النترا ولا صني ... يا تري مين يكسب بالقاضيه ؟؟

[gad]

انا ناوي ان شاء الله اشتري واحده فيهم فيا ريت يا استاذ corsair تساعدني في اتخاذ القرار لان انا منعدم الخبره في السيارات وتعبت في فلوسي جدا وبقالي اكثر من 10 سنوات عايز اجيب عربيه

فمتخيل اني لازم احطها في ملاك يعني ههههههههههه

يعني لو في حاجه افضل وفي نفس الفئه السعريه بالاضافه لتوضيحات اكثر عن الا 2 المعروضين هنا

[rawsha2100]

الالنترا حلوة على الطرق السريعة ولكن الصنى اشد فى كل حاجة اللى بتتميز بيه الالنترا الشكل وعلى فكرة فعلن بتحك وبتنط كتير وانتى بتجرى

[AbOnOrA]

المشاركة الأصلية كتبت بواسطة احمد على 1999 اده اول مرة اعرف ان فى فرق فى الصالون ما بين السوبر صالون و ال EX حبقى اركز لما اشوفهم تانى

هو مفيش فرق بين الاتنين طبعا
الاتنين نفس العربيه ده فرق تجهيزات مش مساحات داخلية خالص

ركز يا كورسير

[AbOnOrA]

اولا مفيش عربيه ممكن تكسب القاضية لاننا دائما بنقول مفيش عربيه هى الافضل على الاطلاق لكن فيه الانسب لاحتياجاتى واولوياتى وبالتالى كل واحد فينا حسب امكانياتة وطبيعة استخدامة وتفضيلاته ممكن تكون عربيه انسب وافضل ليه من التانية


- قوه الماتور والسحب والثبات

طبعا مينفعش نقارن بين موتورين بالقوة الحصانية بس فيه فروق تصميم وفيه قوة عزم وفيه منحنى القوة اللى بيوضح كل موتور بيطلع قوتة وعزمة على السرعات ازاى
وبعد كل ده نقارن مواصفات الموتور بوزن العربيه وابعادها علشان نعرف بالظبط انهى موتور اقوى فى انهى عربيه اجمالاً

بس عموما بدون الدخول فى تفاصيل فنية الموتورين محترمين جداً من حيث القوة او الاعتمادية وقلة الاعطال

2- العفشه وما ادراك ما العفشه ونعومتها وقوتها

مينفعش العفشة تبقى ناعمة وقوية فى نفس الوقت فى الحقيقة الاتنين متناقضين لبعضهم
كل ما العفشة كانت ناعمة كل ما كانت اقل دقة فى التوجيه واكثر عرضة للحوادث وعلى العكس كل ما كانت ناشفة كل ما كانت رياضية اكتر واقدر على المناورة والتحكم
الصنى عامة ناشفة حبتين عن الهيونداى وعن اليابانى عموما وده بالاخص للايكس صالون لكن السوبر صالون عفشتها افضل

الهيونداى اقرب للمرونة والراحة لكن اقل ثباتا وده يمكن التغلب عليه بتغيير مقاييس الكاوتش او بتركيب عفشه رياضية لو محتاج مستوى اعلى من التحكم والثبات لكن والطرق بتاعتنا كلها المفروض قانونا وعملياُ نظرا لحالتها منمشيش عليها بسرعات اكبر من 100 - 120 يبىقى الهيونداى زى الفل لحد 160 كمان

3- عوامل الامان في كل منهم
للاسف هيونداى غبور لا تؤمن الا بحزام الامان فقط ولا غير وبالتالى تجهيزات الامان لصالح الصنى

4 - وسع الصالون والرفاهيه
الالنترا اوسع وليها كماليات اكتر وتصميمها احدث كمان وده كله يخليها الافضل فى النقطة ديه

وااااااااااالاهم هو تحملها للسفر المستمر وبشكل تحميل كامل سواء اوزان او اشخاص

على عكس ظن اغلب الناس السفر طوالى اريح للعربيه من المشى جوة المدينة
اريح للعفشة واريح للماتور
العربيتين عموما هيتستحملو والاتنين اعتماديتهم عالية