إيه الأحسن يا جماعة FRV ولا Logan????????

[MOSTAFA SALLAM]

http://masrmotors.com/vb/showthread.php?t=62064
دة اخر تقرير عملته للوجان يا ريت تدخل و تتفرج عليه .
ثانيا الصينى صينى مهما حصل و مينفعش تدفع فلوسك فى عربية مش مضمونة و منظر و كمليات بس انما لو جيت تبيعها هتخسر فيها نصف تمنها دة لو لقيت حد يشتريها يعنى و لو حصلها حاجة مش هتلاقيلها قطع غيار و انا سمعت كمان ان قطع غيارها مش موجودة فى التوكيل نفسه و الله اعلم .
اللوجان عربية فرنساوى تقفيل مصنع رينو بالمغرب ( صوماكا ) بالدار البيضاء و الناس كلها شكرت فيها و اكتسحت السوق خلال فترة قصيرة جداااا و اتعرفت عيوبها و مميزاتها و كمان عيوبها مش جوهرية بالمرة و مميزاتها مغطية على عيوبها بالكامل و قطع غيارها نزلت خارج التوكيل و مقاربة من اسعار قطع غيار الانوس و الفيرنا و فى منها التركى و التيوانى و الصينى و طبعا كل حاجة و بتمنها .
دة غير توكيل رينو الأكثر من محترم اللى بيحل اى مشكلة فى العربية بسهولة تامة و كجانا طول ما انت فى فترة الضمان و يعد من افضل التوكيلات فى مصر .
اللوجان عربية سيمبل و شيك فى نفس الوقت مش زى الأنجلون لأ هى عربية سيمبل .
و فرصة تلحق الباك لاين منها زيادة عن الفول ابشن العادية ان فيها ( طارة مالتى فاكشن و مكسية بالجلد الطبيعى و فيها كاسيت MB3 مش اوديو و كمان الفرش بتاعها مخملى و المفروض التابلوه يكون بلونين ) و دى سعرها 72000 جنيه .
انما الفول ابشن العادية ب 70 الف جنيه شوف انت اللى يريحك ايه و كمان لو مش عاجبك شكل اللوجان ممكن تجيب سانديرو و دى فول ابشن ب 75000 و متفرقش عن اللوجان غير فى الشكل الخارجى فقط لا غير .+