بدليل ان محركات الديزل حقن مباشر والوقود زيت الديزل مش بنزين 80 الاخف هل بنزين الـ 80 يوجد به مياه اكثر من الـ 92 ؟ الاجابة لا لان البنزينة اللى بتغش البنزين بمياه مش هاتفرق ولو ان ما فيش بنزينة بتغش البنزين باى مادة تانية وانما ممكن تكون الخزانات صدت وتسرب اليها مياه جوفية المهم ان حتى لو البنزينة هاتغش البنزين بمياه لية هاتغش 80 وتسيب 92 طب اية الحكاية؟ الفكرة كلها فى تصميم المحركات ونسب الانضغاط ......قديما كانت نسب انضغاط المحرك تقريبا 1:8 والان فى المحركات الحديثة نسب الانضغاط 1:12 طب اية الاضرار الى ممكن تحدث نتيجة استخدام بنزين 80 ؟ الاجابة وطبعا راى شخصى لا يوجد اى اضرار من استخدامة ولو سلمنا جدلا ودة مش بيحصل ان الرشاشات تتسد نتيجة استخدام 80 نحسب هاتتسد بعد فترة اد اية ونشوف تمنهم كام ونحسبها حسبة اقتصادية الاخ اللى بقول ان بنزين 80 بيضر حتى العربيات القديمة !!!!! هل ايام تصنيع تلك العربيات كان يوجد بنزين 90 ؟؟؟؟ على فكرة زمان ولو فى حد فاكر كان فى بنزين عادة وبنزين سوبر للى فاكر البنزين الاخضر والاحمر وكان الـ 80 دة هو السوبر

[amir elgamal]

مع احترامى للجميع انا شايف ان 80 ده بيفقد عزم كبير جدا للسياره
وبعدين فيه شوائب كتير جدا
يعنى حد يقدر يقولى 20% الباقى دول اييييه؟؟؟
نيترو مثلا؟؟ شئ مش مقنع
انا مقدر فعلا العبئ المادى الكبييييييييييير جدا
لكن الحفاظ على الموتور رقم 1 عندى