يلا نضحك ع بعض

[koashraf]

المشاركة الأصلية كتبت بواسطة corsair ياااااااااااااااااااااااه يا مرمر ده انا حياتي كلها مواقف هقول ايه ولا ايه طيب خدي الموقف ده كان سنة 89 كان عندي 3 سنين وكنت مرمي في حضانه زي الاطفال بتوع الصومال لاجئ سياسي وانا كنت اي حاجه بشوفها باخدها علي بقي علطول وكنت في يوم ميت من العطش ودورت علي ازازة ميه لقيت ازازة قدامي روحت لفحها علي بقي وطلعت مش ميه طلعت كلور وكان يوم مش عايز اقولك ايه اللي حصل عمري ما هنسا اليوم ده كل شوية هحكيلكم موقف من مواقفي بس انتوا استحملوني بس

خضيتنا عليك ياراجل الف سلامه ......بس كان فيه سؤال صغنن....

7
7
7
7
7
7
7
7
7
7
7
7
7
7
7
7

الازازه اتكسرت ولا الحمد لله طلعت سليمه...........

ههههههههههههههههههههههههه هههههههههههههههههه

لا طلعت سليمة انا اللي مطلعتش سليم خالص من الموضوع ده وعيشت بتاع سنة كل ما اشرب حاجه احس اني بشرب كلور

الموقف الثاني

كان تقريبا سنة 96 وكنت في مرسي مطروح وانتي عارف يا مرمر والاستاذ اشرف عارف اني من اعداء اللحمه الضاني

وكنا علي البحر وجعانين وبابا راح جابلنا مكرونه بالبشاميل باللحمه المفرومه

المهم قعدنا وتمام التمام

وجيت اكل المكرونه روحت جايب كل اللي في بطني طلعت اللحمه المفرومه لحمه ضاني ومن ساعتها لحد دلوقتي مباكلش مكرونه بالبشاميل بسبب الموقف ده بابا ناقص يحطلي اللحمه الضاني في الميه علشان يخليني احبها دايما يعمل فيا مقالب وبتطلع علي دماغي في الاخر

الموقف الثالث

كنت في اولي ثانوي كان الكلام ده سنة 99 تقريبا

المهم كنت علشان اروح المدرسة في طريق مختصر وفي طريق طوووووويل وكنت بخاف اخد الطريق المختصر ده من اللي بسمعه عنه انها منطقة مقطوعه لحد ما كونت صداقة وشيله في المدرسة واغلبيتهم جيراني

المهم كنا بتاع 15 واحد وبقينا نشجع بعض اننا ناخد الطريق المختصر ده كلهم كانو مقلقين زيي كدا وانا صاحب فكرة اننا جروب مفيش حاجه هتحصلنا وقعدت ازن علي دماغهم لحد ما في يوم قررنا ناخد الطريق المختصر ده

لسه بنقول يا هادي ولقينا اللي بينبح علينا تخيلي بتاع 10 كلاب بلدي رفعين شعار والنبي ماانا سايبك

وقولنا نجمد قلبنا وبدون سابق انذار لقينا جروب الكلاب ده طلع جري ورانا

وحالفين ما هيسبونا الا قطع مش محصلين كومبو حتي

المهم نجري هنا وهنا وانا روحت ناطط في مدخل عمارة وقفلت علي نفسي الباب وصاحبي جه يدخل معرفش وراح الكلب قرمه من منطقة حساسة شوية وياعيني الواد يسرخ وانا مش عارف اعمله ايه قاعد اتفرج لحد ما الكلب تقريبا نفسه اتسددت وسابه وانا حلفت ما اخرج من البيت اللي انا فيه ده لحد ما جابولي تاكسي مخصوص ياخدني من قدام المدخل

وصحبي ده قاطعني وخدله 21 حقنه معتبرة وانا بطلت اروح المدرسة خالص ولا طريق طويل ولا مختصر كرهت نفسي

وديه كانت الفضيحة رقم 3

[mf]

كان عندي 6 سنين تقريبا سنة 92 ومنا في السعودية ووالدي جاب "برادة مياة "اللي هو الكولدير دلوقتي علشان يركبها في البيت ونشرب منها ميه ساقعه بدال ماكنا بنشتريها من البقاله وفضل طول اليوم يركب فيها وفي الاخر اشتغلت والحمد لله وبعدين نادي علي واداني "ريال" انا اخدت الريال وجريت علي البقاله واشتريت"إزازة مياه معدنية ساقعه" وداخل من بابا الحوش وانا بشربها

الوالد بصلي كده ونادي عليه ومسكني من قفايا وقالي"ياكلب انا طول النهار طالع عيني وروحي علشان اركب الكولدير علشان نشرب منه ميه ساقعه وانته رايح تشتري من برا" وراح مفضي الازازه كلها علي راسي انا جريت منه علي باب الحوش ولسه ببص ورايا لقيت الازازه في وشي ...

كان ايام جميلة ياريتها ترجع تاني .........