بشرى لكل المعتصمين واهداء خاص لحركة 13 ابريل العزيزة

المشاركة الأصلية كتبت بواسطة lost2008 مريبة اوى الحملة على 6 ابريل ديه فيه اصرار متعمد لتشويه الحركات الثورية و المريب اكتر اشتراك الى بيسمو نفسهم اسلاميين فى الحملة القذرة ديه

[MmFFoR]

فعلا انا متضايق من الحملة على حركة 6 ابريل
هما زودوها شوية لكن اللي بيتقال عنهم مبالغ جدا

انا مش مع الاسلاميين في سياسة التخوين - و مننساش الجميل برضه مهما حصل

لولا 6 ابريل و غيرها مكانش في ثورة اصلا

و لولا الاخوان كانت الثورة راحت يوم موقعة الجمل

دي حقائق

نتحد و نتكاتف و ربنا يوفقنا لحسن انا سمعت ان حوستي بيفصل بدلة جديدة من ام 10 الاف استرليني علشان يطلع بيها في خطاب العودة

المشاركة الأصلية كتبت بواسطة mmffor فعلا انا متضايق من الحملة على حركة 6 ابريل هما زودوها شوية لكن اللي بيتقال عنهم مبالغ جدا انا مش مع الاسلاميين في سياسة التخوين - و مننساش الجميل برضه مهما حصل لولا 6 ابريل و غيرها مكانش في ثورة اصلا و لولا الاخوان كانت الثورة راحت يوم موقعة الجمل دي حقائق نتحد و نتكاتف و ربنا يوفقنا لحسن انا سمعت ان حوستي بيفصل بدلة جديدة من ام 10 الاف استرليني علشان يطلع بيها في خطاب العودة

انا معاك في كلامك طالما كلامك محترم وحضرتك بالتأكيد محترم جدا عكس ناس تانية بترد باسلوب الواحد يعف نفسة عن الرد علية
الل مضايقني من 6 ابريل اللي عملوة دا
ايه لازمة ترووحو من ميدان التحرير بمظاهرة الى وزارة الدفاع
لزمتها ايه
فرد عضلات مثلا
اصل المشكلة دلوقتي بقت كل فصيل في الثورة بيتحدي انه اكبر من التاني
وبقة موضوع مليونيات التحرير دي بقت معمولة عشان نعرف مين اكتر ومين اقل
مين كلامه مسموع ومين ملوش لازمة
خلاص بقت مليونيات التحرير كدا
المشكلة انه لسة فية بلطجية سارحة في الشوارع
النظام السابق كان فية وراة مش حاقول مئات...بل الالاف مستفيدة من البلطجة مدفوعه الاجر
كل دول بين يوم وليلة لقم نفسهم في الشارع
وبعدين كانو بياخدو مبالغ رهيبة
وكان ليهم تصنيفات وفئات محددة بالسعر
يعني تاجير انتخابات تفرق بين تخويف وصياعه كله بتمنه
المهم انت عارف ان البلد فيها قلق
وان الممكن ان لو الجيش سمح بوصول المظاهرات ادام وزارة الدفاع هل تضمن عدم اندساس عدد لا بأس منه من البلطجية وممكن يضربو الوزارة وبعدين دا امن قومي يعني مبنى وزارة الدفاع مستهدف طبعا ..يبقى ايه الوضع ساعتها
برضة وهما في الطريق ماكنوش عاملين حساب اندساس بلطجية توقع بينهم وبين الجيش
الفكرة نفسها مش غلط لأ غبية
ملهاش لازمة
واهو فعلا اللي كنا خايفين منه لقيناة
انا اصلا ساكن في العباسية وكنت امبارح عند الحاجة بازورها
اللي حصل ودا عرفتة من صحابي في الميدان نفسة
ان المتظاهرين هاجمو الجيش بعد لما لاقوة مش عايز يخليهم يعدو يروحو وزارة الدفاع
بعد شوية اللجان الشعبية بتاعه المنطقة ودي من اهالي المنطقة دخلت ساعدت وفصلت بين المتظاهرين والشرطة العسكرية وبصراحة لما مالقوش فايدة من المتظاهرين ضربوهم ومشوهم بالعافية
اللي حصل النهاردة ان المتظاهرين جم تاني ومعاهم سلاح وسنج ومطاوي وعايزين برضة يهاجمو بقى اللجان الشعبية اللي ضربتهم امبارح
يعني وضع غبي مش صح ومالوش لازمة
مانت في التحرير بتشتم الجيش والمشير (سواء بقى الكلام دا صح ولا خطأ كل واحد بيعمل اللي هوا عايزة)
ايه بقى لازمة اروح وزارة الدفاع....والمنطقة الخطيرة دي...
عرفت لية بقى انا بهاجم 6 ابريل عشان بقم شوية اغبياء
والله اعلم بعد ماكنت متاكد من انها حركة للحرية والتحرير بقت هي كمان بتدور على نصيبها من تورتة الثورة...لما لقت ان الاخوان اخدو نصيب الاسد منها...
اللهم ارحمنا من الفردية والانانية وكل واحد يحط مصلحة الناس قبل مصلحتة الشخصية عمرنا ماكنا حنلاقي الوضع الغبي اللي احنا فية دلوقتي

[AbOnOrA]

اى كلام فى اى حته والمهم تفتيت الثورة والمنادين بمطالبها

بصراحة شغل على مية بيضة زى الفل ... الاخوان اتراملهم عضمة المقاعد النيابية ومسكوه فيها خلاص ولسه ياعالم يمكن ياخدو حقيبة ولا اتنين

ائتلافات الثورة كلها اتلهت فى تشكيل احزاب وحلم المقاعد النيابية برضو ويا عالم برضو
حركة كفاية بالسلامة برضو وجورج اسحاق مش فاضى هو كمان
كلنا خالد سعيد فقدت من رصيدها بما ناله التشوية من شخصيات مؤسسيها ولوجود قضايا اضخم واعم منها
التيارات السلفية تقوقعت مرة تانية حول اسلامية الدولة والدولة الاسلامية
والحركة القبطية بالتبعية اتلهت بعبع الاخوان والتيارات السلفية وما بين مساندة احزاب تتبنى الاجندة الخاصة بيها وبين السعى على تمثيل لائق فى لعبة الكراسى الموسيقية القائمة

فاضل مين يا اولاد صوتة عالى ومبيدورش على مناصب ولا مراكز ولا مصالح
فاضل شوية شباب مؤمنين ان اللى بيحصل كذب وتضليل وسياسة فرق تسد
قلقانين ومش متطمنين وواثقين ومتأكدين ان النية مش خير وان الثورة ترجع الى الخلف
ومن حقهم زى كل الناس يستخدمو كل اساليب الاعتراض المشروعة للتعبير عن رفضهم
لان هما مش عايزين مناصب ولا حاجة لنفسهم غير الحق ده

دول 6 ابريل اللى جه عليهم الدور

[AbOnOrA]

ادى سبب غضب المجلس العسكرى من 6 ابريل

http://www.youtube.com/watch?v=kVIFwMuRQNU