عندى مشكلتين واحتار فيهم كل الصنايعية

[كيا سيفيا]

المشاركة الأصلية كتبت بواسطة weels انت عارف الافلام العربى لما يروح البطل للدكتور ويقوله انت مش هتعيش اكتر من 6 شهور ولازم تعمل عملية فى انجلترا والحاجات دى , اهو ده الى بيحص معايا فى عربيتى مشكلتين ماحدش عارف يحلهم وانا حاسس انه هتطلع فى الاخر حاجه هبله المهم نروح للمشاكل : المشكله الاولى : مع تشغيل التكييف وبعد تقريبا 30 دقيقة امبير الحرارة بيطلع بسرعه جدا الى النهاية وبعدين اكتشف ان المياه فى الرادياتير نشفت خالص خالص ازود مياه وامشى تانى على التكييف تحصل لكن من غير تكييف مافيش اثر للمشكله دى اطلاقا , وللعلم المراوح شغالة كويس جدا مع التكييف وبانتظام تام ومافيش تسريب فى الرادياتير , ممكن حد يقولى اى احتمالات لسبب المشكلة دى واقولكم الناس قالتلى ايه , واحد قالى المياه بتهرب على السخن بتاع التكييف لازم تلغى السخن بتاع التكييف وتعمله طبه عشان المياه ماتروح عليه , التانى قالى : عشان الموتور خفيف وفعلا الموتور عندى خفيف شويه بس هو عارف مش اكتشف ده لوحده , والتالت قالى ترموستات الحرارة , والربع قالى غير المرواح كلها , ومش عارف اعمل ايه حد يساعدنى قبل ماغير العربية كلها .

كلام سليم 100/100 حصلت معايا ولغيت السخن وانتهت المشكله تماما

[weels]

المشاركة الأصلية كتبت بواسطة عصام حميد اسال السمكرى شوف هايقولك ايه

والهى فكرة ياستاذ عصام هو تصدق هو ده الوحيد اللى ماسالتوش هو وبتاع الكاوتش

[weels]

المشاركة الأصلية كتبت بواسطة memodina1 والله نفس المشكلة بتواجهنى لما العربية تبرد اجى ادور الصبح بلاقى اهتزاز ورجة جامدة فى الماتور والشكمان وممكن تفصل كمان العربية منى بس بديها شوية بنزين قليل وطبعا مش بتهدى دى بترج اكتر بس مرة مرتين والعربية تهدى فجاة ولا كانى فى اى حاجة وامشى بيها طول اليوم مفيش اى مشكلة ولا اهتزار ولا اى حاجة الحمد لله انما اجى اركن واصحى اروح الشغل نفس المشكلة انا هتجنن والله بنام حزين على العربية عشان مش عارف لها حل وكل ما اروح لميكانيكى يقولى ورينى اقولة يا عم دى الصبح او العربية لما تبرد خالص يبصلى من فوق لتحت ويقولى انت موهوم يا بية العربية سليمة ويسبنى ويمشى بالله عليك لو لقيت حل للموضوع دا اكتبة ارجوك استفاد برضة منك لانى كنت ناوى اغير بوجيهات وطرمبة قلت ممكن السبب لكن بكلامك دا ربنا يستر فيرنا 2007 50000كيلو

ان شاء الله لو لاقيت حل للمشكلة دى اكيد هقولك .

[weels]

المشاركة الأصلية كتبت بواسطة كيا سيفيا كلام سليم 100/100 حصلت معايا ولغيت السخن وانتهت المشكله تماما

تفتكر كده ان شاء الله اروح واعملها ويكون هو ده الحل ومتشكر على الاهتمام

[احمد على 1999]

انا فعلا من انصار الحلول السهلة الغير مكلفة
بالرغم انك مش حتخسر حاجة انك تلغي السخن علي سبيل التجربة بس هو لو بيسرب حيسرب سواء بالتكيف او من غيره و الهوايات تطلع بخار ميه و ميه الرادياتير تنزل من فايظ التكيف بس التجربة مش حتخسر
هل جربت غطاء رادياتير تاني
هل سربنتينة التكيف سليمة مفيهاش لحامات هل متنضفه كويس هي و الرادياتير من بره بالهواء
هل السرعة العالية للمراوح شغالة